المشاركات

عرض المشاركات من 2015

أفضل ما شاهدت من أفلام خلال 2015 مرتبة أبجدياً

Bagdad Café

Bullets Over Broadway

Casablanca

Close-Up

Day For Night

Driving Miss Daisy

Father Of A Soldier

Hannah And Her Sisters

Journey Of Hope Aka Reise Der Hoffnung

Lamerica

Magnolia

Memories Of Murder

Midnight Cowboy

Mother Aka Madeo

My Life As A Dog

Peppermint Candy

Raise The Red Lantern

Rosetta

Secrets And Lies

Sunset Blvd

The Promise

The Return

The Road Home

Yi Yi

حوارات مختلفة

- ما تخلصي يا بنتي بقى؟؟

- طب دور وشك علشان باتكسف!!

- تتكسفي؟؟ أنتي هتعملي لي فيها بني آدمة؟؟

- طب بُص؛ روح بعيد.

- لا بعيد ولا قريب!! أنا خلاص هاعمل حمام هنا أهه.

- إخص عليك مش تستنى لما نعمل سوا؟؟
(حوار بين ذبابتين على كتف رجل نائم في الأتوبيس)

ـــــــــــــــــــــــــــــــــــــــــــــــــــــــــــــــــــــــــــــ

- يا ابني ما تعملش في نفسك كده، حرام عليك صحتك!!

- أنا خايف الناس تفتكر أني عاجز ومش باقدر أخلف!!

- عاجز؟؟ أنت بقالك قد إيه متجوز؟؟

- تلات شهور!!

- وهما التلات شهور دول حاجة؟؟ طب بتمارس كل يوم قد إيه؟؟

- يعني .. مرتين تلاتة أربعة .. على حسب .. أنت عارف أن الموضوع مش بإيدي.

- وبتقعد قد إيه في المرة الواحدة؟؟

- ثانيتين تلاتة بالكتير قوي.

- صدقني ده طبيعي. أمال أنا أعمل إيه بقى اللي قعدت عشرين سنة؟؟

- عشرين سنة؟؟

- أه .. وكنت متجوزه أنا واخواتي الاتنين وما حدش فينا خلف!! .. يشير إليه بطرف عينه الوحيدة إلى باب الشقة: احمد ربنا يا أخي أنك ما طلعتش مسمار!! كنت ممكن تعيش عمرك كله مدقوق في الباب وبرضه ما تخلفش!!
(حوار بين مفتاحين في ميدالية)

ـــــــــــــــــــــــــــــــ…

طقم الألعاب

طالبين من الواد طقم ألعاب في المدرسة .. فانلة خضرا وشورت أبيض .. الواد سأل عليهم في محل من المحلات اللي عند المترو لقاهم بتلاتين جنيه .. أمه قالت له: دول حرامية، أنا هاخدك وننزل الموسكي نشتريهم .. تاني يوم؛ خدت من جوزها خمسين جنيه قبل ما ينزل الورشة علشان تجيب الطقم للواد وجزمة المدرسة للبت .. لبست العباية السودا وخدت الواد والبت وطلعت على محطة الأتوبيس .. وقفوا في الشمس ساعة إلا ربع بحالها لما دماغهم اتقورت مستنيين الأتوبيس أبو نص جنيه، وفي الآخر ركبت الأتوبيس أبو اتنين جنيه .. في الأتوبيس اتخانقت مع الكمساري علشان كان عاوز يقطع تذكرة للواد والبت اللي كانت مقعداهم على الكرسي اللي جنبها.. باتنين جنيه وكمان أقطع تذكرتين؟؟ ليه يعني؟؟ هو استغلال ولا استغلال؟؟ .. خدت البت على حجرها وضمت الواد عليها وقالت له: اللي عاوز يقعد ييجي .. بعد لف ساعتين وفصال مع البياعين؛ ما اشترتش حاجة!! لأنهم حرامية وبيستغلوا الظروف .. في الساعتين دول كانوا فرهدوا من المشي في عز الحر؛ فشربوا تلات كوبايات تمر هندي بتلاتة جنيه .. ولما العيال جاعوا؛ اشترت لهم كوزين درة معسلين بأربعة جنيه يتصبروا بيهم لحد ما يروحوا …

