يا غزال يا غزال
من فترة كان عندي شغل في إسكندرية لمدة يومين .. أخدت مفتاح شقة واحد صاحبي عشان أبات فيها .. وبعد ما خلصت شغل أول يوم ورحت الشقة .. لقيت التراب بصراحة مرشوش ع الفرش زي السكر البودرة ع الكحك ! .. ورغم إني كنت في قمة التعب بس قلت مش مهم أنضفها وآهو كله بثوابة .. .. أينعم الجو سقعة ومش طالبه تنضيف بس وماله .. شيلت وكنست ومسحت ورصيت وفرشت .. وبعد ما خلصت واتهديت قلت أدخل أخد دش .. وقال إيه يا اخويا ؟؟ أكتشف إن السخان مش شغال !! .. يا ليلة منيلة ! .. قلت مش لازم ما فيش مشكلة .. أبقى استحمى في بيتنا .. وبالفعل دخلت نمت زي الفسيخ .. صحيت يا عم ودخلت الحمام عشان أغسل وشي وأتكل على الله أروح الشغل .. وأنا عارف ومهيأ نفسياً إن الميه ساقعة زي الرصاص .. لــكــن ! .. افتح الحنفية ع البارد اتفاجيء بأن الميه نازله سخنة مولعة ! .. أبُص ع السخان ألاقيه مش شغال !! .. افتح الحنفية ع السخن ألاقي الميه برضه موحوحة !! .. قلت والله يا واد أنت ابن حلال وربنا عالم بيك .. وفِ ثواني قلعت ونويت الحموم ! .. وكان صوت الجار يأتيني ملعلعاً من المنور وهو بيجعر : يا حبيبي - حزق متصل - أنت فاكر ولا ناسي .. تيرا .. يا حبيبي - حزق مع صوت خنفان - طال بعادك ليه يا قاسي ! .. قلت أه ده أكيد بيغني للحموم ! .. ولسه هاندمج معاه وألعلع بأغنيتي المفضلة : يا غزااال يا غزااال العشق حلااال دوبني أنا دوب خلتني خياآآآآآآآآآل .. سمعت لك الجار اللي تحتيه بيزعق بحرقة : انتوا يا حمير ياللي فوق ! اتقوا الله فينا يا حبة بقر ! أنا ........ اتسلخت وأنا بافتح الشطاف ! صلحوا أم السخان ده يا عالم يا وسخة ! .. ثم سكت هنيهة واستكمل : آآآآآه يا ورايا ! يييييييح .. طبعاً أنا اترميت ع الأرض من كتر الضحك ، وبعدين سمعت شباك الجار اللي بيستحمى اتفتح وراح طالع منه وقايل : سلامتها أم حسن م العين و م الحسد ! حط عليها تلج لـ تفقفق ولا أقوللك حطها قدام المروحة ههههههههههه .. ثم فلتت من زوجتة ضحكة فشلت في كتمانها هيء هيء هيء .. طبعاً زوجة الجار المشوي لم تسكت على تلك السخرية من زوجها فتحدثت إلى زوجها بصوت أصرت على أن يكون مسموعاً لكل سكان الشارع : معلش يا اخووويا ، نستحملهم ، خللينا احنا أحسن منهم ، يعني هي جت ع المرة اللي بيستحموا فيها كل شهرين على الله بس ينضفوا !! .. طبعاً زوجة الجار اللي بيستحمى لم تبتلع تلك الإهانة وخرجت تشرشح لها ع السلم .. المهم مسكوا فِ بعض !
في طريق العودة للقاهرة وأنا في الميكروباص .. أسمعلك فريد بيغني في الراديو : يا حبيبي أنت فاكر ولا ناسي ! .. بصراحة ما قدرتش أمسك نفسي من الضحك ورحت مغني : يا غزال يا غزال العشق حلال دوبني أنا دوب خليتني خياااااااااال !
ههههههه
ردحذفهههههههههههههههههه جامده :)
ردحذفتحياتي
ﻻ حول وﻻ قوه اﻻ بالله هي الدنيا جري فيها ايه
ردحذفربنا يهدي النفوس
أنا اتقتلت ضحك ..
ردحذفشكــــــــــــــرا على الضحكة الى كنت ناسيه صوتها :)
:0 أنا لأول مره أعرف أعلق عندك !
