هجايص

القصة الفائزة بجائزة هانز كريستيان الدولية للقصة الخيالية من بين 1200 عمل من جميع أنحاء العالم.  * تأليف: صالحة حمدين - فلسطين اسمي "صالحة"، أنا من مدرسة (عرب الجهالين)، أعيش في خيمة صغيرة في (وادي أبو هندي)، عمري 14 سنة. في النهار أدرس في مدرسة القصب، وقد صنعوها من القصب لأن الجنود أعلنوا أن أرضنا منطقة عسكرية مغلقة، حيث يتدربون على إطلاق النار في منطقة الزراعة. يعيش معنا في الخيمة سبعون نعجة، وأقوم أنا بحلبها بعد أن أعود من المدرسة، وأصنع الجبن ثم أبيعه لأهل المدينة. الطريق هنا وعرة لأن الجنود يمنعوننا من تعبيد الطريق، ويتدربون على إطلاق النار في الليل، وأنا أكره صوت الرصاص، أكاد أجن منه، فأهرب، نعم أهرب. لا يوجد لدي دراجة هوائية، لأن الطريق وعرة، ولا سيارة عندي ولا طيارة، لكن عندي شيء أستخدمه للهروب. اقتربوا، اقتربوا، سأوشوشكم سراً، عندي خروف يطير اسمه "حنتوش"، لونه أسود وأذناه طويلتان، له جناحان سريّان يخبئهما داخل الصوف، ويخرجهما حين أهمس في أذنيه يا حنتوش يا خروف أطلع جناحيك من تحت الصوف أغني في أذنيه، فيما يبدأ الجنود بالتدرب على

(4) في منتصف الشهر الثاني؛ كان أبو خميس قد ألف الأعمال المنزلية، بيد أنه لم يكن قد تأقلم تماما مع أعراض الحمل. ثدياه اللذان كبرا بسرعة الأيام الماضية، حملاه على ارتداء حمالة صدر لمدة نصف ساعة، قبل أن يقاطعها للأبد، لأنه ما بيحبش الكتمة. في المقابل، احترفت أم خميس حلاقة ذقنها دون أن تصاب بجروح، تصلبت عضلاتها من حمل الفأس وأعمال الحقل ورعي الماشية .. في الشهر الثالث أدمن أبو خميس الجلوس عند الترعة والنميمة مع النسوة، تمرست أم خميس على تدخين الشيشة مساءً في الخـُص دون أن تصاب بدوار، واتقنت إلقاء النكات الجنسية البذيئة .. ذات مساء، حدث شجار بين الزوجين، تدخل الجيران، توسطت أم خميس الرجال في مضيفة الدار، وبصوت أجش عالٍ مغلف بالتماهي قالت: حتى حقي الشرعي مش عارف أطوله منه!! يعني لا مكيفني راجل ولا مهنيني مرة!! أنهت جملتها وهي ترفع الجلابية قصدا ليرى الحاضرون حجم الذي نضج وتدلى، اختلست النساء النظر وهن يطيبن خاطر الزوج الباكي. ***** غادرت النساء دار أبو خميس وما برحت ألسنتهن تنهش في سيرته وزوجته، اجتمعن في عـُلية دار الكبير بعد ذهاب أزواجهن للتحشيش (كالعادة) في الخـُص الكائن أسفل شج

" أصلي مش رايح في حتة .. أصلي مش قاصد مكان " تخيلت أني رحت هناك .. فارتحت وابتسمت .. كنت راكب بيجو وواخد النفرين اللي قدام جنب السواق .. كان مشغل أغنية "لولا الملامة" .. " لولا الملامة يا هوى لولا الملامة،، لأفرد جناحي ع الهوا زي اليمامة،، وأطير وأرفرف بالفضا وأهرب من الدنيا الفضا وكفاية عمري اللي انقضى وأنا باخاف الملامة،، وأه م الملامة " .. كنا بعد العصر بشوية .. الجو كان حلو .. كنت لابس قميص أبيض نص كم .. ومرتاح .. كنت منسجم قوي مع الحالة .. منظر الشجر والترعة اللي على جنب .. السواق الرايق والركاب الساكتين كأنهم مش معانا .. الطريق كان فاضي .. السواق ما كانش بيجري .. يا دوب 80-90 كم / س .. كان قدامنا عربية نقل قديمة .. بلوحة مرور حمرا قديمة .. العربية كان مدلدل منها جركن أحمر مقطوع من تحت جواه لمبة .. كان بيتهز زي البندول .. بس لقدام وورا مش يمين وشمال .. سرحت في نفسي .. بعدين شفت سرب طيور في السما قدام عيني .. فضل يعمل تشكيلات وبعدين دخل يمين .. واختفى .. أنا عايز أعيش هنا .. المكان ده بييجي على بالي كتير .. زي ما باوصفهولك كده بالظبط .. مع أنه مش