?Where Is Wally

صورة
(قم بتحميل الصور لتشاهدها بالحجم الطبيعي)

من مدة كنت باتفرج على فيلم Sidewalls وعجبني الكتاب ده Donde esta Wally أو (Waldo) اللي كانت ماسكاه البطلة في إيدها .. دعبست شوية ع النت ولقيت كذا موقع الكتاب متاح فيهم للتحميل بصيغة PDF وكمان صور كتيرة جداً (من الأفضل أن تبحث في جوجل عن الصور ذات الجودة العالية أكثر من 2 ميجا بيكسل؛ ممكن تختارها من أدوات البحث في الصور)

ده شخص برنس عامل ألبوم لـ "والدو"

http://imgur.com/gallery/b8btr

وده كتاب بصيغة pdf

http://www.fiuxy.com/ebooks-gratis/3686019-donde-esta-wally-pdf-mega.html

(للتحميل اضغط السطر اللي تحت كلمة DESCARGAR وانتظر قليلاً ثم اضغط Skip Adv)

لقيت كمان كتاب ..

http://rahuldotgarg.appspot.com/data/cvpr2011.pdf

فيه دراسات ونظريات بتناقش وبتعالج مشكلة أنك إزاي تلاقي ناس وسط حشد .. مش مجرد لعبة (فيه كلام كبير وضخم).


سيبك من كل الكلام اللي فوق ده .. عارف؟؟ .. لما نزلت الصور دي وقعدت أتفرج عليها وأدقق فيها .. لقيت فيها تفاصيل كتيرة قوي مرسومة بحرفية عالية جداً .. حيوات كاملة مختزلة في مساحة صغيرة .. نسيت "والي" ومتعلقاته وقعدت أت…

خطاب الرجل الأحمر الأخير

صورة
أثناء ما كانت أمريكا بتواجه مشاكل العبودية وتجارة الرقيق في ولاياتها الجنوبية وبتستعد لحربها الأهلية .. كان الرئيس الرابع عشر "فرانكلين پيرس" بيحاول يشتري أراضي آخر قبائل الهنود الحمر في أقصي شمال الولايات المتحدة الغربي عند ولاية "واشنطون .. وبعت رسالة لزعيم القبيلة .. علي يد حاكم الولاية "إسحاق إنجالز ستيڤنز" بيوعده بمحمية تأوي أفراد القبيلة مقابل التخلي عن منطقة النفوذ التقليدية .. وكان زعيم القبيلة "سياتل" (اللي اتسمت علي اسمه مدينة سياتل عاصمة الولاية) من محبي السلام .. ورفض القتال ضد الرجل الأبيض .. خصوصاً أنه كان عارف تبعات القتال ضد الأوروبيين المستعمرين .. "سياتل" كان قبل - حقناً للدماء - أنه يدخل في دين الأوروبيين (المسيحية الكاثوليكية) في سن متقدم .. لكنه كان محتفظ بديانته البدائية الأصلية في الفترة اللي باتكلم عنها .. وفي المقابلة الرسمية مع المحافظ (حاكم الولاية) يوم ١١ مارس ١٨٥٤ .. خطب زعيم آخر قبيلة من الصيادين و جامعي الثمار بلغته الأصلية .. اللي دونها المترجمين بلغة هندية أكثر انتشاراً (الشينوك) .. وترجمت للإنجليزية فيما…

ترجمة فيلم Me, Myself and Mum (Les garçons et Guillaume, à table!)

صورة
ترجمة فيلم
Me, Myself and Mum (Les garçons et Guillaume, à table!)

