المشاركات

عرض المشاركات من 2017

1949

- احنا بقالنا فترة مراقبينك، في البيت في الشغل ع القهوة، ولاحظنا أنك بتحب تشخبط كتير في الورق وبتقعد تكتب أرقام. 
- عادي يعني باحسب اللي صرفته، الفلوس اللي عليا، الفلوس اللي محتاجها، كده يعني.
- كده يعني؟؟ ممم .. أنت هتستعبط ياد؟؟ فاكرنا مش عارفين أنك بتلعب في الزمن؟؟
- ألعب في الزمن؟؟
- أه يا أخويا، اعمل نفسك بقى مش واخد بالك.
- يا فندم هو الزمن ده لعبة أي حد يلعب فيه؟؟ وبعدين هالعب فيه إزاي؟؟ وليه؟؟
- ألعب باليه. إشمعنى ياد سنة 49 اللي بتحب تروحها؟؟
- إيه تسعة وأربعين دي؟؟ .. ((يناوله ورقة مكتوب فيها: 1949)).
- أاااه، ده المرتب اللي قبضته الشهر اللي فات، سيادتك تقدر تتأكد بنفسك.
- عارفين ومتأكدين أنك قبضت المبلغ ده علشان غبت 5 أيام الشهر اللي فات، واتخصموا منك.
- طب الحمد لله أنكم عارفين.
- بس مش شايف أن لما الموضوع يتكرر سنة بحالها تبقى حاجة غريبة شوية؟؟
- لأ مش غريبة، لأني باسافر البلد كل يوم أربع آخر النهار، وباقعد خميس وجمعة وأرجع السبت بالليل، علشان أوفر شوية في مصاريف الأكل وكمان علشان أغسل هدو…

مقوار وقوالح

دايما نفس القعدة ما بتتغيرش .. هي؛ قاعدة مربعة ع الحصيرة، قدامها حلة المحشي .. هو؛ قاعد بعيد عنها شوية على الكرسي الخشب القديم المتنجد بالسعف، بيهوي ع القوالح الخابية فوق حجر المعسل بحتة كرتونة .. بعد ما يشد الكام نفس القصيرين في الأول علشان يطقطق الحجر؛ ترفع وركها الضخم سِنة صغيرة من ع الشلتة وتسحب علبة السجاير السوبر من تحتها وتزقها ناحيته وتقول له: ولع لي .. هو أنتي ما تسيبنيش أتهنى ع الحجر أبدا؟؟ لازم تقلي مزاجي كده كل مرة؟؟ .. يعني أنت تعدل مزاجك وأنا لأ؟؟ مش كفاية باعمل لك السم اللي هتتسممه؟؟ .. يعني أنا هتسممه لوحدي؟؟ ما أنتي رخرة هتطفحي منه؟؟ .. يا راجل يا ني اخلص كان زمانك ولعتها!! .. وما تولعيهاش ليه م الباجور؟؟ .. تضحك وتتهز وتترج: أصلي ما باتكيفش منها غير لما تحطها في حنكك الأول .. يتكسف، يبتسم، يهرش في الطاقية الصوف اللي على راسه، يركن ليّ الجوزة على حجره، يوطي يجيب علبة السجاير، يطلع واحدة يحطها في بقه، ويصطاد قُلاحة صغيرة بالماشة يولعها بيها، يكح كحتين، يقوم، يحط ليّ الجوزة ع الكرسي، يقرب إيده من بقها بالسيجارة، تمد بوزها علشان تلقفها، لكنه يقعد يحنسها وما يحطهاش .. تتغ…

إرادتي العزيزة تحية طيبة وبعد

فينك يا ست الكل؟؟ مختفية فين كل ده؟؟ مش كفاية دلال بقى ونرجع لبعض؟؟ لو أنا زعلتك في حاجة قوليلي!! عاتبيني!! إنما تمشي كده فجأة وتسيبي الباب مفتوح ع البحري وتخلي التفاؤل والأمل والحماس والإتزان وحاجات تانية كتير مش فاكرها يمشوا وراكي؟؟ .. بالمناسبة صحيح،، مين فيكوا اللي ساب الذكريات المعفنة ورا الباب؟؟ هه؟؟ إشمعنى دي يعني اللي ما خدتوهاش في إيديكوا؟؟ والحزن المتلتل ده مين اللي طلعه بره الدواليب؟؟ هه؟؟ ومين السافل اللي لخبط اليأس ع الإحباط؟؟ مش حرام أقعد طول اليوم مكتئب ودمي محروق وأنا باحاول أفرق ما بينهم؟؟ .. يا ستي أنا لا باتهمك ولا بالقح عليكي أنا بس مخنوق من حالي اللي اتشقلب وقلت أفضفض معاكي،، بلاش يعني؟؟