يكونوا قاعدين في أمان الله،، هي ع الأرض، رجل متنية تحتها وسانده بدراعها الشمال على ركبة رجلها التانية وكل شوية تهرش في شعر رجلها وتقول له وهو بيطفح كوباية الشاي: عاوزين ننقط أم هبة علشان بنتها ولدت .. خدي عشرين جنيه من المحفظة .. عشرين جنيه إيه؟؟ دي عاوزة لها فرخة ع الأقل،، باقول لك ولدت وفاتحة بطنها .. فاتحة بطنها فاتحة بقها مش مشكلتي .. يا راجل دي ساعة إسراء ما نجحت اديتها خمسين جنيه .. خلاص اديها عشرين جنيه وقصرية الواد حموءة اللي مرمية في البلكونة ولا أنتي ناوية تخلفي تاني؟؟ ها؟؟ فهميني؟؟ .. هو يعني كان بمزاجي؟؟ ولا كنت باخلفهم لوحدي؟؟ .. يووووه مش هنخلص!! انزل ياد من على فردة الشبشب (يمسك الواد من دراعه ويلطشه على قفاه) هو موتوسيكل يا ابن الكلب؟؟ .. استنى هنا رايح فين؟؟ .. رايح في داهية. يقعد ع القهوة لنص الليل، يلعب كوتشينة ويخسر زي كل يوم، وهو قايم يميل على صاحبه: شوف لي معاك خمسين جنيه، يشتري علبة سجاير وكيلو برتقان وكيلو موز، يتعشوا ممبار، تنيم العيال وتقعد بالجلابية البيتي الكت القصيرة، يلاحظ أنها شالت شعر رجليها .. أ أ أنا خدت ميت جنيه من فلوس البيت .. يتنطر والطافية تقع

طفلي الصغير، ذو الخمسة أشهر كان درسه الأول بالأمس عندما لوحت له "باي باي". ولأنه لا يستطيع الضحك بعد؛ ابتسم كثيرا بعينيه خالها لعبة، وظنني أداعبه "هيا اقترب واحملني" هكذا أخبرني جسده المتأهب عندما رفرف بذراعيه الصغيرين في سعادة "هيا هيا" هكذا صاحت الدُمى على ملابسه وبينما هو كذلك خرجت من الغرفة وأغلقت الباب على صوت بكائه ---- اليوم بكى قبل أن أضعه في مهده قبل أن ألوح "باي باي"  أشاحت الدُمى بوجهها عني قبل حتى أن أخرج من الغرفة

مصطفى النجار - صفحة سياحة وسفر - جريدة الأهرام - عدد الخميس 21 سبتمبر 2017 هناك قضايا تثير الجدل.. منها ما طرحناه فى مقالنا الخميس قبل الماضى على هذه الصفحة تحت عنوان: الفنادق «ذبحت» المصريين فى العيد. مقتطفات من المقال المذكور:  ((وأنا أتابع أحوال السياحة المصرية والفنادق المصرية خاصة .. فكل شيء مباح .. أسعار نار .. لا حدود لها.. الغرفة المزدوجة في الفنادق الـ 5 نجوم تبدأ من 2000 و3000 ثم 5 آلاف وحتى 7 و8 آلاف جنيه فى الليلة الواحدة .. وأنا هنا لا اتحدث عن سعر الجناح الذى يصل إلى 15 ألف جنيه فى الليلة .. أى والله .. من قرر هذه الأسعار ومن أباح لنفسه  « ذبح» المصريين فى عيد الأضحي؟؟ .. أين الرقابة؟؟ .. وإذا كانت هذه الأسعار مفروضة على المصريين .. هل الخدمة المقدمة تساوى هذا المبلغ؟! .. من يحاسب هؤلاء ويوافقهم على هذه الأسعار؟؟ ولا أحد يقول أنه الدولار وأن الأسعار فى العالم كذا وكذا .. لماذا هذه الأسعار على المصريين فقط استغلالا لحاجتهم فى قضاء الاجازة.. لماذا تؤجر الغرفة فى الغردقة وشرم الشيخ للأجانب بـ10 دولارات و15 دولارا فقط؟ بالطبع أنا أفهم من سيرد ويقول هذه أسعار سياحة