 الترجمــة                              هنـــا



هنـــا




Rabbit And Deer

صورة
Mahdi Khene - Listen
ـــــــــــــــــــــــــــــــــــــــــــــ
Listen, I’m sorry I’ve been gone
I never meant to make you feel so lonesome,
Sometimes, I recall, you tell in me,
That when you were young...
You thought you’ll end up alone.
Listen, I’m sorry I’ve been strange
I never meant to take you for granted,
But sometimes I degrade into the ...
Somebody that I was, that never needed anyone.

هزني - ابدأ من جديد - لما ابتدينا نغني - لما كان البحر أزرق

كلمات الأغاني: هاني زكي

ألحان وتوزيع: هاني شنودة

ألبوم: ابدأ من جديد - فرقة المصريين 1981

***


هزني

للاستماع: من هنـــــــا



قبل ما أقابلك

كنت باحس إن أنا عديت سن الستين

كنت باحس شبابي عنوان فيلم قديم

من أيام السينما الصامتة

***

هزني

هزني من جوه

هز بقوة

غير كل خرايط الكون

غير مواعيد وساعات اليوم

غير ترتيب أيام الشهر

غير ألوان السما والبحر

كسر أصنامى

علمنى أتمرد على أوهامى

علمنى أثور على يأسي وعلى أحزاني

وأهرب من الخوف وأحب

***

كنا صغار وكبرنا

رحنا مدارس واتعلمنا

إزاي نتستر على مشاعرنا

زي أسير هربان

من حكم بالإعدام

قضبان وراها قضبان

وحيطان حواليها حيطان

احنا السجين واحنا السجان

وحياتنا عيب وحرام وغلط وكلام وكلام وكلام

***

قريت كتير وما اتعلمتش

قطعت تذاكر لكن ما سافرتش

ومشيت مشيت سنين ما وصلتش

الليل زي النهار

والصيف زي الشتا

بين حيرة الانتظار ودمعة البكا

الليل من غير أحلام ونهار من غير أمل

وتنتهى الأيام م الوحدة والملل

علمني أضحك علمني أبكي

علمني أكون على طبيعتي

علمني أفكر وصوتى عالي

علمني أصرخ وأقول بحبك
.
.
.
وأعيش وأعيش وأحب
ـــــــــــــــــ



ابدأ من جديد

للاستماع:من هنــــــــــا



مهما كان حلمك بعي…

القاهرة - أسوان صد رد

صورة
يوم الأحد 21/06/2015 وصلت محطة الجيزة الساعة 11:30 ظ علشان أركب قطر 160 المميز اللي بيوصل الجيزة الساعة 11:55 ظ وآخرة الأقصر.. (فاصل)



* فيه معلومة قد تبدو معلومة لكثيرين من اللي بيركبوا القطر باستمرار لكنها ممكن تكون جديدة للي ما سافروش بالقطر قبل كده؛ فعاوز أقولها علشان بس الناس تبقى عارفة الفروق بين القطارات وتبقى متابعة معايا وهي بتقرا البوست .. بص بالنسبة لدرجة القطر:


1- (أ) قطار نوم (واحد لأسوان وآخر لمرسى مطروح) وده يعتبر الأفضل والأسرع في السفر للأقصر وأسوان؛ كابينتك مقفولة عليك؛ تنام تصحى تقعد تقف براحتك يا معلم .. (ب) قطار مكيّف سواء أسباني أو فرنساوي (وده درجتين أولى وثانية مكيفة؛ الدرجة الأولى فيه كويسة) والنوعين دول (النوم والمكيّف) لازم تحجز فيهم مسبقاً قبل الرحلة بكام يوم على الأقل .. المكيّف غالباً بيقف في المحافظات بس (عواصم المحافظات) أو المحافظات والمراكز المميزة .. غير أن القطارات دي أسرع نسبياً؛ بتبقى ضامن كرسي تقعد عليه؛ بالنسبة للتكييف بقى أنت وحظك!! .. ممكن تركب المكيف وتقطع تذكرة جوه القطر بس هتدفع غرامة فوق سعر التذكرة ومش هتقعد لأنك مش حاجز .. كمان ممكن تعتبر م…

