المشاركات

عرض المشاركات من 2010

صبحي الكبابجي

صبحي الكبابجي مالوش ف الكباب .. ولا عنده لحمه ! يا دوب حيلته هـِدمة وحيدة ويتيمة ! ساترها برقعة فانلة قديمة ! و ع الهدمة بقعة بلون الهموم .. محافظ عليها ليها علاقة بجنس اللحوم .. وبرضه ما ليها ! فِ قلب الخرابه .. يعمل كمين لأيتُها كلب "دكر" كان سمين وتسأل يقول لك : اسكت يا جاهل ! ده كلب ابن كلب .. فاكر نفسه راجل ! واسمع يا فاضل حكايته العجيبة : صبحي زمان .. كان واد فلاتي يسكر .. يحشش .. يقامر يوماتي يبعتر ف ثروة أبوه الكبابجي ولا حد همه ولا مين يهاتي ويطلع صاحبنا مطالب بـ تار ! لـ شهدي ابن عمه .. لأعوام كتار وييجي نهار .. ويعتر عليه وهـُب الغضنفر .. يقبض عليه وياخده بلدهم لجل القصاص وما فيش فرار ولا فيه مناص وصبحي حلنجي .. رضيع الرذيلة يفكر فِ إنه يهرب بحيله ما تيجي يا شهدي نلعب دورين مع كاس براندي ؟ غلبتك ؟ آمين .. ننسى اللي فات وتعتق رقبتي غلبت يا شهدي ؟ .. تاخد فلوسي وبيتي وأرضي ويغلب سي شهدي .. وتيجي العقود يشوفها صاحبنا يصيبه الجمود ويبصم ويختم .. فِ دهشة وذهول ويبدأ يثور .. ويصبح كـ غول ويكسر إزازة ! - حاااااسب يا شهدي !! - (ده أنا اللي باقول) ويسمعني شهدي يفادي الجبان

شقــــاوة

صورة
أنا شاطر يا ماما؟؟ أيوه يا حبيبي وعسل وسكر يا ماما؟؟ وشيكولاته كمان عشان خلصت طبقي كله صح؟؟ أيوه .. أنا مبسوطة منك خالص أنا بحبك قوي يا ماما وأنا كمان باموت فيك يا روح ماما يعني إيه تموتي فيا يا ماما؟؟ يعني بحبك موت يا حبيبي يعني عاوزاني أموت يا ماما؟؟ لأ . بعد الشر عليك .. أنا قصدي بحبك كتير قوي يعني بتحبيني جامد قوي صح؟ أيوه صح .. لو حد قرب منك أقرقشه بسناني عنعنعنعنعنعنعن .. لحد ما أموته هههههههههههههههههههه زي القطة كده اللي ع السلم اللي خربشتك لما لعبت مع ولادها آآآآآآآآآآه .. دي كلبه وحماره عييييييييب .. احنا قلنا إيه ؟؟ بلاش شتيمه .. أحسن أزعل منك لأ هي كلبه وحماره عشان خربشتني وعملتلي واوا حمرا ف إيدي بس هه! برضه بتشتم تاني ؟؟ .. طب أنا زعلانه منك ومخاصماك موت لحد ما تبطل قلة أدبك دي ! مخاصماني موت ؟؟ .. مممممم .. فهمت !! يعني بتحبيني جامد قوي صح؟؟   عنعننعنعنعنعن هههههههههههههه هههههههههههههه