أنا؟؟ .. ولا حاجة!! .. وأنا هاعمل إيه يعني من غيركم .. احــم .. لأ وأنتوا معايا الوضع كان مختلف .. صحيح كنت باتدلع برضه بس كنت معتمد أنكم ملقحين جوايا،، ووقت ما أعوزكم هالاقيكم،، إنما تخونوني كلكوا كده وتسيبوني لوحدي؟؟ .. يوووووه!! جينا بقى للكلام اللي ما يجيبش همه!! لزومه إيه التقطيم ده بس؟؟ .. يييييييه!! .. المهم يعني ناويين ترجعوا ولا لأ؟؟ .. إيه؟؟ أتغير؟؟ إيه اللي جاب سيرة التغ…

عن السعادة التي بداخلك

صورة
لا يهم إن كنت رئيس الأوروغواي .. لقد فكرت في كل هذا كثيرا .. قضيت أكثر من عشر سنوات في الحبس الانفرادي، كان لدي الوقت .. قضيت سبع سنوات دون أن أفتح كتابا، مما ترك لي الوقت للتفكير .. وهذا ما اكتشفته: إما أن تسعد بالقليل جدا، دون أن تقسو على نفسك، لأنك تملك السعادة بداخلك أو لن تصل إلى شيء.
أنا لا أدافع عن الفقر، أنا أدعو للإعتدال .. ولكننا اخترعنا مجتمع إستهلاكي، يسعى للنمو باستمرار .. وعندما لا يحدث نمو، يصبح الأمر مأساة .. لقد اخترعنا جبلا من الاحتياجات الزائدة، يحتم عليك الشراء والتبديد باستمرار.
أنها أعمارنا، تلك التي نبددها ... عندما أشتري شيئا، أو عندما تشتريه أنت، لا ندفع المقابل بالمال، بل بأوقات من حياتنا كان علينا أن نحياها ونحن نجمع هذا المال .. الفرق هو: أنك لا تستطيع شراء حياة.
الحياة فقط تمضي، والفظيع في الأمر؛ أنك تضيع حياتك وتفقد حريتك.
Past President of Uruguay: José Mujica*
* المقطع من الفيلم الوثائقي Human إنتاج 2015


كلمة رائعة أخرى مترجمة بالعربية:

مانيكان

وأنا ماشي في الشارع .. سمعت صوت بيبسبس .. بصيت حواليا، لقيت مانيكان في محل لانجيري واقفة بالعرض وبتبص لي بجنب عينها .. وقفت .. لفيت بجسمي وقلت لها: أفندم؟؟ .. حسيت أنها اتحرجت مني، وعملت نفسها بتبص للفراغ .. ست منتقبة عدت جنبي ع الرصيف، بصت لي شذرا .. عملت نفسي مش واخد بالي .. قربت من الفاترينة، وبصيت على المانيكان .. لقيت الأندر وير اللي لابساه عليه بقعة خفيفة مش باينة، وفيه فتلة فلتانة من الخياطة اللي فِ الأستك طالعة بتتسلق على ضهرها .. حسيت أن الفتلة دي مضايقاها، وعاوزه حد يشدها لها أو يقطعها بسنانه ويهرش لها مكانها .. ضحكت وقلت لها: طب إزاي؟؟ .. اتكسفت مني في الأول، وبعدين ضحكت وقالت لي: ما أعرفش اتصرف!! .. اتلخمت .. واتحرجت أكتر لما البنت البياعة في المحل طلعت وسألتني برخامة: بتدور على حاجة معينة؟؟ .. قلت لها: شكرا ومشيت.
بعد فترة ما .. في محطة مترو .. هاقف فجأة علشان ما ألزقش في البنت اللي وطت قدامي بدون سابق إنذار، كانت عاوزه تلحق الجنيه الفضة اللي وقع منها .. فتلة فلتانة من الأندر وير ولازقة على ضهرها، هتخليني أتنح لثانيتين قبل ما أخد خطوة ناحية الشمال وأكمل مشي، في نفس الوقت ا…

