هجايص

وإن شاء الله السنة الجديدة تكون سنة خير وسعادة على الجميع ... وتحققوا فيها كل أحلامكم ... تفائلوا في الله خير يا جماعة ... وإن شاء الله ربنا هايكرم الجميع . طبعاً بما إني عدت للتدوين (غلس غلس صحيح) ... وطبعاً لإن السنة دي كانت بالنسبة لي سنة لوز بكل ما تحمله الكلمة من قشر ... فانا هاختمها بالبوست ده ... ولإني في الفترة اللي فاتت اتشرفت بناس مدونين زي العسل بجد باعتبرهم أحلى حاجة حصلت لي على مدار الموسم وكل موسم ... فأسمحوا لي ولأول مرة وحصرياً (مش من الزنقة عشان ما تفهموش غلط) أنشر لكم صورتي أنا والفاموليا ... ده طبعاً بإعتبار إن كلنا عيله في القناطر ... قصدي في التدوين . ههههههههههه شفتوني أنا والمدام والكيدز ؟ ... قمر ولا لأ بذمتكم ؟ ... أجنن مش كده ؟ ... شفتوا العيال قمامير إزاي ؟ ... ولعلمكم دول كانوا لسه صاحيين م النوم ... (بعماصهم يعني) هههههههههه حاجة غريبة والله ... آهو أنا إذ بافتح الكمبيوتر من يومين اتفاجئت بالصورة الشنيعة دي ... بيني وبينكم قرفت قوي أول ما شفتها ههههههههه ... وحسيت إن نفسي غمت عليا ... إيه ده ؟؟ ... لأ بجد ... إيه ده ؟؟ ... هو فيه كده ؟؟ إيه الناس الن...

- كل واحد كده يصحى معايا ويركز .. المدونة الزميلة الفاضلة/ Baskouta صاحبة مدونة http://pinkysequins.blogspot.com/ عامله إستفتاء لحضراتكم لإختيار الآتي: 1. أفضل ثلاثة مدونات. 2. أفضل ثلاثة مدونين . 3. أفضل ثلاثة معلقين. 4. أفضل ثلاثة تدوينات ( بوستات). 5. أفضل ثلاثة أشكال تنسيق ( شكل المدونة ). 6. أفضل ثلاثة عناوين من عناوين المدونات. 7. أفضل ثلاثة أسماء تدوينية " مثل اسمك التدويني: سكرة ... ستيتة ... وهكذا " . 8. ثلاثة مدونات لا يفوتك المرور بها. 9. ثلاثة مدونات يجب أن تترك بها تعليق. 10. ثلاثة أحداث تدوينية تركت أثرا . ----------------------------------- - وطبعاً دي فرصة حقيقية عشان أعرف مدى حبكم ليا وتختاروني نياهاهاهاهاها مش لازم يعني الأول في كل المراكز عشان ما تبقاش مفقوسه :) المهم إن في كل بند من دول ألاقي اسمي وخلاص هههههههه وأنا أوعدكم إن المعامله هاتبقى بالمثل .. يعني نفع واستنفع .. فاهمني طبعاً ؟؟ (وش عامل زي توفيق الدقن ) وأنا بنفسي هاشرف على عملية الفرز مع بسكوته والدكتوره / ستيته وفاتيما وشيما وواندا وعادل ومانو وسويت وخواطر شابه وكل الحبايب اللي بيعلقوا عندي .....

لم تعبأ انجين كثيرا بنوبات الحكه في جلدها‏,‏ والتورم في جسدها التي اصابتها‏.‏ لكن انجين لم تستطع الاحتمال والتغاضي‏,‏ عندما اصبحت تلك النوبات حاله مستمره من الحك لا تقاومها‏.‏ ولان هذه النوبات تشير الي سبب لدي الفرد لايدركه‏,‏ وذلك ما يجعل من الفرد ضحيه لشيء يجهله‏,‏ ولان المعرفه تحرر الانسان من الالتصاق باعراض الاشياء‏,‏ وتدفعه نحو جوهرها‏,‏ لذا فانه تحت الحاح والدتها وضغطها‏,‏ ذهبت انجين الي الطبيب‏,‏ وقد صحبتها ابنه خالتها اجلال‏,‏ الطالبه بكليه الطب‏,‏ والمقيمه مع الاسره موقتا‏,‏ حتي الانتهاء من دراستها الجامعيه‏.‏ وتكشف لوحه المقارنه التي طرحتها انجين بينها وبين اجلال عن خصوصيات طباع متناقضه‏,‏ اذ تقر انجين انها بقدر ما كانت هادئه ومتزنه‏,‏ وحريصه في سلوكها‏,‏ كانت اجلال مرحه وهوائيه المزاج‏,‏ منطلقه‏,‏ لاتقيم وزنا لتصرفاتها‏,‏ فقد كان مبدوها انها تعيش لنفسها فقط‏.‏ تري هل هذا التوصيف يتسم بالموضوعيه‏,‏ او انه محض تصورات انجين عن نفسها وعن اجلال‏,‏ مخبوءه في اعماقها‏,‏ ولا علاقه لها بالحقيقه اصلا؟ واذا ما كان توصيف انجين صحيحا وموضوعيا‏,‏ كيف تبدت تلك التناقضات في خيوط امتداد ...

