ولاد حلال

- والله العظيم انتوا ولاد حلال وفيكوا الخير وربنا بيحبكوا عشان نيتكوا صافية .. وعشان احنا صحاب وبيننا عيش وملح وتعليقات ؛ أنا مش هاستخسر فيكوا المرمة دي (المصلحة يعني) .. شوفوا !! .. فيه شركة ألمانية بتشتغل في مجال الدعاية والإعلان والنشر وتسويق الكتب الإلكترونية .. عاوزين ناس تشتغل مدخلين بيانات من منازلهم ؛ شرط بس أنهم يكونوا بيعرفوا يكتبوا على الوورد .. طبعاً كلكوا ما شاء الله أساتذة في الكتابة وزي البرابنط !! .. يعني مثلاً كتابة رسايل علمية وأبحاث / إدخال بيانات عن سلع / ملء وتصنيف كتالوجات ... إلخ .

الشغل هايكون لمدة ساعتين في اليوم (طبعاً ده بيعتمد على سرعتك في الكتابة) .. المهم يعني إنك تسلم الشغل اللي هاتستلمه في خلال 24 ساعة !! .. الشغل لمدة خمس أيام في الأسبوع (السبت والأحد أجازة) .. والعقد في البداية هايكون لمدة ست شهور .. بأجر أسبوعي 350 يورو .. أيون 350 يورو مكتوبة صح !! .. وهاوفر عليك أنك تدور على سعر اليوور ، وهاقول لك أن اليورو النهاردة بتسعة جنيه ونص !! .. يعني هاتقبض في الأسبوع 3325 بلبل آآقصد جنيه .. يعني في الشهر بـ 13300 .. يعني في خلال الست شهور الأولانيين هاتكون عملت تقريباً تمانين ألف جنيه .

ما فيش بوسة لعمو ؟؟ ولا حتى شكراً ؟؟

عموماً احنا صحاب وما فيش بيننا الكلام ده .. بس على الله يطمر :D

آهي فرصة وجت لحد عندكم .. والله اللي عاوز يشتغل أهلاً وسهلاً .. الشغل مش عيب !! .. وأنا شايف أن المرتب معقول جداً بصراحة .. يعني ممكن يكون فيه شباب مش شغالين أو شغالين بمرتب قليل ، دي فرصة يحسنوا دخلهم وممكن نعتبرها بداية علشان أي واحد فيهم يعمل مشروع خاص بيه .. برضة اللي داخلين على جواز وعاوزين مبلغ علشان يشتروا شقة ممكن يتعاونوا سوا ويعتمدوا على نفسهم ، آهي فرصة وربنا بعتها لهم من السما .. الناس اللي واخدين قروض وعليهم أقساط وإلتزامات أو لا قدر الله عندهم حد هايعمل عملية ، متهيألي أن دي فرصة كويسة .. برضة اللي عاوز يشتري موسيكل (مش موتوسيكل) وياخد وراه المكنة بتاعته ، يقدم على الشغلانة إيه المشكلة ؟؟

نرجع تاني للشغلانة ، ومن واقع العقد اللي هاتوقع عليه بعد ما تبعت سيرتك الذاتية (ممكن أبعت لك نموذج للـ سي في عشان الفضايح) ويتم اختيارك أحب أنقل لك التفاصيل :

Employment Contract

Dated: 19 / 09 / 2012

Employee’s Personal Information

Employment/Online ID with Cadre Inc:    ********

(Employee’s all personal information regarding employment is already saved in our record,

and above ID is associated with his/her employment data).

------------------------------------------------------------------------------------------------------------------------

Employment Details

We are pleased you decided to join Cadre Data Technology Inc. We want to take this opportunity to review our agreed upon employment terms and conditions. This Contract is subject to the Part time home based Distance Job.

The Employee agrees to commence employment in the position of Data Entry Work.     

The Cadre Inc will employ the Employee for an indefinite period of time.