الرجل الذي علم مؤخرته الكلام – مقطع من رواية - فيلم غداء عارِ - ويليام بوروز

* تنويه: قد تكون القصة مقززة ومثيرة للغثيان.
* دي رؤيتي الخاصة للقصة (زي ما حبيت أشوفها) مش الترجمة الحرفية. 

- محرك دمى في سيرك .. آلة بشرية ترتجل أي حوار (دون تحريك الشفاة) للدمية، لإضحاك الجمهور .. في يوم .. قرر الصوت الداخلي للرجل (الحقيقي اللي ما حدش بيسمعه) الخروج .. شعر الرجل فجأة باضطراب في جوفه .. خرجت الكلمات من فتحة شرجه .. سميكة راكدة بأصوات ذات رائحة .. وبدأت فتحة الشرج التشويش على صوت الدمية .. الجمهور اعتقد أنها خدعة جديدة .. فضحكوا. 


- نبتت أسنان لفتحة الشرج .. وبدأت تأكل .. الرجل استثمر الموضوع وحوله لعرض .. لكن فتحة الشرج بدأت تخرج من البنطلون للشوارع، أرادت أن يتم تقبيلها مساواة بالفم .. كانت تصرخ طول اليوم .. بدأت تسكر، وتبكي، لكن الموضوع لم يضحك أحدا .. حاول الرجل إخراسها .. قام بضربها .. ووضع فيها الشموع .. لكن بلا فائدة .. فتحة الشرج قالت له: "أنت من سيخرس في النهاية وليس أنا، لا أريدك هنا بعد الأن، أستطيع التكلم والأكل والتبرز". 


- في الصباح .. بدأ هلام شفاف لاصق في إغلاق فم الرجل، ثم أخفى رأسه كله، ما عدا العينين، إذ كانت تحتاجهما فتحة الشرج للنظر والتوا…

في أبو الريش - يوسف السباعي

صورة

كيسين زبالة كبار

من فترة .. رحت أقابل ناس .. وصلت قبل الميعاد بنص ساعة .. اتمشيت في الشارع العمومي، لمحت محل كشري فاتح جديد، ولأني ما كنتش فطرت – كالعادة - فقلت أدخل أكل .. قعدت على ترابيزة بره المحل وطلبت .. خدت بالي أن صاحب المحل، شال أكوام الزبالة اللي بتبقى مرمية دايما على رصيف الجزيرة الوسطانية قدام المحل ومبهدلة الشارع، وحط بدالها كام برميل صغير فيهم شجر .. فرحت أن لسه فيه حد فاكر الشجر .. لسه هابتسم، جت واحدة معاها كيسين زبالة كبار ووقفت قدام المحل، وطوحت الكيسين ناحية رصيف الجزيرة الوسطانية .. الراجل اللي كان قاعد على الكاشير - في مدخل المحل - أول ما شافها اتجنن، خرج وقال لها: إيه اللي بتعمليه ده؟؟ .. الست بصت له كده زي ما تكون اتحرجت .. عدت الشارع .. خدت الكيسين اللي وقعوا تحت الرصيف ورفعتهم جنب البرميل وقالت له وهي بتبتسم: ولا تزعل نفسك .. الراجل راح وقال لها: برضه؟؟ يا ست حرام عليكي .. قالت له وهي بتزعق: عايز إيه تاني؟؟ مش أنتوا حاطين الشجر ده علشان نرمي تحتيه؟؟ .. الراجل بصوت عالي جدا: وترمي تحتيه ليه أصلا؟؟ .. الصنايعية خرجوا من المحل والناس بدأت تتلم .. الست مسكت كيسين الزبالة الكبار وح…

