الساخرون وأقلامهم الساحرة
كتبنا رسالة لكل واحد من الناس دي علشان نخفف
عنههههههههههه:
* ألفريدو العجوز من الأرجنتين والتي فقدت النبتة التي يرعاها - على الإطار الخارجي لشباك حجرته - إحدى أوراقها الخضراء اليوم.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
* إيزابيلا
من كوستاريكا والتي لن تستطيع الذهاب إلى عيد ميلاد صديقتها بسبب أن ذيل تنورتها
قد احترق منها بالمكواة.
- لا تحزني يا بيلا، بكرة ربنا يرزقك بإدوارد تتجوزيه
بدل جوز صاحبتك اللي خطفته منك، وكويس أن التنورة أتحرقت لأنك مش هتستحملي تشوفي
خطيبك السابق و هو بيتجوز صاحبتك.
-
دي موضة ع فكره وروحي العيد ميلاد ومعاكي المكواة و وولعي ف فساتين صحابك و امشوا كلكلوا
من غير ديل!!
ـــــــــــــــــــــــــــــــــ
*
بوشام من تايلاند الحزين على فقد الفيلة - التي يملكها - شهيتها هذا الصباح.
- جرب مفروم البرسيم
مع العسل الأسود و قليل من الفلفل البابريكا لفتح شهية الفيل.مع تشغيل تتر كرتون
بابي الفيل!!
ـــــــــــــــــــــــــــــــــ
* كوندالي من
غينيا بيساو والذي لم يتمكن من تسلق الشجرة كباقي رفاقه.
ـــــــــــــــــــــــــــــــــ
* الحاجة أم ابتسام من مصر والتي تشعر بأنها قد انضحك
عليها في ربع جنيه زيادة في كيلو الطماطم.
- بذمتك يا شيخة في لسه اربع جنيهات ف الزمن ده؟! طماطم إيه اللي زادت ربع جنيه؟ احمدي ربنا أنك لقيتي طماطم اصلا!!
- يعني أنتي اللي فارق معاكي بس الربع جنيه اللي اتضحك عليكي فيه في الطماطم دا المصريين كلهم حياتهم عباره عن عمليه نصب كبيره وعجبي!!
ــــــــــــــــــــــــــــــــــــــــــــــ
* الرعــاة الرسميون:
amiraali
سنكوح شنن لملوم سامي
افكار مبعثرة
البنفسج الحزين
P
A S H A
ـــــــــــــــــــــــــــــــــــــــــــــــــــــــــــــــــــــــــــ
* ودول برضه كام فكرة لرسالة ألفريدو العجوز من الأرجنتين والتي فقدت النبتة التي يرعاها - على الإطار الخارجي لشباك حجرته - إحدى أوراقها الخضراء اليوم:
- عايز رأيي ؟؟ اقطف بقية الورق ونشفه وافركه
ولفه فِ سيجارتين ، بس خللي البذر !!
- اكتب عندك : ورقة أتلفها الهوا . "سي
السيد" .
- كيت كات أوراق أوراق أوراق !!
- الإطار حُمص ولا طارشي .. تاررارن .. حب وإتلوع
ولا ولا طالشي !!
- وحد الله فِ قلبك يا حاج مارادونا !! يعني هي –
الله يرحمها – كانت من ذوات الفلقتين ؟؟
- بقى معقول الحاج ألفريدو ما يعرفش أصول التخزين
؟؟ فيه حد في الدنيا يحط نبتة في الهوا من غير ما يغطيها ؟؟ يعوض عليك ربنا يا
فـِرداني!!
ـــــــــــــــــــــــــــــــــــــ
- شاهد عيّان: سعادتك أنا آخر مرة شفت فيها المذكورة النهاردة الفجر والنـَدى كان لا موأخذة يعني بيبوسها!!
- قناة "إيد القرد" الفضائية: ويعتقد النباتيون أن وراء الجريمة خلية إرهابية ابقوا معنا!!
- النائب العام الأرجنتيني: السيد رئيس الجمهورية يتابع التحقيقات لحظة بلحظة وشتلة بشتلة!!