1. Position:  Data Entry Work of Cadre Data

||. Type Item number and products detail

||. Type Customers contacts in sheet

||. Make categories of items

||. Export data to files and Email us Back

||. Work 2hours a day, 5days a week  (or any available hours)

(working knowledge in written will provided by our company)

2: Location:    Part time (Home Based’ Distance Job)

3. Starting date of employment: 24 September 2013

4. Duration of contract:    1year*

(*first contract will sign for 6 months and after it will extend for more 6 months)

4a. Regular working days and hours: Monday through Friday, any 2 Hours,

5. Basic Weekly Salary:            = Euro 350 Net    (per week)

    if employee want to overtime more then 3 hours (Optional after 6 months of Job)

              d) Overtime:                            = Euro 40 (per extra hour)

6: Payment Term: Weekly every after 6days by Bank transfer Or Paid Cheque

     (Cash also could be transfer to the name of employee)

(Note: Above basic salary is after deduction of all taxes)

7. Termination of Service:

a) If employee does not submit the work on time,

b) That if the Employee is absent from work for more than five (5) consecutive working days without a reasonable cause.

How you would like to receive your weekly salary ?     Tick One.

1.     Bank transfer (give us your bank details)

 _________________________________________________________________________________________

2. Cash Transfer. (if cash transfer then you don’t need to have bank account)

By signing this agreement, you consent not to disclose any confidential information about company, its employees, and its customers during and after your period of employment.

The Cadre Inc and the employee shall read and fully understand this agreement and certify that the terms and conditions together with the application constitute their entire agreement or understand that aside from this agreement shall be considered null and void.

I herby certify that as a new employee of Cadre Inc, I have viewed above employment contract and after carefully read of agreement now I am available for Job and my employer (Cadre Inc) can send me work to take start.

Employee’s Name:___________________________________________________

Complete Address:__________________________________________________________

_____________________________________________________________

_

Employee Signature:  ________________________Date:  __________________

بعد ما تطبع العقد وتوقع عليه وتسحبه بسكانر (ممكن تصوره بالموبايل ، الجيش قال لك اتصرف) هاتبعته تاني للشركة .. ولو أنت قلقان من جزئية رقم حساب البنك بتاعك ، بلاش تكتبه واكتب عنوانك .. وهما هايحولوا لك الفلوس على أقرب فرع شركة تحويل أموال .

بعد كده الشركة هاتبعت لك جواب الكونفيرميشن .. وخد بالك أنه لازم يكون مختوم بختم الشركة وعليه توقيع رئيس مجلس الإدارة ( زي اللي في الصورة دي)

.. وهايبعتولك كمان كارت الآي دي بتاعك ( زي اللي في الصورة دي)

في خلال يوم أو يومين .. هايبدأوا يبعتوا لك الشغل على الميل .. مش عاوزك تقصر رقبتي بقى !! .. يعني شغل الفهلوة والكوبي والبيست ده بلاش منه الله يكرمك !! .. أيوه الله يفتح عليك !! .. بلاش شغل الحلمبوحة ده أحسن تتفقس ، أنت مش شغال في مكتب تصوير في باب الخلق !! .. دول ناس ألمان يابا !! .. يعني لو أي هّكة ولامّكة هاتلاقي الحاج بنز شخصياً طلع من تربته وعمل معاك الواجب !!

ما تقلقش من ناحية الشغل !! .. هما أول مرة هايبعتوا لك ملف وورد فيه البرنامج التعليمي خطوة بخطوة .. وعلشان كل شيء مدروس وكل شيء محسوب ، هايبعتوا لك آخر كل أسبوع ملف (بي دي إف) فيه فاتورة بإجمالي مرتبك اللي هاتقبضه ، طبعاً بعد خصم الأخطاء والتأخيرات .. وخد بالك هما ما بيتهاونوش في التأخيرات أبداً !!

