هجايص

ده البوست السنوي اللي بيكون مفتوح علشان نتكلم فيه مع بعض ونطّمن على بعض (أيوه اللي بامسحه بعد كده) .. أهلا بأي حد عنده استفسار أو موضوع حابب نتكلم فيه .. بس يا ريت اللي يشرفنا ما يجيش بإيده فاضيه،، يعني يجيب معاه أي حاجة كده نتسلى فيها: ترشيحات كتب / أفلام / أغاني / أكلات ....... إلخ  ..   وأنا برضه كل شوية هابقى أجي أرغي هنا معاكوا . *   ملحوظة: التعليقات مفتوحة لغير معرف، بس عليها إشراف :)

البقاء لله .. انتقلت إلى رحمة الله تعالى - بإذن الله -   المغفور لها بإذنه تعالى الزميلة الفاضلة الدكتورة norahaty mo     صاحبة مدونة صعبان عليا حالنا   وذلك أمس الأول.   اللهم ارحمها وتجاوز عن سيئاتها واغفر لها واكرم نزلها وثبتها عند السؤال وغسلها بالماء والثلج والبرد وافسح لها في قبرها مد بصرها واجعل لها عن يمينها نورا وعن شمالها نورا ومن فوقها نورا ومن تحتها نورا والهمنا جميعا الصبر والسلوان. نسألكم قراءة الفاتحة والدعاء

- كم من الأشياء كان عليك ألا تدركها لتستمر في الحياة؟

** تحديث .. فجر الأحد الموافق 9/8/2015 لسه حالاً؛ وبالصدفة البحتة شايف تعليق قديم ليا في مدونة إحدى الزميلات يوم 15/8/2005 .. كنت باعلق وقتها باسم: Sherif .. وافتكرت أني كنت عامل وقتها مدونة سرية بانشر فيها الحاجات اللي باكتبها (بس مش فاكر أي حاجة عنها) .. مش عارف أقول لكم أنا اتصدمت قد إيه لما شفت التعليق ده!! .. عشر سنين؟؟ .. أنا متنح بجد!! .. لأ وشوف الصدفة؛ أشوفه بعد عشر سنين بالظبط!! .. عـُمـر!! ..  انتهى التحديث. البداية المعلنة فكانت في شهر نوفمبر 2008 .. كنت قاعد مع صديقي الدوك (هاني) في بيته وقلت له: ما تيجي يا ابني نعمل مدونة؟؟ قال لي: نهبب فيها إيه؟؟ قلت له: نكتب فيها أي هجايص!! نحكي فيها مواقف الشلة وبالمرة أجمع فيه الحاجات اللي كاتبها من سنين في كشاكيل وكراريس وعلب سجاير وتذاكر؛ قال لي: وهنسميها إيه سموك؟؟ قلت له: هجايص!! كنت بادون باسم:  Boshkashi اسمي المحبب اللي بابا كان بيدلعني بيه وأنا صغير؛ كان بيقول لي: يا بوشكاش على اسم لعيب كورة قديم .. نشرنا بوستين تلاتة مشتركين أنا والدوك وبعد كده اعتزل!! .. فضلت فترة أهجص براحتي في المدونة وما حدش يسمع عني حاجة .. ال...

كل سنة وحضراتكم طيبين جميعاً وبألف خير وصحة وسعادة ورضا وراحة بال ويا رب يا رب يا رب تكون السنة الجديدة سنة سعيدة علينا كلنا بإذن الله وكل واحد يحقق فيها اللي بيحلم بيه وبيتمناه :) باعتذر جداً جداً لحضراتكم على التقصير في المتابعة وعن قفل التعليقات المستمر ؛ وباعتذر كمان جداً جداً جداً عن عدم سؤالي على كتير من حضراتكم الفترة الي فاتت ؛ لكن دايماً والله فاكركم بكل الخير وبادعيلكم بظهر الغيب أن ربنا يكرمكم ويوفقكم ويهديكم وينجح مقاصدكم ويبارك فيكم ويحفظكم من كل شر وسوء اللهم آمين - البوست ده مش مفتوح للمعايدة وكل واحد يخش يقول كل سنة وأنت طيب ويمشي ؛ البوست ده علشان نود بعض ونتطمن فيه على بعض ونرغي براحتنا مع بعض ونعرف أخبار بعض .. اللي عاوز يرغي في أي حاجة (طبعاً بعيد عن السياسة وحال البلد) عن السنة دي ماشي ؛ اللي عاوز يكلمنا عن أمنياته في السنة الجديدة ماشي ؛ اللي عاوز يعرفنا أخباره ويطمننا عليه يبقى تمام والله .. اللي عنده كتاب أو فكرة أو معلومة أو نصيحة أو مشكلة أو نكتة أو فيلم أو صورة أو وصفة أكل أو تعليق على أي شلولو عاوز يقوله يتفضل .. وأخيراً لو حد زعلان مني في حاجة يتفضل يصارح...