- وزير الداخلية الأرجنتيني: المعمل الجنائي أثبت وجود بصمات لأحد الفلول على "الكلوروفِل" الخاص بالورقة!!
- رئيس مجلس الشعب الأرجنتيني: سوف "نطرح" قانون نباتات الشوارع للاستفتاء على الفيس بوك!!
- "راشق لازم" المرشح السابق للرئاسة: سنحيا نباتاً!!
- وزير التعليم الأرجنتيني: تأجيل موعد امتحانات الثانوية العامة أسبوعاً لتعديل منهج الأحياء!!
- وزيرة الشئون الاجتماعية: قررنا صرف 75 سنت تعويضاً لألفريدو!!
- وزيرة البيئة الأرجنتينية: قررنا تغريم ألفريدو خمسة ألاف دولار لقيامة بالزراعة دون ترخيص!!
- وزير الصحة الأرجنتيني: لا صحة لما أشيع من أن اللبن المدعم الذي رضع منه ألفريدو في صغره كان مشعاً!!
- مزارع أرجنتيني: يا بيه التقاوي والسماد اللي وزارة الزراعة بتصرفهولنا كله مواد مُسلطنة (قصدك مسرطنة يا حاج)
- وزير الزراعة الأرجنتيني: أسمدة الوزارة آمنة تماماً إذا استخدمت بطريقة صحيحة لسه هانعرفها وألفريدو لم يستشر الوزارة!!
- بطريرك الكنيسة الإنجيلية بالأرجنتين: الكنيسة مستعدة لتلقي المساعدات من ابنائها عقب قداس الأحد!!
- حركة شتلان المسلحة: وكالة الاستخبارات الأمريكية هي من خططت للحادث!!
- رئيس جامعة دول أمريكا الجنوبية في مؤتمر صحفي من منتجع سياحي في جزر الكناري: يشجب ويدين ويستنكر الحادث الأليم!!
- رئيس الأرجنتين: سنضرب بيد من حديد على كل من يحاول زعزعة استقرار نباتات البلاد!!
- حزب "النهاردة الخميس" الثوري المؤيد المعارض الموالس الشيوعي الإسلامي العلماني الكافر: للأسف السطر خلص!!
- وزيرة الخارجية الأمريكية: سنتقدم بمساعدات للأرجنتين شريطة أن تتخذ خطوات جادة نحو حماية نباتات الأقليات!!
- كابتن فريق مارادوناتا: سنخصص دخل مباراتنا القادمة لصالح أصحاب المشاتل!!
- الفنان/ توتو متقاليس: أنا كل أغنياتي أصلاً عن النباتات ومن حبي للنباتات سموني "المُطيب الأخضي"!!
- العالم الروحاني الأرجنتيني "خـُلليو": الحادث نتيجة تعامد برج الأسد مع المذنب الأرنب المكشكش!!
- مانشيت صحيفة بلبلتكوا الأرجنتينية: شاهد بالصور "ألفريدو" يتحرش بإحدى المعزيات (ملف خاص)!!
- الرئيس الأمريكي: سنفرض عقوبات اقتصادية على الأرجنتين إذا لم تراعي نباتاتها الداخلية!!
- الفنانة لوليتانا لمجلة العـُهر: تضع إكليلاً من الزهور على شباك ألفريدو وتنفي اعتزالها الأفلام الإباحية!!
- جار ألفريدو: ألفريدو أصلاً سرق النبتة دي من على شباكي علشان شاف مراته في سريري!!
- رجل أعمال لبناني هارب من الإنتربول: سأتبرع بنصف مليون دولار للمزارعين إذا حصلت على الجنسية!!
- رئيس مصلحة الضرائب الأرجنتينية: ألفريدو متهرب من سداد عشرة ملايين دولار ضرائب!!
- هتافات الألتراس الألفريداوي: رُوحي رُوحي رُوحي ع الجنة يا ورقة روحي!!
- مانشيت صحيفة وكستكوا الأرجنتينية: إنفراااااااد!! .. جد ألفريدو أصيب بالزكام مرتين في سن الثالثة!!
