أشـّف عبعظيم

أشـّف عبعظيم

مين؟؟

أشـّف عبعظيم

مين ده؟؟

أشـّف عبعظيم

أنت اسمك أشرف عبد العظيم؟؟

أشـّف عبعظيم

ما خلاص يا عم عرفنا!!

أشـّف عبعظيم

أنت علقت ولا إيه؟؟

أشـّف عبعظيم

مين هو زفت الطين ده؟؟ كنهه إيه يعني ولا بيبيع إيه؟؟

أشـّف عبعظيم

الله يسهل لك يا عم!!

أشـّف عبعظيم

مش معايا والله

أشـّف عبعظيم

آخر واحد لسه راميه ع الأرض

أشـّف عبعظيم

بـُص قوم دور عليه في حتة فيها نور يمكن تلاقيه

أشـّف عبعظيم

طب ده طائر ولا حيوان؟؟ قول لي أي معلومة وأنا هاعرف لوحدي

أشـّف عبعظيم

حاجة في جسم الإنسان؟؟

أشـّف عبعظيم

أشـّف عبعظيم .. أشـّف عبعظيم .. ده بيروح إمبابة؟؟

أشـّف عبعظيم

الله يخرب بيتك لبيت أشـّف عبعظيم في يوم واحد!!

أشـّف عبعظيم

يا جدع هو أنت منبه مظبوط على أشـّف عبعظيم؟؟ كل ثانية أشـّف عبعظيم؟؟ ساعتك كلها أشـّف عبعظيم؟؟ ما فيش حاجة في أم يومك كله غير أشـّف عبعظيم؟؟

أشـّف عبعظيم

أستغفر الله العظيم من كل أشـّف عبعظيم!! بص روح الصيدلية وقول له أشـّف عبعظيم هيديك لبوس حلو كده طولك تاخده وتروّح تتغطى وإن شاء الله هتصحى الصبح زي الفل

أشـّف عبعظيم

حاضر من العين دي قبل العين دي لما الواد بتاع الشاي يعدي هاطلب لك واحد أشـّف عبعظيم يدفيك

أشـّف عبعظيم

يا جدع احترم نفسك وما تخلنيش أمد إيدي عليك بقى ع المسا

أشـّف عبعظيم

إن شالله يا رب أعدمك ما شفته

أشـّف عبعظيم

أوووف!! يا جدع هو أشـّف عبعظيم ده موصوف لك بين كل كلمة والتانية؟؟ يعني مثلاً لو ما قلتش أشـّف عبعظيم تموت؟؟

أشـّف عبعظيم

طب أنت خاطب وما شطبتش شقتك مثلاً وحماتك اسمها أشـّف عبعظيم؟؟

أشـّف عبعظيم

اخرس بقى خليني أعرف أرد ع التليفون!!

أشـّف عبعظيم

ألو .. أيوه .. لا أنا لسه ف الشارع .....

أشـّف عبعظيم

ما أعرفش المحفظة وقعت مني ولا أتسرقت ومتنيل قاعد مستني كمال ييجي يوصلني بعربيته ..........

أشـّف عبعظيم

أنا عارف مين جنبي آهو حيوان لازق لي من الصبح لحد ما صدعت!! ........

أشـّف عبعظيم

زي ما أنتي سامعه كده ما بيقولش غير أشـّف عبعظيم .. ملبوس بأشـّف عبعظيم عليه عفريت زنجي اسمه أشـّف عبعظيم ......

أشـّف عبعظيم

ثانية واحدة خليكي معايا .. ما تاخد المدام تكلمها بالمرة؟؟ ............

أشـّف عبعظيم

هاقول لها حاضر .. اعملي لنا طاجن أشـّف عبعظيم عقبال ما آجي!! ...........

أشـّف عبعظيم

أنتوا كويسين؟؟ مش عاوزين حاجة؟؟ طب يا للا سلام

أشـّف عبعظيم

قلت لها والله وقالت هتتبله

أشـّف عبعظيم

يا أخي يلعن تربنتينك أنت وأشـّف عبعظيم في يوم واحد!!

أشـّف عبعظيم

والله أنا خايف أحلل يقولوا لي عندك أشـّف عبعظيم زيادة في البول وممكن يرسب ع الكلى!!

أشـّف عبعظيم

أو أصحى الصبح ألاقي البت الصغيرة طالع لها أشـّف عبعظيم كتير في وشها!!