- لما بافتكر دلوقت مفاهيمي عن الأكل زمان وأنا صغير باقعد أضحك والله .. معظم المفاهيم دي كانت نتيجة خيالي الطفولي اللي كان بيحاول يلاقي تفسير لأي اسم أو شكل أكل بيسمعه أو بيشوفه قدامه .. لسان العصفور مثلاً ؛ قعدت فترة طويلة جداً ما أكلوش لأني كنت فاكر أنه ألسنة عصافير بجد !! .. وكنت كل ما أشوف عصفورة واقفة قدامي تصعب عليا لأن ما عندهاش لسان ؛ وفسرت سبب طيرانها بعيد عننا لأنها خايفة أحسن ناخد لسانها وناكله !! .. وبقيت باخاف جداً من العصافير أحسن تتلم وتيجي تنتقم مننا !! .. (ولما شفت فيلم الطيور بتاع هيتشكوك بقيت أخاف أكتر) .. وعلشان كده قعدت فترة أسرق لسان العصفور من الكيس وأحطه على سور البلكونة علشان كل عصفورة تاخد لسانها وتشيلني من دماغها !!  - زمان برضه لما كنا بنروح عند جدي الله يرحمه ويقعدني جنبه واحنا بناكل كان بيقول لي شوية حاجات غريبة المفروض أنها علشان تشجعني أكل ، لكن في الحقيقة كانت بتخليني أقلق !! .. يعني مثلاً الفراخ (أو الكوكو زي ما كان بيقول) : كـُل الصدر ده علشان صدرك يكبر / كـُل الورك ده علشان وركك يكبر / مين الشاطر اللي هياكل حتة الزلمـُكة دي ؟؟ .. طبعاً هو ما كانش ...

- كان فيه أكتر من حد اقترح أني أتكلم في موضوع الجواز (بجملة الهري يعني) حد كان عاوزني أعمل البوستات بتاعة صابر دي زي حلقات ساخرة أسبوعية ؛ وحد تاني قال لي اعرض الموضوع علشان كلنا نرغي فيه (تقريباً عنده رأي عاوز يوصله لحد أو عاوز يسمع رأي حد فيه الله أعلم) ؛ وحد تالت كان بيسخنني أتكلم في الموضوع ده وأقول تجربتي بحجة أنه عاوزني أنصحه وأفتيه فاكرني شاي بلبن عاوز يسقي فيه ههههههههههه (معلش بس القلشة عجبتني) . ما علينا .. المدونة مفتوحة لأي حد عاوز يرغي ويفضفض في الموضوع ده ؛ إشمعنى احنا يعني اللي مش هانفتي ؟؟ وأنا كل شوية كده هابقى أكتب لكم اللي ييجي في بالي .. مش عاوز حد يعتبرها نصايح أو يعتبرني باتكلم بلسان حال كل الرجالة أو كل المتجوزين !! لأن كل حد وله دماغة وظروفة .. اللي هايتقال هنا مجرد رأي شخصي قد يصادف الصواب و هواك وقد يخالفه (لأن طبعاً رأي الشرع معروف) .. حاجة كمان : الكلام اللي هايتقال هنا مش شرط يكون نتاج تجربتي الشخصية إلا إذا نوهت لكده !! احنا زي ما بيقولوا هانحاول نفكر بصوت عالي ونرغي ونتناقش كأننا قاعدين على قهوة بالظبط !! .. جايز حد لسه ما ارتبطش أو ارتبط أو انفصل ؛ يكون ...

