حبة هوا
وأنا قاعد في البلكونة عيني جت على البلكونة اللي قصادي .. الستارة المتعلقة مش مبينة حاجة من البلكونة غير النص التحتاني من الغسيل المنشور على الحبل .. على الصف الأولاني من ناحيتي ملاية سرير لونها أصفر كناري على يمينها كيسين مخدة صغيرين نفس اللون وكام طرحة ألوانهم مبهجة .. حبة هوا جم طيروا الغسيل .. كيسين المخدة راحوا ناحية الشمال واتشعبطوا في ديل الملاية اللي الهوا قلبها على حديد المنشر ؛ وكأنهم بطتين صغيرين بيعوموا ورا أمهم في المية .. الطـُرح اترفعوا لفوق قوي ؛ لحد ما اتقلبوا هما كمان فوق الحبل وما رضيوش ينزلوا ؛ زي ما يكونوا ما صدقوا يشموا نفسهم .. لما الطرحتين اترفعوا ؛ لمحت قميص نوم بصلي كان مستخبي وراهم ؛ كان شكله مكسوف قوي ؛ زي ما يكون حد زقه على المسرح فجأة .. حسيت كأنه بيبسبس للطـُرح بصوت واطي خالص علشان يرجعوا تاني يداروا عليه .. والطـُرح ؛ ولا هما هنا .
ما فيش ثانيتين ؛ وحبة هوا جم تاني .. الطـُرح رجعت مكانها وحاولوا يظبطوا وقفتهم بسرعة علشان يداروا على القميص اللي كان واقف مستحلف لهم .. البطتين .. قصدي كيسين المخدة الصغيرين بعد ما رجعوا مكانهم اكتشفوا أن الملاية ما جتش وراهم لأنها كانت لسه مقلوبة على المنشر ما نزلتش .
ما فيش ثانيتين ؛ وحبة هوا جم تاني ...
ما فيش ثانيتين ؛ وحبة هوا جم تاني .. الطـُرح رجعت مكانها وحاولوا يظبطوا وقفتهم بسرعة علشان يداروا على القميص اللي كان واقف مستحلف لهم .. البطتين .. قصدي كيسين المخدة الصغيرين بعد ما رجعوا مكانهم اكتشفوا أن الملاية ما جتش وراهم لأنها كانت لسه مقلوبة على المنشر ما نزلتش .
ما فيش ثانيتين ؛ وحبة هوا جم تاني ...
ههههههه
ردحذفلاء حلوة
pl]hggi ugn hg
ردحذفهههههههه
ردحذفمن فرحتى بفتح التعليقات
ما خدتش بالى الكلام بالشقلوب
حمدا لله على السلامة ومبروك
علينا فتح التعليقات
حلووووة التدوينة اوووى
ردحذفواو لا حلوة بجد
ردحذفحلوة حلوة يعنى تخيل انى تخيلتها
رحاب صالح
ردحذف:)
تسلمي يا رحاب ؛ احنا تلامذتك يا أستاذة
:)
نورتينا
norahaty mo
ردحذف:)
الله يسلم حضرتك يا دكتورة ، ربنا يبارك في حضرتك يا رب ؛ افتكرته تعليق غلط في الأول وقلت هي الدكتورة كانت بتكتب روشتة ولا إيه ؟؟
D:
نورتينا
reemaas
ردحذف:)
يا فندم ده شرف لينا والله ؛ ربنا يكرم حضرتك يا دكتورة ؛ مستني باقي الموضوع بتاع الكتب لأنه بصراحة جي على مزاجي بس للأسف ما عنديش الشجاعة الأدبية أني أقول الرأي ده علشان فيه ناس بتتقمص
:)
نورتينا
صديقى العزيز
ردحذفحمدا للله على السلامة
مشاء الله عليك خيالك واسع أوى
هههههههههههه
تدوينة حلوة أوى منإبداعاتك
التى لا تنضب
خالص اعتزازى
شريف باشا
ردحذفالحمد لله ان الهوا مش زاد تانى كنا اتفرجنا على المستخبى كله كله ههههههه عن جد رائعه وروحها حلوه وحاجاه خفيفه وسط الدوشه اللى احنا فيها
ايه الوصف الرائع ده :)