شيء خطير سيحدث

غابرييل غارسيا ماركيز

ترجمة: صالح علماني




تخيّلوا قرية صغيرة جداً، تعيش فيها سيدة مسنة مع ابنين اثنين، ابن في السابعة عشر، وابنة أصغر منه في الرابعة عشر. إنها تقدم وجبة الفطور لابنيها، ويلاحظان في وجهها ملامح قلق شديد. يسألها الابنان عمّا أصابها. فتجيبهما:
ــ لا أدري، لكنني استيقظت بإحساس أن شيئاً خطيراً جداً سيحدث في هذه القرية.
يضحك الابنان منها ويقولان إنها هواجس عجوز.
يذهب الابن ليلعب البلياردو، وفي اللحظة التي يوشك فيها على توجيه ضربة كارامبولا (1) شديدة البساطة، يقول له الخصم:
ــ أراهنك ببيزو أنك لن تفلح.
يضحك الجميع. ويضحك هو أيضاً. ويوجه ضربة الكارامبولا ولا يفلح فيها. يدفع البيزو، ويسأله الحاضرون: ما الذي حدث، لقد كانت كارامبولا سهلة جداً؟ فيجيب:
ــ صحيح، لكنني ما زلت قلقاً من شيء قالته أمي هذا الصباح عن أمر خطير سيحدث في هذه القرية.
يضحك الجميع منه، ويعود الذي كسب البيزو إلى بيته، ويجد أمه ومعها ابنة عم أو حفيدة أو أي قريبة أخرى. فيقول سعيداً بالبيزو:
ــ كسبت هذا البيزو من داماسو بأسهل طريقة، لأنه أبله.
ــ ولماذا هو أبله؟
ــ لم يستطع تحقيق ضربة كارامبولا سهلة جداً لأنه مضطرب بس…

Cairo 1972 - 2013

صورة
Cairo 1972
Cairo 2013

ترجمة فيلم Timbuktu

صورة
* الترجمة الكاملة لفيلم                                         Timbuktu

*الفيلم علىIMDB

*نسخة التوررينت المتوافقة مع الترجمة هنــــا    أو  هنــــا    أو هنــــا أو هنـــا


  - ملحوظة بالنسبة للنسخة : 720 * 304   جودة الفيديو 9/10  جودة الصوت 5/10

* مشهد من أجمل مشاهد الفيلم



* أغنيــة الفيلــم


THIS IS MY LAND
This is Timbuktu, my home land,
Where the children are mourning from gloom,
This is my land, Timbuktu «the Maliba»,
The land of love,
The land of warmth,
The land of dignity,
Here is my Nation...
Why are we crying?
Why are the children crying?
Why are the young crying?
Cause of unfairness,
Cause of violence,
Fearing the future...
Here is my home
Stop crying
Cause no matter what, Timbuktu will remain
* شكر خاص للمترجم الفرنسي Matmanamane لاستجابته السريعة بترجمة الحوار الفرنسي في الفيلم .


أرجو أن تستمتعوا بالفيلم والترجمة
:)

حمامة

لما مات ما استغربناش !! أصله كان تعبان قبلها بفترة طويلة .. عاصم اتصل بيا في البيت الصبح قبل ما أروح الكلية وقال لي الخبر: "بابا مات .. بلغ العيال وتعالوا لي" .. وفي ظرف ربع ساعة كنا كلنا عنده ؛ لمينا من بعض قرشين وإديناهم لعاصم علشان تبقى معاه فلوس تحسباً لأي مصاريف ؛ وبعدين كل واحد فينا راح يعمل حاجة .. اللي راح الصحة يجيب دكتور علشان تصريح الدفن ، واللي راح التـُرب (المقابر) علشان يفتحها ، واللي راح لبتاع الفـِراشة علشان يجيب كراسي للناس لحد ما صوان العزا يتنصب بالليل قدام البيت ، واللي راح يتفق مع عربية نقل الموتى ويشوف ميكروباصات تنقل الناس التـُرب ، وأنا اشتريت الكفن وعديت ع المسجد اللي جنب البيت علشان أشوف حد يغسله.


