المشاركات

عرض المشاركات من أبريل, ٢٠١٤

حبيبتي ف تانية إعدادي

صورة
يقوم من النوم ينام تاني لحد العصر عشان يصحى ويتغدا ويقعد بره ع القهوة لوش الفجر .. أقوم م النوم يكون راجع - صباح الخير - ما فيش مصروف .. يخش ينام لحد العصر !! *** ماما ضربتني بالشبشب عشان حافي وهاخد برد وقبل ما أرد كانت عطست ونطرت حبة في الشوربة اللي غطتها ونسيتها عشان تلحق زينات ومديحة في الكوربة ووصتني ما أفتنشي عليها لبابا (كذا مرة) وحبستنا ف الشقة وسكتها من برة .. فاضل لي جنيه كمان رشوة وأطلع نسخة ع المفتاح وأجيب لأختي حاجات حلوة وأسك عليها من برة وأنزل حافي في الشارع !! *** حبيبتي ف تانية إعدادي وأنا ف ستة يا دوب سنتين يا رب يا رب تسقطهم وأحصلها وتسقط تالتة بالمرة وأكون عديت وأروح ثانوي وتيجي تقوللي ذاكر لي -- هنا في البيت -- وتقعد جنبي ع المكتب وأوريها ..  حروف أسامينا ع المكتب :) *** * الصورة من النت

الجواز

صورة
- كان فيه أكتر من حد اقترح أني أتكلم في موضوع الجواز (بجملة الهري يعني) حد كان عاوزني أعمل البوستات بتاعة صابر دي زي حلقات ساخرة أسبوعية ؛ وحد تاني قال لي اعرض الموضوع علشان كلنا نرغي فيه (تقريباً عنده رأي عاوز يوصله لحد أو عاوز يسمع رأي حد فيه الله أعلم) ؛ وحد تالت كان بيسخنني أتكلم في الموضوع ده وأقول تجربتي بحجة أنه عاوزني أنصحه وأفتيه فاكرني شاي بلبن عاوز يسقي فيه ههههههههههه (معلش بس القلشة عجبتني) . ما علينا .. المدونة مفتوحة لأي حد عاوز يرغي ويفضفض في الموضوع ده ؛ إشمعنى احنا يعني اللي مش هانفتي ؟؟ وأنا كل شوية كده هابقى أكتب لكم اللي ييجي في بالي .. مش عاوز حد يعتبرها نصايح أو يعتبرني باتكلم بلسان حال كل الرجالة أو كل المتجوزين !! لأن كل حد وله دماغة وظروفة .. اللي هايتقال هنا مجرد رأي شخصي قد يصادف الصواب و هواك وقد يخالفه (لأن طبعاً رأي الشرع معروف) .. حاجة كمان : الكلام اللي هايتقال هنا مش شرط يكون نتاج تجربتي الشخصية إلا إذا نوهت لكده !! احنا زي ما بيقولوا هانحاول نفكر بصوت عالي ونرغي ونتناقش كأننا قاعدين على قهوة بالظبط !! .. جايز حد لسه ما ارتبطش أو ارتبط أو انفصل ؛ يكون

Le Tableau

صورة
نحن أمام لوحة فنية ، تركها الرسام دون أن يكملها .. قد تظن (إذا نظرت إلى اللوحة) بأن الوقت قد توقف ؛ لكنه ليس كذلك .. كل الأشخاص جالسون في أماكنهم يحبسون أنفاسهم. في أعلى اللوحة تجد القلعة المحتلة من الـ"توبان"( Tout Peint مكتملو الرسم) وهم الطبقة المتعالية التي تحمل البغضاء لمن دونها ؛ يرون أن الرسام قد صنع منهم عالمه ؛ لذا فقد سيروا الأمور لصالحهم كما لو كانوا في الفردوس !! وقرروا إعادة تنظيم القلعة وطرد من دونهم !! .. يخالفهم في ذلك "رامو" الذي يشعر بأنهم أناس متفاخرين بمظهرهم ، يؤمن بالحرية والمساواة وبأن الرسام لا بد أن يعود ليكمل لوحته !! الـ"بافيني" ( Pas Finis غير المكتمل) هم الطبقة المحُرم عليها دخول القلعة والمجبرين على سكنى الحديقة ، ينتظرون الليل بالنهار وعندما يأتي الليل يضطرون للتخفي من الـ"توبان" !! .. إذا نظرت إلى المكان المنخفض في اللوحة إلى اليسار ، ستلاحظ في الظلال عند أقدام الشجرة الزرقاء ؛ الفتاة "كلير" من الـ "بافيني" في عناق مع عشيقها "رامو" ؛ لذا فهما مختبئين !! الـ"