- النجم العالمي "ألفريدو" في مؤتمر صحفي: فيلمي القادم من إنتاج آل سوبكيانو ودوري فيه مفاجأة!!
- صحيفة الأهرام: لعنة "ألفريدو" تصيب باخرة الحجاج المصرية وتغرقها في البحر الأحمر!!
- مسطول: أنت عارف الورقة سقطت ليه؟؟ .. ليه؟؟ .. علشان ما ذاكرتش كويس!!
- بائعة جرجير في سوق التلات: أيوه الوِروِر!! ألفريدو يا جرجير!! التلات حـِزم بسبعين جنيه!!
ياعم الفريدو يا حنين تعالي شوف هنا في مصر بنعمل ف الشجر ايه..الشجره متبقاش شجره الا وباقي فيها ورقتين ..وانت زعلان علي ورقه..
ردحذفروحي يا ست ايزابيلا البسي غيرها متوجعيش مخنا!!!!
يا حرااااااااام يا اخ بوشام ...هقولك كلمه قبيحه.
كوندالي...القرود كتروا اليومين دول..انا لو منك انتحر هما صحابك احسن منك يا موكوس
ست ام ابتسام احمدي ربنا ان الطماطم طلعت طماطم ااصلا
مليش ف الكتابة الساخرة
ردحذفبس ليه في القراءة ^_^
طيب أنا هبتدي بالرسالة الشاخرة الأول :
ردحذفأعزائي ألفريدو و بوشام و إيزابيلا و كوندالي...عارفة أن الحياة مرار طافح، و أن النكد اللي انتو فيه ده مش أصله الفيل الجعان و لا النبتة اللي ورقها وقع و لا التنورة اللي باظت..دي كراكيب الحياة فوق دماغكم اللي خلت أسباب هايفة زي دي تبقى السبب الرئيسي للنكد و العياط اللي أنتو فيه.يعني مجرد دبوس اترزع في بالونة الغم اللي معشش جواكم.
أما الحاجة ام ابتسام...لا يا أختي القوطة بنفس السعر أنت منضحكش عليك بس الضرايب هتغلى بقى و بلاش بطر ع النعمة
---------------
الرسالة الساخرة بقى:
عزيزي السيد ألفريدو :
أعلم بحزنك العميق على ما جرى لنبتتكم الغالية.و أعلمكم إنني أقدر حزنكم العميق لمصابكم الغالي فقد أصابني من قبل و أحكي لك يا سيدي عن مأسآتي مع نباتاتي..فأنا كنت قد استزرعت وربيت حديقة في شرفة منزلنا من الصبارات..و الخلاصة يا عم أبويا الله يرحمه مكانش يعرف بالعملة دي و دخل البلكونة مش واخد باله لبس بالحضن في أكبر صبارة اللي طولها كان أكتر من مترين..و أثناء ما أمي عمالة تشيله الشوك بالملقاط كان نازل شتايم فيا يا حج ألفريدو و بصراحة كان كلها شتايم مستحقة.
نهايته قرر إنه يضحي بصباراتي الغالية العزيزة و رماها كلها :(
الست إيزابيلا..لا تحزني يا بيلا، بكرة ربنا يرزقك بإدوارد تتجوزيه بدل جوز صاحبتك اللي خطفته منك، و كويس أن التنورة أتحرقت لأنك مش هتستحملي تشوفي خطيبك السابق و هو بيتجوز صاحبتك.
بوشام.. جرب مفروم البرسيم مع العسل الأسود و قليل من الفلفل البابريكا لفتح شهية الفيل.مع تشغيل تتر كرتون بابي الفيل
الست أم ابتسام.جوزي ابتسام للخضري.
طيب أجرب تاني ؟؟؟
ردحذفألفريدو..فضلاً اقرأThe Last Leaf و أشتري نبتة جديدة.
إيزابيلا..التنورة أصلاً حرام !