ردحذفمدونة الفرسان
ردحذف:))
الله يسلمك يا أستاذي من كل شر ؛ ربنا يبارك في حضرتك وما يحرمناش من تشريفك لينا ولا من تعليقاتك الجميلة ؛ أنتوا الأحسن والله وبجد احنا بنتعلم من حضراتكم
:)
خالص شكري وتقديري لإطلالتك المميزة
زهــــراء
ردحذف:))
ههههههههههههههههههههههه
تعليق حضرتك ضحكني جداً والله يا أستاذة ؛ ربنا يسعدك ويفرح قلبك ويجازيكي كل خير على تشجيعك الكريم وزيارتك الجميلة
:)
والله على قد ما نقدر بنحاول نكون سبب في أننا نخفف شوية عن الناس ونبسطهم وننبسط معاهم ؛ لأن زي ما حضرتك ذكرتي كفاية الدوشة اللي احنا فيها ؛ ربنا يصلح حال الجميع يا رب.
:)
نورتينا يا فندم
موناليزا
ردحذف:))
شرف لينا والله يا فندم أن التدوينة عجبت حضرتك وعلقتي عليها ؛ ربنا يكرم حضرتك ويسعدك ويفرح قلبك
:)
نورتينا
شكل جديد للمدونة ، يارب يكون أدم خير عليك وعلى المدونة الرائعة بكتاباتها ..
ردحذفمع إن الشكل السابق كان أكثر تعبيراً بصورة راقص التنورة :)
و أحب أقول إني بزعل لما ألاقي تدوينات غير مسموح ليا بالتعليق عليها :) ياريت تضيفنا لقائمة قراء المدونة الإليكترونية :)
ردحذفموجة
ردحذف:))
يا أهلاً وسهلاً بأستاذي الكبير ؛ يا رب تكون بخير إن شاء الله
والله يا فندم موضوع المدونة ده خنقني وتعبني جداً فوق ما تتصور .. أنا كمان زعلان ع القالب القديم جداً .. بس كانت (ولا زالت) عندي شوية مشاكل بسيطة في المدونة الفترة اللي فاتت (مش فاهمها).. عملت نسخة من المدونة على ملف XML وقلت أرفعه على مدونة تانية جديدة ما عرفتش .. عملت نفسي أبو العريف وقلت يمكن السبب في البوستات وقعدت أحذف فيهم لحد ما بقوا 55 بوست من أصل 217 برضه ما اتحلتش ؛ مسحت كل التعليقات وغيرت القالب ولا الهوا !!
بالعافية قدرت أرجع البوستات بس من الملف ؛ إنما التعليقات مش عاوزة ترجع تاني رغم أني حاولت كذا مرة أسيب الجهاز يحمل في الملف لمدة أكتر من عشرة واتناشر ساعة وبرضه مش راضية ترجع !! قلت جايز علشان كتيرة ؟؟
فكان الحل اللي قدامي مؤقتاً يا إما أحذف المدونة دي خالص وابدأ في المدونة الجديدة على نضافة ؛ يا إما أكمل هنا وأعافر تاني بس للأسف ما عنديش وقت حالياً ولا خلق أظبط تاني !!
تعليقات البوست ده تعتبر حالياً هي أول تعليقات في المدونة كلها ؛ والبوستات القديمة موجودة في المسودات بس عاوزة تتعدل ؛ هاحاول أظبطهم واحد واحد وبعد كده أشوف هل التعليقات اقديمة هترجع م الملف ولا لأ ؟؟ مش عارف كمان لو الملف القديم اترفع كله التعليقات الجديدة هتفضل ولا هتتمسح ؟؟
علشان كده باضطر أقفل التعليقات لأن احتمال كبير أضطر بعد كده أنشر البوستات من جديد ؛ فعلشان خاطر الناس ما تزعلش وتقول لك ده مسح تعليقاتنا
:))
صدعتك كتير أنا عارف ؛ بس ثقتي في الله ثم عشمي في حضراتكم أنكم ما تزعلوش مني لأنه بجد غصب عني والله وبجد تعليقات حضراتكم هي أثمن ما في المدونة .
