أهلا عربان مرحبتين
غناء: سيد المعازي
الترجمــة :)
أهلا عربان مرحبتين .. أهلا عربان مرحبتين .. أهلا عربان مرحبتين
أهلا عربان والجمهور اللى علاّنى نشكر ربى اللى عطانى من فوق القمة خلاّنى ديما من غير افتخار
ولكني ديما فخور بكل أحبابى والجمهور .. لكن هذا مش غرور لا والله يا حضار
أنا والله يا حاضرين بحيي كل المستمعين اللى لكلامى مشتاقين .. وكل الأخوة الفنانين بدون أسماء وبدون أذكار
نحيي كل الجماهير الله يمسيكم بالخير .. الله يمسيكم بالخير . ولكم مني سلام كبير وتحية وبيتين أشعار
سلام وميتين تحية نبدأ بالصحرا الغربية .. والسلوم تعز عليا ومطروح بوادي بحران
البحيرة وإسكندرية .. فيها ناس أصحابا ليا فنانين عزاز عليا عارفين الواجب جدار
وعارفين الواجب دايرينا شمال وجنوب سينا . فيها ناس تعز علينا . وف العريش عرب أحرار.
والغردقة عربان غوالى .. والبحر الأحمر في بالي سكانه ديما غوالي .. ناس عرب أصحاب أقدار
ف السويس والشرقية .. في فايد وإسماعيلية .. المعازة وإسماعيلية .. المعازة وإسماعيلية .. بلبيس وكل الصالحية وكل القبايل جملت .. يا عربان المنوفية .. والمنصورة والغربية .. وماننساش القليوبية . ولا ننسى المنصورية اللى غرب البحار ..عمرى ما ننسى المنصورية اللي غرب بحار
وهلى ف بلاد الجيزة .. مرحب يا عربان الجيزة مرحب يا عربان الجيزة .الأهرامات عليا عزيزة وسقارة بلاد الآثار.
وهي بلاد الآثارات وفيها نار الصنعيات وعمرى ما ننسى العياط وكل أحبابى ف العياط بنحيي عربان الواحات اللى ماسكين على العادات وديما عارفين الأجدار
وناس بوداى ديما دوم .نعدى تو ع الفيوم وجماهيرى بالفيوم وأحبابى كل الفيوم رجالة وأصحاب عزوم وبوادى بنى مزار .. ورجالة وأصحاب عزوم وبوادى بنى مزار
بالوادي بيعزوا الضيف .. رجالة في حد السيف .. رجالة في حد السيف .. ف المنيا و ف بنى سويف .. وأسيوط بلاد العمار
وماننساش قنا وهوارة .. ف جهينة عربان برارة .. سوهاج بلاد الأمارة فيها الوادى والغندار
نحيي جنوب الصعيد وتوشكى والوادى الجديد والسد العالي بالتحديد .. السد العالي بالتحديد اللى قريب واللى بعيد تحية للناس الحضار
لها مني مليون تحية ها الأقصر السياحية والحضارة الفرعونية وأسوان بلاد النوبية اللى جوها من كل جهية من كل العالم زوار
ومن كل العالم لو لف .. مهما عقلى دار ولف .. مهما قلبى دار ولف .. مهما عقلى دار ولف .. ما ننسى عربان الصف لو حتى زمانى دار ما ننسى جمهور الصف لو حتى زمانى دار
ومهما دار الزمان ما ننسى بلاد الحلوان اللى مشهورة ف كل مكان فيها العيلة والجيران والرفاقة والحبان وحبيبة عينى كمان
حكينا عن وصف البلدان من السلوم لحد أسوان عن القبايل والعربان .. ونختم قولى يا حضار
عزاز عليا في أنحاء الجمهورية .. جماهير عزاز عليا فى أنحاء الجمهورية .