بوشام..معلقتين أنتي سيد هيحلوا الموقف لأن الفيل عنده إمساك فمش قادر ياكل
أم ابتسام..مازلت عند رأيي جوزي ابتسام للخضري
ياسمين
ردحذف:))
يعني أنا اللي ليا يا أستاذة ؟؟
آهو أدينا بنحاول :))
اوصفي أول إنطباع ليكي لما قريتي الجمل دي وهايبقى أفضل من ميت بوست ساخر :))
منتظرين تعليقاتك :))
نورتينا
* في رأيي الشخصي أن الكتابة الساخرة هي أسهل كتابة صعبة .. صعوبتها كلها في إنك تصور أي موقف - حتى لو موقف عادي - بطريقة مختلفة .. بحيث تنقله للي قدامك بطريقة (غير) اللي هو شافها !! .. مش مطلوب منك أبداً إنك تضحكه ، الفكرة كلها إنك تخلليه يتخيل ويتصور الموقف من زاوية تانية أو بطريقة تانية هو ممكن ما يكونش شايفها أو واخد باله منها .. لو وصلت للنقطة دي اكتب .
ردحذفلما تيجي تكتب ما تتفزلكش علشان ما تبوظش روح الموقف وتخلليه سخيف أو تنساه !! .. اختار الأسلوب الأسهل ونشن على مكان اللفظ وإيقاعه في سياق الكلام .. وهي دي أصعب حاجة في الكتابة الساخرة إنك تصور الموقف ع الورق !! .. بس بالتدريب هاتبقى برنسن !!
ـــــــــــــــــــــــــــــــــــــــــــــــــــــــــــ
مثلاً : كنا قاعدين مرة زمان في البيت وأخويا كان صغير وبنحاول نعلمه القراية .. فمسك شهادة ميلاد واحدة قريبتنا وقرا : نفيسة و هـِبة !! هييييييييييييييييييه
أنا استغربت أوي وقلت يا ربي إزاي اتنين ستات يتكتبوا في شهادة ميلاد واحدة ؟؟ وبعدين قلت يمكن توأم ؟؟ :D
مسكت شهادة الميلاد وقريت الأسم فاكتشفت إن الست اسمها نفيسة وأبوها اسمه وهبة !! (زي مجدي وهبة كده)
:))
ـــــــــــــــ
ياللا مستني تعليقاتكم لحد إن شاء الله بكرة بالليل وبعد كده هالم الورق :))
وممكن تحاولوا كذا مرة في كذا تعليق بس تقولوا لي أنشر أي واحد فيهم !!
نهاركوا قشطة بالصلاة ع النبي :))
اولا بشكر لحضرتك سؤالك
ردحذفانا الحمدلله بس هي حاله زي ما وصفتها من الزهق و عدم القدرة ف الكتابة
وهحاول ع قد ما اقدر يمكن اخرج من الحالة اللي انا فيها :)
الفريدو العجوز:
معلش متزعلش خد الورقه تاني و وتف فيها والزقها ف الشجرة
ايزابيلا:
دي موضه ع فكره و روحي العيد ميلاد ومعاكي المكواة و وولعي ف فساتين صحابك و امشوا كلكو من غير ديل
بوشام:
حطلها حتتين طرشي ولا جبنه قديمه كده تفتح نفس البوناية
كوندام:
مش عارفه اقولك ايه الصراحه عنك ما تسلقتها حد يتسلق شجرة ف غينيا يا حاج؟؟
الحاجه ام ابتسام:
وسع بقا للست اللي من مصر ام الدنيا
بصي يا ستي بذمتك يا شيخه في لسه اربع جنيهات ف الزمن ده طماطم ايه اللي زادت ربع جنيه؟ احمدي ربنا انك لقيتي طماطم اصلا
دي محاولة بسيطه كده و ربنا يستر :)
تحياتي
ليس لى فى الكتابه ولكن ياريت لو كل مشاكلنا كانت على نبته مسروقه او فيل جائع او طرف تنوره محروق وكله بكفه ومصيبه الحاجه ام ابتسام بكفه فعلا اللى يشوف بلاويكم تهون عليه مصايب امنا الكبيره ((الامه العربيه ))
ردحذفباشااااااا الأول بحييك ع الفكره لانها جديده وبتكسر الروتين التدويني وعجبتني بصراحه لذلك قررت أشارك بكتابه تعليقات للناس الحزينه يا حرام المكلومين اللي انت بتتكلم عنهم دول ههههه بس معلش سامحني لاني تعديت في تعليقاتي السطر اللي انت محدده بكتيييير ......