مفتتح وكأني منذور للقلق ، معوذ ضد السكون !! .. مغادر أينما وصلت ؛ مبدد إذا ما وجدت .. يرنو إليّ السائل لقضاء مسألته ؛ وأنا ؟ لست موجوداً إلا حيثما يفتقدني ، فإن ملكني ملكته دون أن يراني ؛ ولا ينتبه إلى ما فقده ليجدني. ــــــــــــــــــــــــــــــــــــــــــــــــــــــــ كنت نائماً عندما أيقظتني أصابع صاحبي بائع الجرائد .. كانت رائحة النيكوتين المنبعثة منها تنتشر في أرجاء جيب الجلباب كغيمة داكنة تجثو فوق أنفاسنا نحن العملات المعدنية .. خشيت على الصغار من فئتي الربع والنصف جنيه من أثر الرائحة فخبأتهم خلفي .. بعد أن التقطتنا أصابع صاحبي ، وضعتنا في راحة اليد الأخرى الخشنة الممدة ؛ شعرنا حينها بنسمات الفجر المنعشة فشرعنا نتنفس بعمق .. قام صاحبنا بفركنا واحداً تلو الأخر بين إصبعيه السبابة والإبهام ، حتى أستقر على أربعة جنيهات منا وناولهم للغريب . ما أن استقرينا أنا وزملائي داخل الجيب الضيق لبنطال الغريب ؛ حتى استقبلتنا الورقة المطوية داخله بالترحاب .. قالت وهي تحاول أن تتفتح قليلاً لترينا الكلام المكتوب فوقها : أليس شعراً جميلاً ؟ .. أجابها زميلي دون أن ينظر إليها : نعم .. قالت : لقد أم...

يا أخي جوجل ده فيه حاجات عجيبة والله !! .. حطيت اسمي "شريف" في صفحة الترجمة بتاعة جوجل ، وقعدت أشوف شكله في اللغات المختلفة ؛ فاكتشفت إن له أشكال كتيرة قوي ونطق مختلف من لغة للتانية .. سواء باعتباره اسم أو كصفة (انظر الصورة) .. وبصراحة عجبني الحوار ده  :) - عندك مثلاً بالأسبانية : الجواسيل .. تحس كده أنه اسم موسيقي جميل .. يعني لو قطعته يبقى : الجو أسيل !! .. أسيل الحبايب يا قلبي يا دااايب !! .. وينفع برضه يبقى اسم مسحوق غسيل أو مستحضر تجميل !! .. الجواسيل !! .. ياااه ع الجمال والدلع !! - باللغة الاندونيسية : اسم ابن ستين كلب يودي السجن !! .. أه والله يا عم !! .. كل ده اسم ؟؟ .. كيبالا بوليسي دايراه !! .. يا نهار أسود !! .. ليه كده يا أندونيسيا ؟؟ .. افترضنا مثلاً أن الأيام لفت بينا وزرت بلدكم ومواطن صديق حب ينده عليا في الشارع ، ده أنا يكون جالي البقبيح في الأذن الوسطى على ما يخلص !! ساعتها أنا ممكن أقول له : قشطة كده !! أنت النهاردة ندهت عليا ، بكرة آجي أشوف أنت عايزني في إيه !! .. وبعدين هي مين دي اللي دايراه لا موأخذة ؟؟ ليه العوأ ده يا أخواننا ؟؟ .. أكيد طبعاً لازم يكون ...

- بعيداً عن آفة الكتابة وسمتها الجلية هذه الأيام "هانقول إيه إزاي لمين علشان إيه؟" .. افترض معايا عزيزي القاريء إنك قريت هنا بوست غير منشور وغير مرئي وليس له وجود من الأساس .. حضرتك مشكوراً هاتعلق وأنا هارد عليك .. مش علشان أي سبب منطقي غير لأننا عاوزين نهرب من سخافة "هانقول إيه إزاي لمين علشان إيه؟" .. ممكن يكون موضوع البوست الوهمي (اللي أنت المفروض قريته) هي مجرد فكرة / أسئلة في دماغك أنت ، بس ما كتبتهاش قبل كده أو مش عارف تتكلم فيها مع حد ، أي حد .. ممكن تكون حاجة أنا كتبتها قبل كده وكنت عاوز تعلق عليها .. أو حاجة ما كتبتهاش وكنت مستنيني أكتبها (سواء أنا اللي كنت مستنيني أو أنت مش هاتفرق) . * ملحوظات: 1- التعليقات مفتوحة لغير معرف. 2- البوست اللي ما اتكتبش ده مش مكتوب لحد ، فمش عاوز حد يخنقني ويفكر وهو بيعلق هايقول إيه إزاي لمين علشان إيه ؟ .. واللي هايتحرج يعلق بغير معرف ، ويا ريت ما يعلقش أصلاً. 3- الله يكرمكم ،  ممنوع  أي كلام في حال البلد. 4- البوست ده هايتمسح لاحقاً. GO