:))
ردحذفإنجليزي ده يا مرسي ؟؟
D:
Good Good أهو الواحد بيتعلم لغات
دي الترجمة تعبتنا أكتر من ترجمة فيلم أجنبي ياراجل .. يا بااااااااااااااااي
ههههههههههههه مش ممكن مش قادرة ابطل ضحك
ردحذفبس والله صوته حلو خالص والموسيقى تحفة
بس نفسي افتكر ال ال ال الايه؟!
رتم الاغنية دا بيفكرني باغنية او حد كان بيغني حاجة مش فاراها بس بجد تحفة مش قادرة ابطل ضحك مع ان مزاجي كان زي الزفت "لاموآخذة في اللفظ" انا بسمعها وانا بكلمكم مش ممكن عسل قوي
تسلم ايديكم عالترجمة الرائعة ^_^
βent Pasha
ردحذف:))
انتي ما تتخيليش أصلاً فرحتيني قد إيه بالأغنية دي بجد :))
ربنا ما يحرمني منك أبداً يا رب ويحفظك من كل سوء اللهم آمين
- مصر دي كبيرة أوي أوي بجد .. قد إيه احنا محرومين هنا في القاهرة من حاجات كتير أوي حلوة زي الأغاني دي ! .. حاجات أوريجنال وبيور .
الناس دي بجد تدعو للتأمل والاحترام والتقدير ، لأنهم قادرين لحد دلوقتي يحافظوا على هوياتهم وتراثهم ولهجاتهم وتجانسهم ، لأنهم قادرين لوحدهم - رغم التهميش - يعيشوا ويفرحوا ويغنوا ويتبسطوا :))
سيبك أنت منور يا قمري
E73
ردحذف:))
ربنا يكرمك يا رب ويسعدك ، فرحتينا والله أن الأغنية عجبتك يا أستاذة :)
هو فعلاً صوته حلو والموسيقى كمان جميلة تحسي فيها بريحة الصحرا وجوها :)
لما تفتكري ال ال ال الايه؟! ابقي قوليلنا D:
نورتينا
رغم إني مش بعلّق عند حد أصلا..و باجي وأمشي من سكات..بس عايزة أعرف انت ليه بتقفل الكومنتس ع البوستس القديمة؟
ردحذف:)
.....................
p.s.
"وأنا اتخذلت كتير لحد مااتعودت..أخذلني في غيابك"
مش عارفة أنساها!
اغنية بدوية اسمها يا حلالي ويا مالي للأفراح على نفس الرتم
ردحذفيمامة شاردة
ردحذف:))
منورانا والله يا أستاذة ، ربنا يكرمك يا رب ويسعدك ، وحقيقي شرفتينا وأسعدتينا بتعليقك الجميل :)
بالنسبة لقفل التعليقات ، أنا باعتذر جداً لحضرتك ولجميع الزملاء الأفاضل اللي بيشرفونا هنا عن قفل التعليقات .
- وبعدين حضرتك أنا كل مرة بابقى عاوز أعلق في مدونتك وبالاقيكي قافله التعليقات وعامله لايك بس !!
طب ينفع كده ؟؟
D:
نورتينا
E73
ردحذف:))
قشطة يا أستاذة :)
هانسمعها .. بس دي معاها ترجمة ولا ؟؟
:))
نورتينا
طب حضرتك ينفع ترد ع السؤال بسؤال؟
ردحذفأنا عايزة أعرف بجد..! D:
دي حاجة..
الحاجة التانية..أنا مش قافلة التعليقات غتاتة ع الخلق والله..أنا قافلاها عشان أكتب لما أعوز أكتب..مش لما أحب أشوف تعليق ع اللي بكتبه..بكتب للفراغ العزيز..حد فهم حاجة؟ :))
و موضوع اللايك ده كمان بعد ما عملته ندمت..لإني ماعرفتش أحط جنبها ديسلايك..