ردحذف• لـ ألفريدو العجوز من الأرجنتين والتي فقدت النبتة التي يرعاها - على الإطار الخارجي لشباك حجرته - إحدى أوراقها الخضراء اليوم .
عزيزي ألفريدو أقدر تماما عمق حزنك علي ورقه نبتتك الخضراء بس متزعلش يابو الفراديد لوكنت عايش في مصر كانت النبته كلها بالشباك اللي هي واقفه عليه اتكسرت من الطوب اللي بيحدفوه المتظاهرين علي بعض ......
• لـ إيزابيلا من كوستاريكا والتي لن تستطيع الذهاب إلى عيد ميلاد صديقتها بسبب أن ذيل تنورتها قد احترق منها بالمكواة .
عزيزتي ايزابيلا مش مشكله حرق ديل التنانير خير علي رأي عادل امام دلقوا القهوه من عماهم وقالوا الخير جاهم .....
• لـ بوشام من تايلاند الحزين على فقد الفيلة - التي يملكها - شهيتها هذا الصباح .
عزيزي بوشام الف سلامه ع الفيله بتاعتك بس ممكن تكون عامله دايت وعايزه تخس وعاملاهالك مفاجأه ......
• لـ كوندالي من غينيا بيساو والذي لم يتمكن من تسلق الشجرة كباقي رفاقه .
عزيزي كوندالي ممكن تروح جنينه الحيوانات كل يوم لمده اسبوع وتتدرب في جبلايه القرود بعدها هتبقا قرد في تسلق الشجر بس بعد كدا هنخبي احنا منك الموز بقا .....
• لـ للحاجة أم ابتسام من مصر والتي تشعر بأنها قد انضحك عليها في ربع جنيه زيادة في كيلو الطماطم .
يا حاجه أم ابتسام يعني انتي اللي فارق معاكي بس الربع جنيه اللي اتضحك عليكي فيه في الطماطم دا المصريين كلهم حياتهم عباره عن عمليه نصب كبيره وعجبي .....
غاده عيسى
ردحذف:))
حاولي يا أستاذة :))
كلنا بنحاول وبنتعلم من بعض والله ، أنا نشرت تحديث فيه كام فكرة من كذا زاوية يمكن يساعدوا الناس إنها تتخيل المواقف بشكل مختلف ولسه فيه أفكار كتيرة جداً ممكن تتكتب :))
جربي مش هاتخسري عندك لحد تسعة بالليل
:))
نورتينا
amiraali
ردحذف:))
ههههههههههههههههههههههه
مش عارف ليه وأنا باقرا تعليقك على بوشام حسيت إنك ماسكه له مطواه وهاتغزيه بيها D:
ولا إيزابيلا حسيت إنك هاتجيبيها من شعرها ههههههههههههههههههههه
لأ بجد تعليقاتك عفوية وجميلة جداً وسعدت جداً بمشاركتك المتميزة .. شرفتينا والله
وبعدين الراجل زعلان تقولي له أنا لو منك انتحر ؟؟ ههههههههههههههه
ونعم التشجيع بصراحة :))
بس هي فيه حاجة واحدة ضايقتني !!