ركز جداً في أول مشروع تعمله لأن هو ده اللي هايحدد إذا كنت هاتكمل معاهم ولا لأ !! .. وغالباً هايدوك مهلة تلات أيام علشان تنفذ المشروع ده !! .. بالنسبة لي كان مطلوب مني أنقل بيانات وأرقام قطع غيار وأجزاء ماكينات من كتالوجات وأصنفهم في خانات معينة في برنامج Inventory  Software اللي بيستخدموه في الشغل .. ما تقلقش بالنسبة للبرنامج ده .. هما هايبعتوا لك فولدر فيه ملف وورد وشوية صور توضيحية فيها طريقة استخدام البرنامج ده .. وبالنسبة لطريقة تحميل البرنامج ده ، كل ما عليك إنك تدخل على الموقع اللي هايقولوا لك عليه وتشتري البرنامج بـ 60 يورو بس .. والشركة هاتحاسبك عليه مع مرتب أول أسبوع .. يعني أول أسبوع هاتقبض 410 يورو .. مالك تنحت ليه ؟؟ .. هه ؟؟ .. يعني أنت في أخد الفلوس ما تنحتش وبحلقت ، جيت عند الدفع تنحت ومغصت ؟؟ .. مستخسر تدفع 60 يورو في شغلانة طرية ومسأسأة زي دي ؟؟ .. إيه يعني لما تدفع 570 جنيه وتاخدهم تمانين ألف ؟؟ .. يا أخي البني آدم ده ما يملاش عينه إلا التراب !!

إيه ما فيش ثقة ؟؟ .. بصراحة لأ ما فيش !! .. وأنا إيش ضمنني يا اخويا إني بعد ما أدفع الستين يويو يحاسبوني عليهم ؟؟ .. يا لسذاجة الإنسان !! .. يا ابني  أنت متخيل إنك بعد ما تدفع الستين يويو دول هايردوا عليك أصلاً ؟؟ .. إيه ده ؟؟ يعني مش هايحاسبوني ؟؟ .. :D   .. طب والشغل ؟؟ .. وهو فيه أحسن منك شغل ؟؟ .. لأ بجد ؟؟ يعني ما فيش تمانين ألف جنيه ؟؟ ده أنا كنت عديت بأحلامي وقلت أنهم جددوا لي ست شهور تانيين !! ده أنا تخيلتهم بعتوا لي في ألمانيا يا راجل وكنت نازل أشتري طقم بوكسرات جديد !! ليه بعد ما تطلعني سلم المجد ، تمسكني في الفرشة وتسحبه من تحت رجلي !! ده أنا كنت بدأت افتري في أحلامي يا أخي !! حرام عليك !! طب أقول لماما إيه دلوقت ؟؟ ماما اللي كانت نفسها في الجوافة ؛ ووالله يا عم رحت جبت لها كيلو وقعدت تدعيلي قد كده !! .. كيلو ؟؟ كيلو يا جزمة ؟؟ أشغلك بتلتاشر ألف جنيه وشوية في الشهر وفي الآخر تجيب لأمك كيلو جوافة واحد بس يا زبالة يا معفن !! .. أيوه ، ما أنا خفت أنها تعرف إني معايا فلوس فتاخدهم مني !! .. تصدق بالله !! .. لا إله إلا الله محمد رسول الله .. أنت اللي زيك لازم يتنصب عليه !! سيبنا منك دلوقت وخللينا نشوف الناس اللي بتقرا دي رأيها إيه ؟؟ .. المفروض كل واحد ابن حلال قرا البوست ده يدفع لك خمسين جنيه !! .. ليه ؟؟ .. مش أنقذته من عملية نصب كان هايدفع فيها 570 جنيه ؟؟ يعني بمعنى تاني كأن الفلوس دي وقعت منه وأنت لقيتها له ، مش المفروض يديك عشرة في المية منها ؟؟ .. تصدق صح !! .. يعني لو قلنا إن فيه تلاتين واحد قروا البوست ده في خمسين جنيه ، يعني باكو ونُص !! .. يا عم قول عشرة بس ، بخمسميت جنيه !! وحشين ؟؟ .. لأ طبعاً ، وناخد احنا الفلوس دي منهم ونشتري البرنامج ، مش يمكن ما يطلعوش نصابين !!

تااااااااااااااااااااااااااني !!