- فاكرين زمان من تلات أربع خمس سنين كده ، كانت انتشرت في المدونات لعبة التاجات دي ، كانت موضة وقتها إنك تدخل أي مدونة وتلاقي صاحب/ة المدونة مفتكس شوية أسئلة ويمررها لكام واحد علشان يجاوبوا عليها .. ولأني شايف إن المناخ العام للمدونات يفتقر إلى البهجة ، فحبيت إننا نلعب اللعبة دي تاني :)) في التاج ده ، كلنا هانفتكس الأسئلة مع بعض .. اللي عاوز يشترك في التاج يحط الأسئلة اللي تعجبه .. بشرط أنه هايجاوب على أسئلته وباقي الأسئلة في مدونته .. أه مش عاوزين خَم !! .. يعني ما يجيش واحد يسأل ويجري !! .. يعني مثلاً أنا هاحط خمس أسئلة وفلان تلاتة وفلانة سبعة يبقوا خمستاشر سؤال كل واحد فينا احنا التلاتة ملزم يجاوب عليهم في مدونته بصراحة طبعاً .. ياللا يا جماعة عاوزين الكل يشترك ، وبالذات الناس اللي غايببن بقالهم فترة !! .. ويا ريت الأسئلة -- بعد إذنكوا طبعاً -- تكون حلوة كده ومرحة ويا حبذا لو فيه أسئلة مفتكسة ومطرقعة !! .. والهدايا دي كلها للي هايشتركوا في التاج .. كل واحد ياخد الهدية اللي تعجبه ، إن شالله ياخدهم كلهم .

" دعــوة للرغي " حد يرشح لنا كتاب أو بوست حلو نقراه أو فيلم شافه وعجبه أو يفرحنا بخبر حلو أو يحكي لنا موقف حصل له أو معلومة نستفيد بيها أو يرشح لنا موضوع هايف نتكلم فيه إن شالله حتى يعزم علينا بكمترايه :D طبعاً انتوا عارفين أنه ممنوع الكلام في السياسة وحال البلد !

- كل واحد فينا أكيد عنده بدل السبب مليون سبب يخللوه متضايق .. علشان كده يا ريت كل واحد فينا يقول سبب / أو عدة أسباب مضايقينه ومنكدين عليه عيشته .. مين عارف ؟؟ يمكن لما حد فينا يقرا الأسباب اللي مضايقه غيره يحس بالنعم اللي هو فيها فيرتاح ويحمد ربنا .. ويمكن اللي عنده سبب مضايقه لما يلاقي إن غيره متضايق لنفس ذات السبب يعرف إنه مش لوحده في الهم .. ويمكن واحد بمجرد ما يتكلم ويقول على السبب اللي مضايقه يرتاح إنه طلعه من صدره .. ويمكن حد من اللي هايقروا يكون عنده حل لمشكلة حد هنا .. اعتبروه نوع من الونس أو الفضفضة .. البوست مش هايكون عليه إشراف – كالعادة - وهافتح التعليقات للغير معرف (علشان بصراحة أنا عاوز أعلق بغير معرف) ونستقبل أول مشكلة معانا النهارده ونقول ألــــو ........

كتبنا رسالة لكل واحد من الناس دي علشان نخفف عنههههههههههه: * ألفريدو العجوز من الأرجنتين والتي فقدت النبتة التي يرعاها - على الإطار الخارجي لشباك حجرته - إحدى أوراقها الخضراء اليوم .   - ياعم الفريدو يا حنين تعالي شوف هنا في مصر بنعمل ف الشجر ايه..الشجره متبقاش شجره الا وباقي فيها ورقتين ..وانت زعلان علي ورقه .   - عزيزي السيد ألفريدو: أعلم بحزنك العميق على ما جرى لنبتتكم الغالية. و أعلمكم إنني أقدر حزنكم العميق لمصابكم الغالي فقد أصابني من قبل و أحكي لك يا سيدي عن مأسآتي مع نباتاتي.. فأنا كنت قد استزرعت وربيت حديقة في شرفة منزلنا من الصبارات.. والخلاصة يا عم أبويا الله يرحمه مكانش يعرف بالعملة دي ودخل البلكونة مش واخد باله لبس بالحضن في أكبر صبارة اللي طولها كان أكتر من مترين.. وأثناء ما أمي عمالة تشيله الشوك بالملقاط كان نازل شتايم فيا يا حج ألفريدو وبصراحة كانت كلها شتايم مستحقة .. فضلاً اقرأ  The Last Leaf   وأشتري نبتة جديدة.   - الفريدو العجوز/ معلش متزعلش خد الورقة تاني وتف فيها والزقها ف الشجرة.   - عزيزي ألفريدو أقدر تمام...