:))
خالص تحياتي وعميق احترامي وتقديري
سلام عليكم ورحمة الله
ردحذفاستاذ شريف حسستني انك ماسك كاميرا وصورت لقطة فوتوغرافية..
دمت لنا مبدعا
تحياتي
جيلان حمزة
ردحذف:))
يا ألف أهلاً وسهلاً يا أستاذة منورانا والله ؛ يا رب تكوني بخير إن شاء الله وفي أتم صحة وسعادة وراحة بال
شكراً جزيلاً على تشجيعك الكريم ومرورك الراقي
بقالنا كتير ما أستمتعناش بكتابات حضرتك الفريدة ؛ لعل المانع خيراً إن شاء الله وترجعي تنوري بلوجر من تاني
:)
نورتينا
بالك انت حائط الدفاع قبل الاخير كان بيبقي الكلوتات الرجالي 😀 وبعدها بقي الحريمي اخر حائط سد، ولو ان الكلور وبرسيل الله يكرمهم خلو الخط الكلوتاتي الرجالي يتقدم الصفوف الامامية قال يعني بنقول للجيران اللباس الشعبي علي سنجة عشرة 😀😀😀 ، حلو يامعلم اوووي وتسلم الايادي بس دي تقريبا منطقة راقية لانه لو منطقة شعبية كان اكيد حاجة ملعلعة مش بصلي 😁😁😁😁
ردحذفTarkieb
ردحذف:))
ههههههههههههههههههههههههههههههه
شرقتني من كتر الضحك ؛ مالكش حل وربنا
:))
هو فيه زي زمان وكلوتات زمان يا تركيب يا أخويا ؟؟
كانت جارتنا الله يصبحها بالخير إذا كانت عايشة بقى والله يرحمها إذا كانت ميتة ؛ الكلوت الواحد بياخد حبل لوحده من المنشر للمنشر !! لا تقول لي بقى كلوت الملواني ولا غيره !! .. دلوقتي البركة اتنزعت من الكلوتات خلاص !! تلاقي الواد من دول لابس بنطلون أخته وكلوت أخته ومربي شعره ورابطة بتوكة أخته وحاجة آخر هم !! قسماً بالله أنا لسه شايف كائن من فترة ما عرفتش أحدد جنسه إيه أنا والبياع اللي في المحل !! .. ولا قمصان النوم !! فيــــــن أيام قمصان النوم اللي كانت بتتلبس تحت الهدوم !! دلوقتي اللي بيلبسوها الستات اللي فوق الستين بس ومش كلهم كمان .. وحتى اللي بتلبس جيبة ولا فستان دلوقتي -- ودول قربوا ينقرضوا -- يا إما بتلبس بنطلون تحتها يا إما شورت ودول طبعاً أرحم من اللي مقضيينها استريتشات وبنطلونات جينز زي الشرابات وتلاقي الواحدة فيهم ماشية مفشخة في الشارع وبتحدف شمال ويمين !! ولا الباديهات ولا ......... إلخ
تقريباً فكرة نشر الكلوتات الرجالي في الصف الأولاني دي مش علشان يبينوا نضافة الغسيل على قد ما هما بيبقوا عاوزين يبينوا أن فحل الدكر اللي جوه قايم بواجبه 24 قيراط (محن حريم م الآخر يعني) والدليل أهه دستة كلوتات مغسولة من كتر الشقاوة !!
مع أنه ممكن يكون عنده تبول لا إرادي عادي جداً
:D
ربنا يطمننا عليك ونشوفك في أحسن حال دايماً وتنورنا على طول بتعليقاتك الجميلة يا معلمي