بس كده..! :)
يمامة شاردة
ردحذف:))
- بجد .. باعتبر أن أي بوست وقت ما بيتنشر بيبقى عامل زي اللقمة اللي بتنادي آكلها .. والله شرفني واحد بس أهلاً وسهلاً ، شرفني عشرة برضة أهلاً وسهلاً .. اللي بيفرق بالنسبة لي أني أكون لسه في موود البوست علشان أقدر أرد ع التعليقات .. مش معقول مثلاً أكون نزلت بوست من أسبوعين ونزلت بعديه بوستين تلاتة وألاقي ناس لسه بتعلق عليه !! .. باحس أن الموضوع بقى تقيل على قلبي بصراحة ! .. باحس أنه زي النكتة .. حلاوتها من أول مرة تتسمع فيها ، لو اتعادت تاني بتبقى بايخة أوي حتى لو هي حلوة فعلاً .
- باكتب كتير جداً ، لما بيكون عندي مزاج للكتابة .. وباحفظ على الكمبيوتر .. ومن وقت للتاني بانقح وأعدل وأظبط وأحذف .. فبالتالي اللي حضراتكم بتقروه النهارده ممكن أكون كتبته من سنة ! .. وأصبح بالنسبة لي موضوع قديم .. طب بانشره ليه ؟؟ .. عشان مستني أشوف وأعرف ردود أفعال الناس في التعليقات .. مستني حد ينقدني ويوجهني ويصحح لي ويعلمني زي ما بيجاملني .. بابقى عامل زي اللي مستني يشوف نتيجة الامتحان بالظبط بعد تعب طول السنة .. ولما كانت التعليقات في الغالب الأعم لا تخرج عن (جميلة/مبدع/فنان/تسلم إيدك/.... إلخ) فبالتالي ردودي أيضاً أصبحت لا تخرج عن (ربنا يكرمك/نورتينا/شكراً لذوقك ومرورك الكريم / ... إلخ) .. باستثناء زميلين أو تلاتة باستفاد من تعليقاتهم بصراحة وبانتظرها بفارغ الصبر .. بقيت باعتبر التعليقات وسيلة تواصل .. بنتطمن فيها على بعض .. نرد فيها الزيارات لبعض .. نونس بعض ! .. وأحياناً كثيرة نتكلم في أي حاجة تانية إلا موضوع البوست ! .. وده في حد ذاته شيء بيسعدني ، لكن لما أكون رايق ! .. خللي بالك كمان أنك بتبقي محط أنظار في الرد على التعليقات ، واشمعنى بتردي على ده بإسهاب وده لأ ؟؟ .. وبتهزري مع ده ليه ؟؟ .. لدرجة أن فيه ناس أصلاً بتدخل تقرا التعليقات وما بتقراش البوست ! .. وفيه ناس تانية ما بتعلقش عندي إلا أما أعلق عندها ! .. وناس تعلق عشان تعليقها تشوفه ناس تانية ! .. وناس تانية ما بتعلقش عشان عارفه أن فيه ناس تالتة بتدخل عندي ! .. وناس بتدخل ترد على بعض !
- المواضيع اللي راهنت نفسي عليها أنها هاتكتسح وأنها هاتعجب ناس كتير جداً (لظني أنها جيدة وأني بذلت فيها مجهود كبير) ألاقي عليها تعليقين تلاتة !!! .. والمواضيع اللي باكتبها وأنا بانشرها من غير حتى ما أراجعها ألاقي ماسورة تعليقات فتحت !!! .. مابقتش عارف الصراحة المعيار إيه !!! .. لو كتبت شعر وحاجة عجبتهم يقولوا شاعر ، ويبقوا مستنيين مني كل مرة قصيدة ! .. لو كتبت بوست ضحكهم يبقوا مستنيين المونولوجست يضحكهم كل مرة ! .. أوك .