ردحذفهيـــــــه هيــــــــه
كل مرة كن اكتب الكومنت ميرضاش يتبعت و اخرج من عندك مكسورة الخاطر
كمان شكــــــــــــــرا :)
هههههههههههههههههه
ردحذفوربنا انت مشكلة بجد
:-))
تسلم ايديك ع الضحكة دي بجد
ههههههههههههههه
ردحذفعجبتنى اوى ضحكت من قلبى
وسلامتها ام حسن
هههههههههههههههههههههههه
ردحذفباشا باشا باشا .. انت باشا يا باشا
لا بجد مسخرة والله تسلم يا غالى
انا ضحكت بجد .. ويارب تكتب كتير بقى من الحاجات دى
لان الواحد بجد نفسه ينبسط ويضحك
هههههههههههههههههههههههههههههههههههه
ردحذفطيب لازال السؤال القائم هو:
ليه المية نازلة مغلية كده والسخان بايظ.. ودا على العمارة كلها :)
نعيما، وحمد لله ع السلامة
ظلالي البيضاء
ردحذف:))
يا رب يكون البوست عجبك وضحكك ، بتشرفني دايماً
افكار مبعثرة
ردحذف:))
ربنا يكرمك يا رب ، شكراً لمرورك الجميل
وصف الاحساس
ردحذف:))
بقينا في غابة ، الناس فيها بتشوي بعض :)
شكراً لمرورك الجميل
واحدة كدة
ردحذف:))
نورتينا بزيارتك الكريمة وتعليقاتك الجميلة ، وباعتذر عن قفل التعليقات فيما سبق :)
دمتي في خير وسعادة
βent Pasha
ردحذف:))
ضحكتي أنت
:)
هبة فاروق
ردحذف:))
الله يسلمك يا أستاذة ، وجودك بيشرفنا دايماً
AhMeD RaDy
ردحذف:))
تسلم يا باشا من كل شر ، ربنا يكرمك يا غالي ، يكفيني إنها عجبتكم وضحكتكم ، لا تنسونا من صالح الدعاء ، بتنورنا بتعليقاتك والله
وينكى
ردحذف:))
الله يسلمك يا مبدعة منورانا دايماً
بالنسبة لسؤالك الجميل
فأحد أسباب تلف السخانات :
تلف الشيك بلف (السكس بلف) أو استخدام نوع ردىء منه و هو المكون الذى يسمح بدخول الماء للسخان و عدم رجوعه و هذا الشيك بلف به فتحة صغيرة لتصريف الضغط الزائد من السخان فأذا لم يصرف هذا المكون الضغط نتيجة عطل به فيكون من اسباب الانفجار للسخان أو ارتداد الماء الساخن في المواسير .
أي خدمة :)
هههههههههههه ..حموت ضحك
ردحذفتحياتى لك
ياسمين
رحيق الورد
ردحذف:)
ههههههههههههههههه
أسعد الله أوقاتك ، شرفتينا بزيارتك الجميلة وتعليقك الرقيق
رائع هذا الاسلوب و ماتع طرحك
ردحذفتحياتي
منجي باكير
حذف:)
الأروع هي زيارتك الكريمة وتعليقك الراقي الجميل أخي الفاضل
شرفتنا
ههههههههههههه الراجل اتكوي ...يخريبيت كدة مش مممكن كوميديا رهيبة ...باشا وربنا
ردحذفTarkieb
حذف:)
ههههههههههههههههههه
الراجل اتسلخ صاحي هههههههههههه
ربنا يكرمك يا أستاذنا يا رب والله تعليقك بيفرحني جداً يا مبدع
شرفتنا
هههههههههههههههههههههههههههههههههههههه
ردحذفاجمد بوست مضحك انهارده
متكشرة انك ضحكتنى بيجد :)
rona ali
حذف:)
ربنا يفرحك دايماً ، بنشكرك على ذوقك وتعليقك الجميل
شرفتينا
الله يحظك يا شريف باشا ، ده كأني بتفرج علي فيلم من أفلام نجيب الريحاني !!!
ردحذفالمهم نعيماً وبيتهيألي لو روحت إسكندرية مش هتروح هناك بتاتاً!!!!))):
سمدلله ع الحلامة ......... قصدي حمدلله ع السلامة .
ديدي
ردحذف:)
الريحاني مرة واحدة !!!!
