بريد القراء

ده البوست السنوي اللي بيكون مفتوح علشان نتكلم فيه مع بعض ونطّمن على بعض (أيوه اللي بامسحه بعد كده) .. أهلا بأي حد عنده استفسار أو موضوع حابب نتكلم فيه .. بس يا ريت اللي يشرفنا ما يجيش بإيده فاضيه،، يعني يجيب معاه أي حاجة كده نتسلى فيها: ترشيحات كتب / أفلام / أغاني / أكلات ....... إلخ ..  وأنا برضه كل شوية هابقى أجي أرغي هنا معاكوا.

* ملحوظة: التعليقات مفتوحة لغير معرف، بس عليها إشراف

:)

تعليقات

  1. Tarkieb20‏/02‏/2019، 1:16:00 م

    ازيك ياباشا

    ردحذف
  2. P A S H A21‏/02‏/2019، 9:11:00 م

    Tarkieb
    :))
    الحمد لله يا كبير

    ردحذف
  3. Ola22‏/02‏/2019، 9:47:00 م

    مساء الخير يا استاذ شريف،
    عندي كم تدوينة في رأسي مؤجلات ولقيت البريد هنا مفتوح فقلت "يلا... نحرّك خلايا الدماغ النائمة شوية"

    كان بودي يكون عندي ترشيحات أفلام الحقيقة، لكن في نزعة داخلية مستوطنة بقالها فترة عاملتلي نفور من كل شيء، لا أدري ليه الصراحة، لائحة الأفلام طويلة بس محضرتش خلال السنة الي فاتت ما يعادي عُشر منها. لكن، اقدر اقول انه الفيلم الي يتصدر اللائحة هو Bohemian Rhapsody... رامي مالك أداءه راااائع! والقصة جميلة جدًا لكن كان ينقصني أكثر عن حياته الشخصية وعن طفولته... لكن الجميل إذا كنت من محبي Queen رح تحس إنّك في حفلة طويلة وجميلة لهم.

    وإن كنا نتكلم عن المشاهدة، فكان لي نصيب جيد من المسلسلات هاي السنة، بذكر منها:
    explained الي هو عبارة عن حلقات 15-20 دقيقة كل مرة تناقش موضوع معين، شيء يشبه الوثائقيات.
    Black Mirror
    You مع انه حبتين creepy
    Mad Men

    كنت بحب لو اطلعت أكثر ع وثائقيات، بس ملقيتش لسا شيء يجذبني أكمله للآخر.

    That's it for now... ببقى أزيد لو تذكرت قبل ما تمسح التدوينة :D

    وانت كيفك استاذ شريف؟

    ردحذف
  4. النسر المهاجر23‏/02‏/2019، 10:17:00 م

    حبيبى الغالى الباشا
    اتمنى تكون بخير
    وبرشحلك اغنية يا اعز واطيب قلب لأنغام😁

    ردحذف
  5. سوبيا25‏/02‏/2019، 9:17:00 م

    ازيك؟
    احكيلنا عن أحوالك.

    ردحذف
  6. P A S H A26‏/02‏/2019، 12:20:00 ص


    عُلا وتد | Ola

    :))

    يا ألف أهلا وسهلا .. مساء النور يا أستاذتنا .. لا لا نفور إيه بعد الشر؟؟ .. طب ده احنا كنا محتارين مين يستاهل ياخد الأوسكار السنة دي؟؟ وقاعدين بنلعب حادي بادي، لكن أول ما حضرتك قلتي أنك مبسوطة من أداء "رامي مالك"، قلت لهم (بعد ما ضربت المنضدة بإيدي ووجعتني): خلاص قضي الأمر، طالما الأستاذة قالت رامي يبقى رامي .. وافقوا على طول، بس اشترطوا ما أنشرش التعليق غير بعد ما يستلم الجايزة؛ علشان بس نبعد الشبهات ونتجنب القيل والقال :D
    - بالنسبة للأفلام (رشحت شوية في البوست اللي فات)، ما عجبنيش بعدهم غير فيلم مصري (مصري بجد والله مش هزار - إنتاج كندي فرنسي)

    - فيه فيلم مممم مصنف وثائقي أتمنى يعجبك: The Gleaners & I

    https://www.imdb.com/title/tt0247380/?ref_=fn_al_tt_1

    - متشكر جدا على ترشيحات المسلسلات،، فرصة برضه الواحد يغير موود الأفلام .. يا ريت تتذكري لنا شوية كتب بعد إذنك

    - الحمد لله بخير يا أستاذة،، تسلمي على سؤالك،، ربنا يكرمك ويسعدك ويبارك لك
    :)
    شرفتينا

    ردحذف
  7. P A S H A26‏/02‏/2019، 12:26:00 ص

    Gamal Abu El-ezz

    :))

    حبيبي اللي منور الدنيا .. بتحدفني بـ أنغام يا جمال؟؟
    طب اسمع دي:

    https://www.youtube.com/watch?v=qWd4g-k7HNk

    يا بتاع التفاح - أحمد عدوية - (اللي هي أصلا: ولا يا ولا لعبد الغني السيد)