قـــــــدر

صورة
مد القدر يده إلى السماء .. فالتقط سحابة بيضاء .. ربّت عليها بكفيه .. فصارت ورقة ثم طار القدر .. فوق الأزهار .. وانتخب من أحلاها .. عبيراً .. فصنع من العبير مداداً .. ذي أريج أبدي المداد .. كان بألوان قوس قزح على شاطيء الكون .. خَطّ القدر بيده شيئاً في الورقة السحابة .. بحروف عطرية ..  قوس قزحية .. ثم طوى الورقة بعناية فائقة .. وربطها بخيوط ذهبية رقيقة .. كان قد جمعها من أشعة الشمس .. ثم وضع الرسالة في رحم  ذرة رمل .. ونثرها  في أرجاء الكون اللا متناهي القدر لم يخبر الريح أو يستعن بها عندما نثر الرسالة في فضاء الكون .. الريح .. ظنت أن القدر قد أهملها .. فغضبت منه .. وعندما أخبرها بأن : كله مكتوب .. وكله بأوان .. لم تفهم .. ظلت تدور وتدور وتدور .. لا تهدأ .. تفكر فيما فعله القدر بذرة الرمل .. وتتسائل كيف للقدر أن يهملها على هذا النحو .. ولعنته في سرها ذرة الرمل .. تجهل وجهتها .. كما تجهل ما تحمل .. لا تعرف أية إجابات ولا تسعى لأن تعرف .. كل ما تشعر به .. إنها أسعد ذرة رمل في هذا الكون .. لإنها مؤمنة بالله وبقدره .. هي .. راضية .. مرضية .. مطمئنة .. ذاك كان قدرها .. وهي ذاتها .. قدر لأح

طهــو الكـــلام

صورة
ساعات .. تحت موود معين .. تحس كلام معين أكتر من أي وقت تاني .. لدرجة إنك ما تفكرش فيه .. وتتأثر بيه .. وتصدقه .. وتعيش عليه ! ساعات .. تسمع لحد معين .. نفس الكلام اللي عمرك ما كنت تقبل إنك تسمعه من حد تاني .. حتى لو كان الحد ده أقرب الناس إليك ! .. وتحس معاه إن الكلام بقى له طعم ومعنى تاني !  ساعات .. تتفاجيء بنفسك .. في موقف معين .. وأنت بتقول كلام معين .. عمرك ما كنت تتوقع إنك تقوله ! .. ولا حتى في سرك ! ساعات .. تضغط على حد معين .. عشان تسمع منه كلام معين .. وتقنع نفسك إنه قاله لك بمزاجه ! .. وأنت أصلاً بتسمعه بقصد معين ! ساعات .. تكتشف .. إن حد معين ترك بصمة كبيرة جواك .. من غير ما تحس .. لدرجة إنك بتقول نفس كلامه .. حتى لو مش لايق عليك ! ساعات .. تكون قاصد كلام معين .. وتقول أي كلام مالوش معنى ! ساعات .. تلاقي المستمع وما تلاقيش الكلام .. وساعات تلاقي الكلام وما تلاقيش المستمع .. وساعات تلاقي الاتنين وما تلاقيش الإحساس .. وساعات لا تلاقي الاتنين ولا تلاقي الإحساس ! يا ترى العيب فينا ولا العيب في الكلام ؟ طب لو الكلام هو هو ! هل احنا احنا ؟ ****** كـــلامهم: ****** "لولا أن ال

ابتسامة ذات مغزى

رن هاتفه المحمول بنغمته المميزة بإزعاجها .. وجدتني أراقبه من خلف مكتبي في فضول .. كان يخفت من صوته .. يتلفت في خجل وقلق .. بعد أن انهى مكالمته أخبرنا إنها زوجته .. تذكره ببعض الطلبات المنزلية ليحضرها في طريق عودته .. تناثــُـر الكلام من حوله أتاح له الفرصة في إفلات إبتسامة .. كانت ذات مغزى بالنسبة لي .. أعلم إنها اتصلت بك لتخبرك بإنها في إنتظارك على الغذاء .. وإنها قد تركت الأولاد عند أمها .. لتحتفلا معاً بعيد زواجكما .. تتصل لتخبرك في ود .. ألا تنسى إحضار الشموع .. وباقة صغيرة من زهرات البنفسج معشوقتها .. وبعضاً من ثمرات التفاح بلون السهرة المنشودة !! تتصل لتتذكر خجلك من تلقاء نفسك إذا كنت لم تحضر لها هدية حتى الأن !! .. تتصل لتجهض مبرراتك في الإفلات من واجباتك الزوجية !! .. تتصل وهي تعلم إنك لن تقل لها : بحبك .. تتصل فقط لتسمعها في أنفاسك الفرحى بها .. تزداد أنوثة هي في مخيلتك .. تزداد الفرص الطيبة في مخيلتها لقضاء أمسية العام !! أعلم كل هذا .. وسأغض بصري عن ابتسامتك .. فلا تخش على سرك الصغير مني !! فاليوم أيضاً عيد زواجي .. ولم أحضر هدية بعد !! في الطريق .. تتشبث الطفلة بذراع أ