أشـّف عبعظيم

حاضر لو قعدت ساكت هادخلك معايا فيلم أشـّف عبعظيم

أشـّف عبعظيم

لعلمك!! أنا باعشق أشـّف عبعظيم .. باموت في أشـّف عبعظيم .. حتى المدام في عيد ميلادي اللي فات جابت لي اتنين أشـّف عبعظيم من عمر أفندي علشان الشتا ولابس منهم واحد دلوقت تحت البنطلون

أشـّف عبعظيم

باروح الجيم أشيل أشـّف عبعظيم

أشـّف عبعظيم

باشجع فريق أشـّف عبعظيم

أشـّف عبعظيم

باكل زي أشـّف عبعظيم وبانام زي أشـّف عبعظيم عندي ولدين وبنت مسميهم كلهم أشـّف عبعظيم

أشـّف عبعظيم

باشتغل أشـّف عبعظيم وباقبض في الشهر يا دوب كام أشـّف عبعظيم وأصلاً أصلاً بقى أنا مولود في حي أشـّف عبعظيم

أشـّف عبعظيم

آهو كمال جه أهه .. مش عاوزك تسيبه!! عاوزك تلبد فيه!! عارف كمال ده بقى اسمه الحقيقي إيه؟؟ أشـّف عبعظيم!!

كمال: معلش المحور كان واقف ولفيت من عند .......

أشـّف عبعظيم

كمال: مين ده؟؟

أشـّف عبعظيم

تعليقات

  1. النسر المهاجر08‏/12‏/2015، 5:48:00 ص

    البلد كلها بقت أشرف عبد العظيم
    كل حاجه بقت أشرف عبد العظيم
    طيب مأخدوش ليه مستشفى اشرف عبد العظيم
    علشان الدكتور أشرف عبد العظيم يعالجه
    فى قسم اشرف عبد العظيم
    وهناك هيلاقيه أكيد
    صباحك ورد شريف باشا

    ردحذف
  2. P A S H A08‏/12‏/2015، 7:50:00 ص

    Gamal Abu El-ezz
    :))
    صباح الورد والفل والياسمين يا كبير :))
    أشـّف عبعظيم ده فيرس بعيد عندك بياخدوا له تطعيمات في الصحة. رحت ديك النهار أتطعم؛ الممرضة طلعت أمبول صغير كده خمسة سنتي باقول لها الأمبول ده فيه إيه؟؟ قالت لي: أشـّف عبعظيم :D
    يومك بيضحك يا جمال بك
    :))
    شرفتنا

    ردحذف
  3. Lobna Ahmed Nour08‏/12‏/2015، 9:46:00 ص

    حلوة :D

    ردحذف
  4. Unknown08‏/12‏/2015، 3:08:00 م

    زمان لما كنا نحب نهاية حد
    احكى لك حكاية الدبانة ونفضل
    نعيد كدا ويزيد لما يقول توبة ذ:)

    ردحذف
    الردود
    1. Unknown08‏/12‏/2015، 3:10:00 م

      بكتب من موبايل والأخطاء كتيرررررة
      معلش أشف عبعظيم :)

      حذف
    2. Unknown08‏/12‏/2015، 3:10:00 م

      بكتب من موبايل والأخطاء كتيرررررة
      معلش أشف عبعظيم :)

      حذف
  5. زهــــراء08‏/12‏/2015، 10:23:00 م

    مسا مسا اشتف عبعظيم ههههههههههه
    ده التطعيم الجديد اللي نزلوه إجباري بعد يومين من الولاده بس كان نفسي اعرف عمل ايه مع كمال
    هو اشتف عبعظيم مش عاوز عروسه تكون اسمها متيحه مديحه
    كنت المفروض اخدته عزمته عند مطعم اشتف عبظيم اللي في وسط البلد تاني شارع بعد دوران اشتف عبظيم جنب صيدليات اشتف عبظيم.... ههههههههه
    فصلتني ضحك ربنا يكرمك

    ردحذف
  6. Heba ElHady10‏/12‏/2015، 12:51:00 ص

    أشف عبد العظيم هو نموذج الناس اللي بقت كلها نسخ من بعض كلام مختلف بنفس المعنى و طريقة التفكير ☺ الفيروس اللي انتشر و مش هيختفي

    ردحذف
  7. غير معرف14‏/12‏/2015، 8:04:00 م

    عن تناحة و رخامة الناس اللي بتكرر نفسها نتحدث :)
    آشف عبعظيم

    ردحذف
  8. غير معرف16‏/12‏/2015، 11:37:00 ص

    هههههههههههه
    ضحكتنى بشكللللل
    بقالى زمان مضحكتش كده
    تحياتى

    ردحذف
  9. النسر المهاجر18‏/12‏/2015، 11:04:00 ص

    يا ترى اشف عبد العظيم متأخر علينا فى التدوين ليه
    ولا اشف عبد العظيم منعه علشان اشف عبد العظيم رايح له
    يا ريت تقوله اشف عبد العظيم بيسلم عليك وبيقولك ارجع اشف عبدالعظيم تانى

    اعتبرها شفرة دافنشى المهم اتاخرت علينا ليه ههههه

    ردحذف
  10. P A S H A20‏/12‏/2015، 3:29:00 م

    الزملاء الأفاضل ..
    وافر الشكر والامتنان لتعليقاتكم الجميلة التي أسعدتنا جداً
    :)
    خالص تحياتي وعميق احترامي وتقديري

    ردحذف

لا يسمح بالتعليقات الجديدة.