*   من كتاب: عادات المصريين المحدثين وتقاليدهم (مصر ما بين 1833-1835) - إدوارد لين - ترجمة سهير دسوم - مكتبة مدبولي

البقاء لله .. انتقلت إلى رحمة الله تعالى - بإذن الله -   المغفور لها بإذنه تعالى الزميلة الفاضلة الدكتورة norahaty mo     صاحبة مدونة صعبان عليا حالنا   وذلك أمس الأول.   اللهم ارحمها وتجاوز عن سيئاتها واغفر لها واكرم نزلها وثبتها عند السؤال وغسلها بالماء والثلج والبرد وافسح لها في قبرها مد بصرها واجعل لها عن يمينها نورا وعن شمالها نورا ومن فوقها نورا ومن تحتها نورا والهمنا جميعا الصبر والسلوان. نسألكم قراءة الفاتحة والدعاء

12205 - بخلاف 3860 كم بالمواصلات، الرقم اللي فوق ده هو  عدد الكيلومترات اللي قطعتها بالقطر لحد دلوقت من 5/5/2012 لحد 3/3/2018 .. اتناشر ألف وميتين وخمسة كيلو متر .. متر ينطح متر .. (اجمالي طول شبكة الخطوط الحديدية 9570 كم) ..  30 رحلة في ست سنين .. منهم  رحلات اتكررت أكتر من مرة ..  نشرت تلات بوستات عن الرحلات دي: المناشي، أسوان، مطروح.  -  تقريبا ركبت كل خطوط ركاب سكك حديد مصر .. باستثناء خطين بس .. خط فيه محطتين ما عدتش عليهم .. وخط تاني رحته مواصلات بس مش بالقطر .. الخطين دول طولهم 87 كم .. بس علشان أقطعهم لازم أسافر حوالي 2250 كم ويمكن أكتر .. يعني تقريبا 25 ضعف .. ويبقى الإجمالي: 14455 كم .. يعني  كأني رحت ورجعت من شمال مصر لجنوبها أو من شرقها لغربها سبع مرات .. وساعتها تقدروا تغنوا لي أغنية: التعلب فات فات وفي ديله سبع لفات .. وتمشي برضه أغنية يا أم المطاهر رشي الملح سبع مرات .. عادي جدا .. آهي أي حاجة فيها سبعة وخلاص. - المسافة من هنا لـ فلاديفوستوك 12584 كم .. والرحلة بتاخد أسبوع بالعربية .. فلاديفوستوك   ا لمدينة التي يبدأ وينتهي العالم عندها   ( مش عارف ليه؟؟   هما اللي

بنشكر السيد عامل المطبعة اللي خلانا نحتفل معاه بعيد ميلاد "ملك" – أغلب الظن أنها ابنته – وبالمناسبة السعيدة دي نقول لها: كل سنة وأنتي طيبة يا ملوكة وعقبال مليون سنة كلهم فرحة وهنا وسعادة وسرور، ربنا يحفظك وأولادنا جميعا من كل شر وسوء ويبارك فيكم ويفرحنا بيكم، ويعيننا على تربيتكم. * جايز الهدية دي ما تعجبكيش دلوقت، بس لما تكبري شوية هتشوفيها أجمل هدية في العالم :)