- "هجايص" .. ده اسم المدونة .. هجايص .. هجايص .. هجايص .. يعني أي حاجة مالهاش أي لازمة .. أنا باكتب هجايص .. تسموه : شعر / قصة / أدب / قلة أدب / خواطر .. والله أنتوا وذوقكم .. P A S H A ده مش لقب زي ما ناس كتيرة فاكرة .. والله العظيم أبداً .. أنا لقيت أن الوزير بيتقال له يا باشا والعربجي برضة بيتقال له يا باشا .. فعادي بقى أنا كمان باشا من ضمن الخمسة وتسعين مليون باشا اللي في البلد .
يمامة شاردة (...... تابــع)
ردحذف:))
"أنا قافلاها عشان أكتب لما أعوز أكتب .. مش لما أحب أشوف تعليق ع اللي بكتبه .. بكتب للفراغ العزيز "
- حلوة جملتك واتفق معاكي فيها ، لأني باعتقد أن أحلى كتابة هي اللي بتكتبي فيها لنفسك . بس طالما الموضوع اتنشر بقى كمان ملك للناس ، من حقهم يعلقوا عليه ، يتفقوا أو يختلفوا ، يمدحوا أو ينقدوا .. ليه ؟؟
لأن في الأساس احنا بنكتب بسبب الناس .. بنتعالج منهم بالكتابة :)
نورتينا
مش هاقول لك شرفتينا بمرورك الكريم وتعليقك الراقي (عشان ما تبقاش مفقوسة :D رغم أنك فعلاً شرفتينا بمرورك الكريم وتعليقك الراقي :))
مش فى مود اسمع اغانى حاليا لانشغالى بالانتخابات و نتائجها وربنا يستر
ردحذفبس قرأت الكلمات و عجبتنى جدااا .. عجبنى اكتر انكم كتبتوها بنفس اللهجة
شكرا جزيلا
اه قبل ما انسى انا نشلت الصورة بتاعت البوست اللى فات احقاقا للحق يعنى
جارة القمر
ردحذف:))
شكراً لذوقك ربنا يكرمك يا رب وإن شاء الله الأغنية تعجبك
الصورة طبعاً تحت أمرك أنا كمان ناشلها من النت D:
نورتينا
فعلا جميلة جدا بقيت مشغلة الاغنية وبقرا الترجمة
ردحذفوالله عجبتني بجد
بس في عندي ملوحظة صغيرة
كلمة "جدار " انا سمعتها اقدار
وكلمة "حبان" اللي في الاخر انا سمعتها
حضار مش عارفة يمكن اكون بسمع غلط بس حبيت اقولك علي اللي سمعته وياريت متكونش زعلت
بارك الله فيك
zeze
ردحذف:))
ربنا يكرمك يا رب ، شكراً جداً لذوقك وملحوظاتك القيمة :)
بالنسبة لكلمة "حبان" فعلاً زي ما حضرتك ذكرتي هي "حضار" وتم التعديل
بالنسبة لكلمة "جدار" مش عارف بصراحة هل المقصود "أجدار" يعني جديرين ولا "أقدار" يعني ذوي قدر وشأن ؟؟
شكراً جداً لمرورك وملحوظاتك القيمة
جزاكي الله كل خير
نورتينا
ههههههههههههههههههههههههه
ردحذفوصلت.. D:
ردحذفجميل جميل جميل البوست ده :)
ردحذفوصلت متاخره جدا ولكنى اقول لك صباحك ارق من التوليب ..الاغنيه حلوه جدا ولكن اللهجه صعبه ولكن قراءه الكلمات سهل الموضوع شويه ..اتمنى لك الخير دائما تحياتى لبنت باشا ..توليب ومحبه
ردحذففافى
ردحذف:))
نورتينا
يمامة شاردة
ردحذف:))
نورتينا
nona saad
ردحذف:))
ربنا يكرمك ، شكراً لذوقك
نورتينا
ghada issa
ردحذف:))
صباح الفل يا أستاذة ، منورانا والله .. ما فيش تأخير ولا حاجة دي مدونتكم يا أستاذة :)
شكراً لذوقك الراقي ومرورك الكريم الذي يسعدنا دوماً .. وبنت باشا تهديكي أرق تحية وسلام
نورتينا