دخلت المسجد لقيت شيخ قاعد بيقرا قرآن ؛ قلت له الأمر كذا كذا كذا ؛ راح قايم على طول وشاور لي على ترابيزة خشب مخرمة بأربع رجول بمفصلات كانت مركونة جنب الحيط وقال لي: هات الخشبة دي وحصلني !! .. ساعتها ما كنتش أعرف أن دي الخشبة بتاعة الغـُسل !! المهم ؛ رحت متعافي وشايلها بالعافية ومشيت وراه زي صبي الحانوتي !! .. يا دوب دخلت حوش البيت (اللي كانوا لسه ماسحينه) م…

ما حدث على الأريكة البالية في الصالة

- يحاول الأب أن يغفو قليلاً على الأريكة البالية في الصالة ولكنه لا يستطيع بسبب شجار أبنائه من حوله؛ يعتدل في جلسته ثم يقول لهم: تعالى هنا يا عمر وأنت يا كريم وأنتي يا سلمى؛ تعالوا اقفوا صف واحد قدامي يخرج المسدس المخبأ خلف ظهره ثم يقتلهم جميعاً الواحد تلو الأخر .. طاخ طاخ طاخ.. تأتي الأم من المطبخ على صوت الطلقات وهي تحمل طبقاً بلاستيكياً به قطعتين من الكنافة وتصيح فيه: حرام عليك يا أحمد ده أنا لسه منضفة السجادة امبارح!! قلت لك ميت مرة عاوز تقتلهم؛ أطلع ع السلم يا أخي!! يجيبها أحمد وهو يستلقي على الأريكة ثانية: يا ستي أنا هبقى أنضفها لك ولا تزعلي نفسك، هاتي الكنافة!! تضع الطبق بجواره على الأريكة وتقول له: خلصت مصمصة في دراعي ولا لسه علشان عاوزة أغسل المواعين في المطبخ؟؟ يناولها الأب الذراع المبتورة الملقاه بجانبه في لا مبالاة ثم يسألها وهو يمد يده إلى طبق الكنافة: زودتي السم ولا نسيتي زي كل مرة ؟؟ تركب الأم ذراعها في تكاسل ثم تجيبه دون أن تلتفت إليه: أه يا حبيبي زودته؛ بس أعمل حسابك أن السم خلص!! ابقى هات لنا معاك إزازتين لما تنزل!! يجيبها أحمد في عصبية: كل حاجة هات هات؟؟ ما فيش مرة خد أبداً؟؟ تفلت…

افتحو لاديك

صورة
- انا بحب ادخل مدونتك عشان عندك مدونات كتير حلوا ومنوعه


- :D .. احم .. شكراً لذوقك ربنا يكرمك ؛ هما كلهم أساتذة بصراحة وأنا باتعلم منهم


- باشا دا اسم باباك ولا شوهره؟


- شوهره ؟؟؟ .. للأسف الناس فاهمه الاسم غلط !! عارفة لما تسيبي ورقة في شوية ميه ؟؟ مش بتلاقيها باشـِت ؟؟ فأنا بقى أقصد أن شريف باشا يعني ذاب أقصد ذابا :D


- اااااااااه انت اصدك بللغه الفصحا


- أه بالظبط آسف أقصد بالزبت !!


- انتا بتتريء عليا؟


- إطلاقاً يا فندم أنا أقدر ؟؟


- انا بكتب فرنكو عادتا بس بكتب عربي عشان انتا تفهم


- ده جميل عمري ما هنساه لحضرتك !! صدقيني أنا كمان دلوقت نسيت العربي كان شكله إيه !!


- انتا ليه بطلت تعرض الافلام الي كنت بتحكها لنا فمدونتك؟


- خلصت للأسف من كتر ما باحكها لكم !!


- ؟؟؟


- لا لا ما تاخديش في بالك !!


- على فكرا انا بكتب شعر

- بجد ؟؟؟؟


- احم على ادي ياعني


- طب ما تقولي لنا حاجة ؟؟


افتحو لاديك