إيه هي الكلمة القبيحة اللي كنتي هاتقوليها لـ بوشام ؟؟ D:
نورتينا
سنكوح شنن لملوم سامي
ردحذف:))
عظمة على عظمة يا هندسة والله انتي رزعتي إفيهين موتوني من كتر الضحك بجد :))
بتاع التنورة أصلاً حرام وجوزي ابتسام للخضري ههههههههههههههههه مسخرة السنين
عجبتني أوي طريقة ردك ع الموقف بتاع ألفريدو اللي هي التهكم الجاد بصراحة كنت بافكر أكتب تعليق كده بس ما عرفتش أعمله بنفس الحرفنة وكمان قلبتي التعليق من جاد لساخر في ثانية بمعلمّة
برافو والله
الموقف بتاع باباكي الله يرحمه صورتيه ببراعة لدرجة وجعتني وخلتني فزيت وأنا باقراه وباتخيله ، وكويس إنه الله يرحمه ما حدفكيش م البلكونة :))
مش عارف ليه عندي إحساس إن الخلطة دي "مفروم البرسيم مع العسل الأسود و قليل من الفلفل البابريكا" صح فعلاً ، يعني فعلاً وصفة طبية (مجرد حدس بجبة)
:))
سعيد جداً بمشاركتك وشرفتينا والله ويا ريت تفتحي التعليقات عندك في المدونة :))
افكار مبعثرة
ردحذف:))
يا ألف حمداً لله ع السلامة يا أستاذة نورتي مدونتنا المتواضعة بمشاركتك الجامدة اللذيذة ونتمنى ترجعي تكتبي تاني :))
بالنسبة للسؤال لا شكر على واجب احنا كلنا أخوات وأهل والله والواحد بيزعل لما حد بيغيب من غير ما يطمننا عليه ، وبالنسبة للزهق ، الزهق ما بيخلصش !! لو ركزنا معاه مش هانعرف نعيش !!
نيجي بقى لرسايلك :
"خد الورقه تاني وتف فيها والزقها ف الشجرة" ههههههههههههههههه أنا لو منك كنت قلتله ألزقها على قرعتك يمكن تنبت وتخضر :))
ولا إيزابيلا ههههههههههههههههه حلو أوي موضوع أنهم يولعوا في فساتين بعض ويمشوا من غير ديل دي .. فين أعياد الميلاد دي علشان الواحد يحضرها احم احم يظهر إن الكيبورد اتقرصن يا جماعة D:
"عنك ما تسلقتها" هههههههههههههههه
حسيت إنك ماسكه شبشب وبتقوليله عنك ما تسلقتها يا ضنايا !! .. قكرتيني بمحمد صبحي في مسرحية تخاريف لما كان عامل واحدة ست وهاني رمزي بيقول له "إهدي خالص ، إهدي إهدي" وهو يقول له "اهدى أنت يا اخويا" هههههههههههه
نورتينا
بترد على ياسمين وبتقول "هو انا اللي ليا"؟
ردحذفلا ده انت ليك وليك وليك وليك ألف مرة كمان
البنفسج الحزين
ردحذف:))
ياااااااااه ألف ألف حمداً لله ع السلامة يا دكتورة :))
إيه الغيبة الطويلة دي ؟؟
ده الواحد يخترع بوستات من دي كل يوم طالما هاترجع الناس اللي اختفت تاني :))
نورتينا جداً والله وفرحتينا بجد بمشاركتك الهايلة الجميلة :))
"مكلومين" ؟؟ شكلك بتتريقي صح ؟؟ أنا قلت كده برضه D: وبعدين يا جماعة تعدوا السطر براحتكم هو احنا ندفع عليه فلوس ؟؟ المهم تشرفونا :))
بقى الحاج ألفريدو بجلالة قدره تخلليه أبو الفراريد يا شيخة ؟؟ يا نهار أبيض !! رمضان بطيخة بقى مونامور هههههههههههههههههه بس حلو التعليق والله لسه كنت باقول إن طريقته عاجباني :))
"حرق ديل التنانير خير" هههههههههههههههههه ده نفس رأيي والله
"عاملة دايت وعايزه تخس وعاملاها لك مفاجأة" ده على أساس إنها خطيبته يعني هههههههههههههههههههههه
نورتينا
لورنس العرب
ردحذف:))
يا صباح القشطة بالعسل الأبيض على أجدع دكاترة القطر المصري :))
ربنا يحفظك يا معتز ويفرح قلبك يا غالي زي ما بترفع من روحي المعنوية قادر يا كريم :))
كلنا بنتعلم من بعض والله يا معتز ومش تواضع والله .. انتوا علمتوني وبتعلموني كتير جداً جداً .. بس يمكن هو الأسلوب اللي بيفرق من واحد للتاني بحكم إن الواحد صاع له سنتين تلاتة قول عشرين سنة :))
مشكلتي معاك يا أخي اللي بتنرفزني وبتطلع زرابيني "مش عارف بصراحة هي بالزين ولا بالظاء !! ثم أنا أصلاً ما اعرفش يعني إيه زرابين ؟؟ تحت اللوز ولا فوقها هههههههههههههه" إنك قافل التعليقات عندك !!