    :))

    عملت لها إيديت من الدقيقة 10:13 ومش بابطل أشغلها .. لولا بس شوية الموظفات النايمين وراه في الكورال دول والزراط الكتير بتاع عم بابلي في الأغنية (على رأي سمير غانم) كانت بقت أغنية هايلة والله .. كان بودي أرقص معاك والله يا جمال بس الست بتاعتي محرجة عليا أرقص مع رجالة :D

    - عارف أنك ما سألتش عن الفيلم المصري اللي في التعليق اللي فوق، بس أنا راجل لعين يا أخي وأحب أدلع ضيوفي نياهاهاها

    https://www.youtube.com/watch?v=4vifxeAZ1NM

    *** نصيحة: حط الهيدفون وأنت بتتفرج عليه

    والله العظيم يا عم جمال أنا لو من بتوع الأوسكار، آدي الست رضا دي تلاتة أوسكار على أدائها في الفليم ده .. بجد رهيبة رهيبة رهيبة .. وأوسكار للوزة .. وأوسكار للواد بكار اللي ماشي بلبوص طول الفيلم .. فيلم جامد جدا جدا

    :)

    شرفتنا

    ردحذف
  8. P A S H A26‏/02‏/2019، 12:33:00 ص

    سوبيا

    :))

    يا ألف أهلا وسهلا يا أستاذتنا منورانا والله

    :))

    - أحوالي؟؟ .. بخير الحمد لله .. آهو، حبة فوق وحبة تحت. بس طبعا الحبة دي مش قد الحبة دوكها :D
    يا رب تكوني بألف خير وصحة وسعادة إن شاء الله

    * بالمناسبة عظيم البوست ده يا أستاذة .. هجوم عليه يا أساتذة قبل ما تمسحه D:

    http://subyaa.blogspot.com/2019/02/blog-post_16.html

    ربنا يحفظ لحضرتك موهبتك ويبارك لك فيها

    :)
    شرفتينا

    ردحذف
  9. سوبيا28‏/02‏/2019، 2:57:00 م

    منورة بصحابها
    :)
    يارب الحبة دي يكونوا اكتر من الحبة دوكهما. D:

    كان بودي ابعتلك ترشيحات أفلام أو مسلسلات لكن أنا الفترة اللي فاتت كنت أرحب بالتفاهة فقط. لكن ممكن ارشح لك مسلسل you مع أستاذة علا.السكريبتات المكتوبة على رواقة نعمة.
    ولو شفت فيلم سطحي وغير معني بالحاجات او حلقتين من مسلسل ولقيته تافه ابعتهولي :))

    وبخصوص البوست لو حكيتلك ملابساته هاتضحك وهاتحيي التفاهة معايا.

    ردحذف
  10. P A S H A28‏/02‏/2019، 11:05:00 م


    سوبيا

    :))

    ههههه ربنا يكرمك ويسعدك ويفرح قلبك
    :))
    وهو حد لاقي تفاهة دلوقت؟؟ ده الواحد بيدوخ السبع دوخات على ما يلاقي حاجة تافهة والله .. ممكن تشوفي الكام فيلم دول، لذاذ،، كوميديا حلوة:

    Badhaai Ho
    The Gods Must Be Crazy
    Maratonci trce pocasni krug
    (ترتيب الحاجات من تحت لفوق)

    - شكرا جزيلا على ترشيحك للمسلسل، شوقتوني أشوفه :))
    - بخصوص البوست المفتخر بتاعك؛ أه أه احكي لي ملابساته، أنا مستني

    :))

    نورتينا

    ردحذف
  11. سوبيا03‏/03‏/2019، 8:19:00 ص

    امممممممم
    أنا حاولت اكتر من مرة اكتب الملابسات لقيتها طويلة ومتشعلة علشان تفهم قصدي ف بتراجع كل مرة بعد ما أنوي.
    :)
    المهم إننا اتطمنا عليك. D:

    ردحذف
  12. سوبيا03‏/03‏/2019، 8:19:00 ص

    متشعبة*

    ردحذف
  13. P A S H A04‏/03‏/2019، 12:09:00 ص

    سوبيا
    :)

    متفهم والله يا أستاذة،، اللي عجبني أن حضرتك عبرتي ببساطة وبمنتهى العفوية عن حاجة فعلا بتحصل معايا - وأعتقد مع ناس غيرنا - بس ما جاش في بالي أكتبها أو أكتب عنها قبل كده. أنك ممكن مثلا بسبب حاجة / حاجات بسيطة (أو تافهة فعلا) تكتبي نص حلو ورايق أو تعدلي مسار واتجاه قصة كنتي شغالة عليها أو فكرة كنتي مسحولة فيها بقالك فترة ومش عارفة تنفذيها إزاي،، لأن أغلبنا بعد ما النص بيخلص ويتنشر ويعجب الخلق، بيدعي العمق ويقعد يتفذلك،، مع أن ما فيش أحسن من البساطة والله.
    شكرا جزيلا لذوقك واهتمامك بالتعقيب
    :)
    نورتينا

    ردحذف

لا يسمح بالتعليقات الجديدة.