*   من صفحة  حسام علوان  على الفيس بوك           القاهرة في 2-6-79 حبيبي سامي                 كل سنة وأنت طيب يا حبيبي وعقبال مئة ألف سنة كلها مليئة بالخير والسعادة والهناء. كنت أحب أكون معاك في اليوم ده لكن أنت سافرت. صدقني يا سامي في يوم 8 يونيه ده ربنا اداني أحسن هدية. وكنت أتمنى أعرفك من ساعتها (بس اوعى تطلع فيها) بالمناسبة دي أحب أهديك أغنية وردة في يوم وليلة خصوصا الجزء ده (حبيب أمالي يا غالي يا غالي عمري كله ليك وكل عمري مش خسارة فيك) سامي وحياتك ابقى قوللي وقع الكلام الحلو ده عليك ايه – أصلي مش موخداك على كده. تتصور يا سامي روحت من المطار لقيت حرارتي 39.5 (عالية خالص أهه علشان تنبسط ...) وفضلت نايمة في السرير على طول لمدة 3 أيام يا دوب أصحى آخد الدوا وأنام تاني – كان دور جامد قوي – بس الحمد لله دلوقتي خفيت وبقيت زي الحصان. وابتديت أروح الكلية وأذاكر كمان. ما تتصورش يا سامي وحشتني قد إيه في اليومين دول. صدقني يا مي مي لما بتسافر بأحس أنك بتاخد كل حاجة حلوة في الدنيا معاك (يخرب بيتك) ويفضل لي المذاكرة والكلية والأرف. ربنا يفوت الأيام دي على خير وتيجي تاني في

خطف نسر رجلا .. كان الرجل جالسا في شرفته يتصفح جريدة الصباح كما تعود أن يفعل مؤخرا .. ذهبت إليه زوجته لتخبره أن يخلع عنه الأفرول لتغسله، الأفرول الذي يصر على ارتدائه حتى بعد أن سرحوه من العمل، فلم تجد في الشرفة إلا صفحة من جريدة ملقاه على الأرض بها فستانا جميلا في إعلان غسالة، التقطت الصفحة، فابتلعتها الغسالة .. استيقظ الابن، فوجد باب الشرفة مفتوحا، وعندما ذهب ليغلقه، لمح صورة شابة فاتنة في إعلان أعشاب تخسيس داخل الصفحة، اقترب منها، فابتلعته عبوة الأعشاب. عقب ذلك بقليل .. كان رجل آخر يجلس بملابسه الداخلية في حديقة منزله الخلفية، عندما رأى رجلا طائرا يحمل جريدة، نظر الرجل إلى زجاجة الخمر في يده وضحك في هيستيرية، ثم رفعها ثانية إلى فمه .. بالداخل، كانت زوجة السكير تستعد لتجربة الغسالة الجديدة، إلا أنها أغلقت بابها بسرعة بعد أن رأت داخلها ما يشبه سيدة بثياب منزلية .. وفي المطبخ، كانت ابنتهما قد فتحت توا عبوة أعشاب تخسيس، لتجد داخلها شابا وسيما، يبتسم لها.  كان رجل الأعمال متعكر المزاج، ليس فقط لأنه لم يعثر على جريدة الصباح التي يهوى مطالعتها يوم العطلة في فناء مصنعه، ولكن لأن الحملة

أنت دلوقت قاعد جوه عربية .. ماسك الدركسيون وبتستعد علشان تسوق عربية لأول مرة في حياتك .. فرحان، منفعل، متحفز، زي طفل صغير بيكتشف لعبته الجديدة، وفي نفس الوقت متوتر، قلقان، خايف أحسن تفشل .. بتجمع كل اللي قريته واتعلمته عن السواقة، كل اللي حفظته من كتر ما لاحظته وأنت قاعد جنب السواقين بتراقبهم .. حاسس من جواك أنك هتبهر الكل بسواقتك، بتتخيل نفسك سايق بالناس اللي بتحبها وبتروحوا الأماكن الكتير جدا اللي اتمنيت تروحها بعربيتك .. تبتسم .. تبص حواليك فجأة، تنتبه، تعرق، تكتشف أنك سرحت، ترتبك. تحمد ربنا أنك لسه واقف مكانك ما اتحركتش، وإلا كان زمانك عملت حادثة لا قدر الله، واتشتمت واتلعنت أنت واللي ركبها لك .. تتكسف من نفسك، تتخنق، تيأس.  أنت دلوقت ماشي بعربيتك .. الشارع فاضي، والجو جميل .. قدامك واحد شكله لسه بيتعلم السواقة، ماشي زجزاج بالعربية، كل شوية يوطي يبص ع الدواسات والفتيس وبعدين يفتكر يبص ع الطريق ويعدل الدركسيون .. هديت سرعتك خالص، واستنيته .. فكرك بنفسك لما كنت زيه بالظبط .. وقت ما كانت نظرات الناس بتربكك، والكلاكسات بتوترك، والتعليقات السخيفة بتضايقك وتحبطك .. "طيب، هي الدن