الراجل ده كان عبقري بجد الله يرحمه
بالنسبة لحكاية إني أروح تاني دي أنا قاطعت الواد ده أساساً D:
الله يسلمك وأنعم الله عليكي وشرفتينا بتعليقك الجميل
:)
يا باشا انتظر منى تعليق مفصل على قدر بشويتك واعذر تأخيرى فى التعليق فلوحة تحكمى ماشيه على حل شعرها والاخر هحلقلها جلط عشان عيونك
ردحذفانت ونركيب حكايتان ملهاش حل واتا وسطى انحل من كتر الضحك
مساءك زى الورد
ههههههههههههههههههههههههههههههههههههههههههههههههههه
ردحذفلا لا ماتقولش انا قلبى هيقف من كتر الضحك
ههههههههههههههههههههه
متخيلة منظرك وانت فى الميكروباص اول ماسمعتها ههههههه ياربنا
هههههههه ضحكتني اوي
ردحذفاول مرة ازور مدونتك بس شكلي هاجي كل ما اكون مضايقة :)
faroukfahmy58
ردحذف:))
يا ألف أهلاً وسهلاً بأستاذنا القدير وعمنا كلنا نورت المدونة حقيقي والله :))
يا فندم كفاني فخراً إن حضرتك تشرفني بالمرور في مدونتي المتواضعة والله فرحتني جداً بتعليقك الرائع وبكلماتك الطيبة
أسعد الله أوقاتك بكل الخير والسعادة وفي انتظارك دوماً
نورتنا
:)
reemaas
ردحذف:))
ههههههههههههههههههههههههه
يعني لا نستحمى ولا نغني ؟؟ ده حتى يبقى حرام D:
سعيد أن البوست عجبك وضحكك ربنا يسعد أوقاتك دايماً ، وبنشكرك على مرورك الجميل وتعليقك الرائع
شرفتينا
:)
إيناس حليم
ردحذف:))
يا ألف أهلأً وسهلاً في زيارتك الأولى شرفتينا بزيارتك الكريمة وتعليقك الجميل
بالنسبة للبوستات اللي زي دي هاتلاقي اسمها هجايص في التسمية اللي آخر كل بوست إنما باقي المدونة .... هجايص برضة
ههههههههههههههههههههههه
شرفتينا
:)
هههههههههههه
ردحذف..........
اسكندرية نورت
:))
نهر الحب
ردحذف:))
منورة بأهلها يا أستاذة :)
بس ما كانش فيه لزوم تنور أوي كده يعني ع الأقل كنت استحميت D:
نورتينا
هههههههههههههههه
ردحذفميرسي بجد لشويه الضحك دول
ضحكتني وانا علي أخري
ميرسي ليك
ازيك ياباشا
ردحذفدى كانت سفريه فلكلوريه ولا ايه .. بس الحمد لله انك على الصبح استحميت وسمعت لك شوية اغانى وشوية ردح كدا على الريق
اشكرك على المعايده .. كل سنه وانت طيب
sony2000
ردحذف:))
مبسوط إن البوست ضحكك يا سوني ،، احنا في الخدمة ، ربنا يفرج همومنا جميعاً إن شاء الله
شرفتينا
فشكووول
ردحذف:))
يا ألف أهلاً وسهلاً بأستاذنا القدير الغالي ،، نورتني والله وشرفتني بمرورك الكريم وتعليقك الجميل ،، ربنا يكرمك يا رب وإن شاء الله تكون في أتم صحة وأحسن حال بإذن الله ،، وكل سنة وحضرتك طيب وبألف خير وصحة وفرحة وسعادة ودايماً منورني
:))
شرفتنا
صباح الغاردينيا
ردحذفههههههههههههههه
انا اول مرة ادخل هنا بس ضحكت بجد ايه الجو الرومانسي دا في شقة صاحبك وكملت بقى في الميكروباص هههههههه"
؛؛
؛
لروحك عبق الغاردينيا
كانت هنا
reemaas
منك لله جنابي وجعتني من الضحك
ردحذفبجد مبتفكرش تنشر تدويناتك الكوميدية في كتاب؟
جامده اوي اوي اوي
ردحذفوسلامتها ام حسن
ههههههههه
ههههههههههههههههههه
ردحذفولله يا باشا انت بتتعرض لحاجات عجيبه
صحيح أنا في سؤال محشور في زوري و نفسي أعرفه أنت خريج ايه و لا بتشتغل ايه،أصل لما كنت بتتكلم في تدوينة كيسا - موتوسيكل ...الخ قلت شكلك كدة طب بيطري أو زراعة من الناس اللي حفظت ميدان الجيزة و دوب لها جزمها دووووب
ردحذفأسلوبك جامد جدا
ردحذفالسلام عليكم
ردحذفصراحة دي أول مرة آجي هنا.. وهي صدفة جميلة لأني - على رأي شبابنا - ضحكت ضحك السنين والقرون كمان..
بجد البوست رهيب.. بطني وجعتني من الضحك.. أشكرك جزيلا على هذه اللحظات الضاحكة..
وإن شاء الله تكون لي زيارات أخرى..
تحياتي.
