حبيبتي ف تانية إعدادي
يقوم من النوم ينام تاني لحد العصرعشان يصحى ويتغدا ويقعد بره ع القهوة لوش الفجر .. أقوم م النوم يكون راجع - صباح الخير - ما فيش مصروف .. يخش ينام لحد العصر !!
***
ماما ضربتني بالشبشب عشان حافي وهاخد برد وقبل ما أرد كانت عطست ونطرت حبة في الشوربة اللي غطتها ونسيتها عشان تلحق زينات ومديحة في الكوربة ووصتني ما أفتنشي عليها لبابا (كذا مرة) وحبستنا ف الشقة وسكتها من برة .. فاضل لي جنيه كمان رشوة وأطلع نسخة ع المفتاح وأجيب لأختي حاجات حلوة وأسك عليها من برة وأنزل حافي في الشارع !!
***
حبيبتي ف تانية إعدادي
وأنا ف ستة
يا دوب سنتين
يا رب يا رب تسقطهم
وأحصلها
وتسقط تالتة بالمرة
وأكون عديت
وأروح ثانوي
وتيجي تقوللي ذاكر لي
-- هنا في البيت --
وتقعد جنبي ع المكتب
وأوريها ..
حروف أسامينا ع المكتب
:)
***
* الصورة من النت
كميلة كميلة
ردحذفدي مذكراتك و انت صغير؟
كنت بحتفظ بحاجات كدة، حاجة موديل نزلنا رحنا عند جدتي الخروجة بتاعت كل عيد و رجعنا تعبانين و اتخمدنا كلنا :)
يالله
ردحذفروعه
جميله اووووووووووووووى
ردحذفMona el Dawakhly
ردحذف:))
لالا مذكراتي إيه !! .. وأنا صغير كنت بريء D:
دي حاجة كتبتها علشان قصة وبعدين نسيت القصة أصلاً فقلت أنشر دي قبل ما أنساها
:)
نورتينا
sony2000
ردحذف:))
ربنا يكرمك يا سوني
:)
نورتينا
♥نبع الغرام♥♪≈
ردحذف:))
ربنا يكرمك يا أستاذة
:)
نورتينا
جميلة جدا
ردحذفMa As
ردحذف:))
شكراً لذوقك
:)
نورتنا
أيه الحاجات
ردحذفالحلوووووووة دى!!
ما شفتهاش أنا أزاااى؟
norahaty
ردحذف:))
ربنا يفرح قلبك يا دكتورة ويسعدك زي ما بتفرحينا بتعليقاتك الجميلة ، كلك ذوق والله
:))
شكراً جزيلاً لتشريفك وتشجيعك