- على شاطيء النيل ... قبل الغروب بدقائق .. هـي (مترددة): أوافق بشـرط .... هـو(مقاطعــاً): من أجلك .. سأمنحك الحق في أن تــُملي عليّ ثلاثة شروط، وليس شرطاً واحداً .. على أن تمنحيني الحرية في رفض أحدهم. صمتت هـي .. ابتسم هـو ! وكانت الشمس قد غابت .                                            (انتهت)

- انقطعت عن التدوين لفترة – قال يعني كنت مقطع التدوين – وعدت . وأنا باقلب في المدونات اللي اتعودت ازورها لقيت خبر عن موضوع " بؤجة الخير " وبصراحة ما كنتش هاكمل قرايه – هاقول لكم ليه بعدين - لحد ما قريت إن الجمعية الخيرية اللي ناويين يتبرعوا فيها السنة دي موجودة في منطقة الزهراء بمصر القديمة ... استوووووب .. يعني جنب مني ... المحطة اللي قبل مني على طول ... لقيتني من غير ما أحس رحت كاتب تعليق ونشرته على المدونات اللي حسيت إن أصحابها هم الرعاة الرسميون للموضوع ( جزاهم الله ألف ألف مليون خير عن هذا العمل وربنا يتقبل منهم صالح الأعمال ) ووصفت فيه على قد ما افتكرت ساعتها العنوان للناس الغريبة عن المنطقة وإزاي يوصلوا له وووو .... - فلاش باك ... ليا واحد زميلي ساكن في الشارع اللي فيه دار رسالة للأيتام في المعادي الجديدة وبازورة على فترات ... وكنت بافرح قوي لما باشوف الشباب والبنات اللي زي الورد وهما بيجمعوا الشنط اللي فيها الهدوم المستعملة وكلهم طاقة وحيوية ... بجد كنت باحس إنهم ملايكة وكل واحد فوق راسه هالة نور ... أه والله العظيم تلاته ... وكتير كنت باتمنى أشارك معاهم ... بس ... م...

حاسب من الاحزان و حاســـــــب لها حاسب علي رقابيك من حبلـــــــــــها راح تنتهي و لابد راح تنتهــــــــــي مش انتهت أحزان من قبلهــــــــــا؟ عجبي !!! *** يأسك و صبرك بين ايديك و أنت حر تيأس ما تيأس الحياه راح تــــــــمر أنا دقت من ده ومن ده عجبي لقيــــــت الصبر مر و برضك اليـأس مـــــــر عجبي !!! *** لا تجــــــبر الإنسان ولا تـــخيره يكفيه ما فــيه من عقل بيحيره اللي النهارده بيطلبه ويشتهيه هوا اللي بكره ح يشتهي يغيره عجبي !!! *** الدنيا أوده كبيره للانتظار ..... فيها ابن آدم زيه زي الحمار .... الهم واحد والملل مشترك ...... ومفيش حمار بيحاول الانتحار .. عجبي !!! *** أنا شاب لكن عمري ولا ألف عام ...... وحيد ولكن بين ضلوعي زحام ........... خايف ولكن خوفي مني أنا ................. أخرس ولكن قلبي مليان كلام ............... عجبي !!! *** ليه يا حبيبتي ما بيننا دايماً سفر .... ده البعد ذنب كبير لا يغتفر ...... ليه يا حبيبتي ما بينا ديماً بحور .... أعدي بحر.... ألاقي غيره اتحفر ... عجبي !!! *** دخل الشتا وقــفـل البيبـان ع البـيوت وجـعل شعاع الشـمس...