ريـــمـــاس
ردحذف:))
يا ألف أهلاً وسهلاً ، حمداً لله على السلامة ، نورتينا والله بزيارتك الكريمة وتعليقك الجميل
أطيب تحياتنا
Mona el Dawakhly
ردحذف:))
منورانا والله بالنسبة لموضوع النشر ، رأيي بصراحة أن "الكتابة مسئولية" .. أيا كان ما أكتب هنا ومع خالص تقديري واحترامي لأراء وتعليقات جميع الزملاء الأفاضل فيما أكتب فأعترف إن لسه قدامي كتير أوي أوي أوي علشان أفكر في خطوة زي دي ، ما بادّعيش التواضع ،، ولله الحمد أعرف قيمة نفسي ، بس الموضوع مش سلق بيض ،، مش كتاب ألم فيه كام قصة ولا كام قصيدة وأدلل علشان حد ينشرهولي بفلوسي ،، وبعد كده أشحت ناس تقراهولي وفي الآخر أرفعه ع الفورشيرد يمكن حد يتخدع في اسمه ويقراه بالصدفة ! الموضوع أعمق بكتير .. لو بتنزلي معرض الكتاب هاتلاقي أربع كتب بجنية وعليهم باكو سامبا هدية .. أه والله العظيم مش تريقة .. وفيه كتاب تاني ممكن تدوخي عليه وتشتريه مقطع ومن غير جلدة وطبعته قديمة وورقة أصفر بالشيء الفلاني ،، الفكرة في القيمة والكتاب الجيد هو الذي يبقى ، حتى لو ما انتشرش أو صاحبه ما اتعرفش ! .. النشر مش صعب .. الصعب إني ألاقي ما يستحق أن ينشر والأصعب إني ألاقي حد يقرالي ! .. بقالي خمسة وعشرين باشتري كتب .. ويا دوب بدأت أعرف اقرأ !
شرفتينا
eng_semsem
ردحذف:))
تسلم يا باشمهندس ،، ونورتنا بمرورك الكريم وتعليقك الجميل
أطيب تحياتنا
لورنس العرب
ردحذف:))
عمي الغالي ،، منورنا يا ريس والله ،، بافرح لما بتشرفني ،، ربنا يطمننا عليك وتكون في أحسن حال دايماً إن شاء الله شرفتنا
asaas
ردحذف:))
ربنا يكرمك يا ر ب ،، ومتشكرين لذوقك الراقي ومرورك الطيب وتعليقك الجميل
شرفتينا
Carol
ردحذف:))
- باعتذر جداً جداً والله لحضرتك لحذف التعليق خطأ ، برجاء المعذرة ولحسن الحظ فأنا كنت عامل نسخ للتعليقات وها هو تعليقك الجميل :
"هههههههههه
حلوه قوي الحكاية :)
و طريقة سردك ليها :)
تخيلت كل المشاهد الصراحة :)
طلعتني من موود المدونات النكد الزي مدونتي لووول
تحياتي لك "
********
ربنا يكرمك يا أستاذة ده من ذوق حضرتك ،، شرفتينا بجد ،، ومدونتك من المدونات المميزة :)
تقبلي اعتذاري عن الخطأ الغير مقصود
أطيب تحياتنا
ماجد القاضي
ردحذف:))
وعليكم السلام ورحمة الله وبركاته
يا ألف أهلاً وسهلاً بأستاذنا الفاضل ، نورتني حقيقي والله وشرفتني بتعليقك الجميل ، ربنا يكرمك يا رب وإن شاء الله تنورنا دايماً
أطيب تحياتنا
لاحول ولاقوة إلا بالله ..أيه الجيران الغريبة دي؟ ربنا يهديهم والحمد الله أنك كنت زائر وليس مقيم.
ردحذفتحياتي
أول مرة آجي هنا, وأكيد إن شاء الله مش آخر مرة.. أنت بجد هلكتني من الضحك
ردحذف:D:D:D:D:D:D:D
نيللى
ردحذف:))
جيران آخر زمن بعيد عنك :)
شرفتينا بمرورك الكريم وتعليقك الجميل
خالص تحياتنا
Israa' A. Youssef
ردحذف:))
نورتينا بزيارتك الكريمة وتعليقك الجميل ومبسوط إن البوست عجبك
أطيب تحياتنا
نشكر لك هذا الكم الرائع من الفكاهة في زمن شح فيه الضحك الرايق ..تحياتي وشكري
ردحذفzizi
ردحذف:))
منورانا والله .. ربنا يكرمك يا رب ويجازيكي كل خير إن شاء الله
احنا اللي بنشكر حضرتك على تشجيعك لينا وتشريفك الراقي لمدونتنا المتواضعة
:)
أسعدتينا جداً بتواجدك
:)
شرفتينا