هو أنا صحيح حمار في السياسة ومش باحبها ولا باطيقها بس يمكن أنت الوحيد يا أخي اللي باحب اقراله واتفرج على فيديوهاته بسبب أسلوبك التحفة بجد :))
وبعدين يا عم سلفنا دبدوبين م الدباديب اللي في الأوضة عندك نلاعب بيهم الواد D:
وخللي بالك بعد كده هانعمل ستارة بالطول في صفحة التعليقات علشان تعليقات الأخوة ما تختلطش بتعليقات الأخوات هاتقوللي طب : ما أنت بتشوفها ؟؟ .. أقول لك : أنا باغض بصري يا أخ معتز :))
دايماً منورني وربنا
طيب الحمد لله عدينا الاختبار
ردحذفوصفة البرسيم(بس يكون مجفف- علف يعني) العسل الأسود و الفلفل صح مش غلط بس مكانش فلفل، في حاجات تانية.
التعليقات .هفتحها لما يجيني نفس يا باشا.
و وقت ما بابا لبس في الصبارات أنا قلت هيعرضني أنا نفسي للتبني، لكن قلبه الطيب خلاه ينزلهم للبواب يتصرف فيهم..و فضل البواب يبص لنا و ينفخ بتاع اسبوع كدة.
ولله يا باشا الواحد بينسى همومه كل يوم لما بيقعد امام الكمبيوتر ويشوف الناس اللي زيك
ردحذفاما بالنسبه للتعليقات فأنت عارف- انا بس بنقذ روحي من الشتيمه حتى من اعز الأصدقاء اللي كنت اعرفهم من سنين- عارف- ستجد على يمين المدونه عندي قائمة المتابعين- القائمه دي كان فهيا ناس كتير- لكن بسبب السياسه فضل العدد يقل يقل يقل لغاية ما وصل لكده- الحروب موجوده في كل مكان حتى على الفيس بوك، مع السف الناس لم يفصلوا بين الصداقه الحقه وبين الرأي السياسي اللي انا مستحيل اكره أحد بسببه لأعتقادي الدائم ان السياسيين شوية ناس بتسترزق على حساب اعصابنا
كفايه علينا يا باشا نشوف اللي بتكتبه
وانتظر منك المزيد والمزيد
ههههههههههههههههه ده انا طلعت فاشله اوووي...بس والله البوست حلو وخرجتنا من المود الوحش ايلي الناس فيه... :))
ردحذفسنكوح شنن لملوم سامي
ردحذف:))
ربنا يروق الأحوال إن شاء الله يا باشمهندسة
:))
الدكتورة / واندا رجعت تكتب تاني على فكرة
:))
نورتينا
لورنس العرب
ردحذف:))
ربنا يكرمك ويحقظك يا معتز :))
بصراحة مش عارف أقول لك إيه ؟؟
بس تعليقك خللاني كتبت الكلمتين دول :
السياسة نجاسة
وخساسة
وقلة أصل
ف الأصل
لو تعلم !!
ـــــــــــــــــــــــــ
ربنا يهدي يا معتز ويسترها علينا اللهم آمين
نورت يا غالي
amiraali
ردحذف:))
لا والله انتوا نورتونا وشرفتونا بمشاركاتكم الجميلة وآهو اسمنا حاولنا على قد ما نقدر نرسم ابتسامة على وشوش الناس :))
ربنا يجازيكن جميعاً ألف ألف خير على مجهوداتكن الطيبة
:))
نورتينا