Au bout du monde

صورة

Carpenters: I Need To Be In Love - Top Of The World - Yesterday Once More

صورة
I Need To Be In Love 



The hardest thing I've ever done Is keep believing There's someone in this crazy world For me The way that people come and go Through temporary lives My chance could come and I might never know
''I used to say "No promises, Let's keep it simple But freedom only helps you say Good-bye It took a while for me to learn
That nothin' comes for free The price I've paid is high enough for me
I know I need to be in love I know I've wasted too much time I know I ask perfection of A quite imperfect world And fool enough to think that's what I'll find
So here I am with pockets full of good intentions But none of them will comfort me tonight .I'm wide awake at four a.m
Without a friend in sight Hanging on a hope but I'm alright
I know I need to be in love I know I've wasted too much time I know I ask perfection of A quite imperfect world And fool enough to think that's what I'll find
I know I need to be in love I know I've wasted too…

وأنا وأنت يا جدع

صورة
كيف ...
كيف أستطيع ...
كيف أعرف ...
كيف يحدث ...
ما هو ...
أسباب ...
أريد ...
عايز ...

عايزة ...
أشوف ...

الحياة ...

الدنيا ...
الحب ...

غنّام

شوية خرفان ومعيز واقفين حوالين كوم زبالة .. الغنّام جي من بعيد بيهش باقي القطيع قدامه .. معزتين صغيرين شكلهم حلو قوي بيتسابقوا علشان يطلعوا فوق قمة الكوم .. خروفين بيتخانقوا تحت وبينطحوا بعض على الأكل (الزبالة) .. المعزتين الصغيرين طلعوا فوق الكوم وقعدوا يتنططوا ويتشاقوا وهما فرحانين .. المعزة الكبيرة (الأم) طلعت لفوق شوية وزعقت لهم علشان ينزلوا .. واحد سمع الكلام ونزل وراها والتاني عنّد وما رضيش ينزل .. الغنّام وصل للكوم وهوش الخروفين اللي كانوا بيتخانقوا بخرزانته .. الخروفين بعدوا عن بعض وكل واحد فيهم مستحلف للتاني .. الغنّام بص للجدي الصغير اللي كان واقف يتنطط فوق الكوم بفخر وسعادة، كأنه أب فرحان بابنه اللي كبر وبيتشاقى .. المعزة الكبيرة (الأم) بصت لابنها وبعدين بصت للغنّام وكأنها بتقول له: عاجبك كده؟؟ آدي آخرة دلعك!! .. الغنّام شاور له بخرزانته وقال له: انزل يا واد أحسن تتعور، وبعدين بص للمعزة الصغيرة التانية (اللي وقفت استخبت منه ورا أمها) زي ما يكون بيقول لها: وأنتي بقى مش هتكبري وتتجرأي زي أخوكي؟؟

الغنّام بص حواليه زي ما يكون بيدور على حاجة / حد .. اتسحب ولف ورا عريش عربية كارو …

حدوتة تمندر وأغنية اوعى لها يا واد اوعى لها على رقصة الفَكة

صورة
*الكلمات اعتماداً على سماعي للأغنية وأرجو تصويب الأخطاء

اوعى لها يا واد اوعى لها
الظابط يبقي خالها
اوعي له يا بت اوعي له
الظابط يبقي زميله
ظابط جي من النقطة
يتعلم النظام
ظابط جي من النقطة
يتعلم النظام
يا أبو شـَرطة فوت أمامنا
حاسب من جيراننا
ياما قالوا عليا
ياما قالوا عليه
جاب لي معاه قرنين شطة
دخلوه يقعد عليه
يا حسود ورانا ليه
واللي يزعل يتفلق
يا حسود تكرهنا ليه
واللي يزعل يتفلق
خبط خبط عاوز إيه 
** أمك ياللي زعلان
خبط خبط عاوز إيه؟؟ 
** أمك ياللي زعلان
خلع بصل خلع
خلى أم صُرم تولع
خلع بصل خلع
خلى أم صُرم تولع
هاتوا الولا هاتوا
الواد بيحب حماته
حوشوا الواد من وسطه
الواد بيحب عروسته
راح نقعد ع الحيطة
ونستمع للزيطة
راح نقعد ع الحيطة
ونستمع للزيطة
صلي
صلي
واللي ما يصلي
صلي
واقعد يا أبو عمة 
صلي
وصلي بذمة
صلي
يا هوو
يا هوو
وعريسنا آهو
يا هوو
صاحب الفرح
يا هوو
قلبه انشرح