الشمس الجريئة

صورة
فاكرين الأغنية دي ؟؟ الشمس الجريئة والنسمة الرقيقة والضحكة البريئة للموجة الشقية في بحور إسكندرية واحشانا يا حبيبي ! مفرحة قوووووي .. ولذيذة وحنينة وشقية وحيوية ومبهجة قوووووووي تحسها كده أغنية ملونة !! فيها ألوان الطيف وريحة البحر وزغزغة النسيم !! قدرت تمنع نفسك من السرحان ؟ في الصور الحلوة والذكريات الجميلة ؟ ممممممم ما افتكرش !! ما تقاوحش !! هارشك أنا .. هه ؟؟ وشايفك بتضحك أهه يا جدع أضحك مكسوف ليه هههههههههههههههه - عاملين إيه كلكم ؟ يا رب تكونوا بألف خير وصحة وسعادة وهنا وفرحة وراحة بال ورضا بالحال .اللهم آمين واحشنّي والله من هنا لإسكندرية ! طب غنا وسمعنا .. بحر وبلينا رجلينا وطرطشنا على بعض .. شمس واتشمسنا .. هوا واتنفخنا آآآآ .. قصدي اتهوينا .. ضحك وضحكنا .. طب إيه بقى ؟؟ أيوه يعني وبعدين ؟؟ .. أه يا شريرين !! إيه سايبه هي ؟؟ مش تقولوا لي فين النكد ؟؟ ربنا ما يجيب نكد يا رب .. ويجعل أيامكم كلها فرحة وسعادة . اللهم آمين هو موقف من فترة ومش هاطول عليكم فيه : شاب زيي وزيك .. متجوز جديد ربنا رزقه بطفل عنده 3 شهور .. الطفل تعب بالليل .. جري بيه على مستشفى (.....) مشه

لانك جميلة

صورة
لانك جميلة .. فلزماً أقول ولزماً أوصّف ف بنت الأصول بحبك ولكن .. أبص ف عينيكي بتصعب ف عيني جميع الحلول ♥♥♥ لانك جميلة .. وعالم بذلك بحبك وخايف .. أقولها لذلك لانك حبيبتي .. إذا قلتي لأه فده يعني إني .. بلا شك هالك ♥♥♥ لانك جميلة .. ووشك بشوش إله الجمال .. لكل الوشوش وبسمة شفايفك .. تحولني فارس يحارب فداها .. ويهزم جيوش ♥♥♥ لانك جميلة .. وحسنك بديع بلمسة إيديكي .. تِصَحي الربيع وورد الجناين .. يفتح عشانك كأنِك بلمسة .. حييتي الجميع ♥♥♥ لانك جميلة .. قبلت الخضوع وكل أما أقاوم .. تخونني الدموع فلو كنت ليلى .. أنا ابن الملوح ولو كنت مريم .. أنا ابنك يسوع ♥♥♥ لانك جميلة .. وحضنك وطن وانا عشق تايه .. لقيتك شجن ف حضنك حبيبتي عرفت الأمان تماماً كأني ف جنة عدن ♥♥♥ لانك جميلة .. وطبعك خجول .. بلاش الكسوف هانصبح عرايا .. ونهرب بعيـــــــد .. ما حدش يشوف ونرمي همومنا .. وخنقة هدومنا .. فِ وسع الغابات نعيش اللي فات .. كأدم وحوا .. فِ قلب الكهوف ♥♥♥ ختاماً .. باقوللك .. وأنا فوق حصان وسيفي ف إيدي .. ووردة كمان حبيبتي .. هاجيلك .. ف أبعد مكان هاجيلك منامك ف صحبة ملايكة .. هاتيجي عشانك