هجايص

قاعد زهقان ومش عارف تعمل إيه ؟؟ دوس ? What Should I Do Today  وهي تقول لك !! وأنا عارف برضه أنك مش هتعمل اللي هترسى عليه ف الآخر !! هههههههههه Wheel Decide (تم حذف الموقع للأسف) ده موقع ظريف اتشنكلت فيه وقلت أعرفكم عليه .. الموقع ده عامل زي حادي بادي كده .. يعني مثلاً : قاعدة محتارة وزهقانة ومش عارفة تطبخي إيه ؟؟ سيبي عجلة الأكل تختار لك أكلة تعمليها ؛ سواء لحوم أو معجنات أو خضروات أو فواكه أو مكسرات ... إلخ  تخيلي كده جوزك راجع من الشغل وبيسألك عملتي لنا أكل إيه النهاردة ؟؟ فتقولي له : اسكت !! مش العجلة طلعت لي : (خضار/ بطاطس / خرشوف / كمثرى / عين جمل برازيلي / لسان ثور / وخمرة اسمها باربيرا) ؟؟ فأنا فهمت المقصود وقمت عملت مسقعة باللحمة المفرومة ونقعت شوية كركرية !!

يا أبو اللبايش يا قصب عندنا فرح وأتنصب يا أبو اللبايش يا قصب عندنا فرح وأتنصب جابوا القميص على قدها نزلت تفرج عمها جابوا القميص على قدها نزلت تفرج عمها قال يا حلاوة شعرها تسلم عيون اللي خطب يا أبو اللبايش يا قصب عندنا فرح وأتنصب جابوا السرير على قدها نزلت تفرج عمها جابوا السرير على قدها نزلت تفرج عمها قال يا حلاوة شعرها تسلم عيون اللي خطب يا أبو اللبايش يا قصب عندنا فرح وأتنصب جابوا الخلخال على قدها نزلت تفرج عمها جابوا الخلخال على قدها نزلت تفرج عمها قال يا حلاوة شعرها تسلم عيون اللي خطب يا أبو اللبايش يا قصب عندنا فرح وأتنصب الأغنيــــة http://balighhamdy.blogspot.com/2012/11/blog-post_5612.html

الأب: سوسو .. توتو سوسو: نعم يا بابا الأب: بتعملوا إيه؟ توتو: بنعمل مونوكير يا بابا الأب: أنا جايبلكوا النهاردة هديتين يسووا رقابيكم سوسو: فساتين يا بابا؟؟ الأب: أكتر توتو: جزم؟؟ الأب: يا ريت!! سوسو: أمال إيه؟؟ الأب: عريسين لُقطة .. أدب وكمال وأصل وعندهم عربية صورة عريسك أهي خدي عريسك أهه اسمه نايلون وأنتي عريسك أهه اسمه بلابيعو  سوسو: ماليش دعوة أنا عايزة ده!! توتو: أنا مالي بابا اللي إداهوني!! سوسو: لأ أنا عايزه ده!! الأم: جرى إيه يا بت أنتي وهي؟؟ سوسو: ده خلقته ملخبطة قوي يا مامي!! الأم: أبداً والنبي بونو .. مش تغيروهلها يا معلم؟؟ الأب: أغيرهم إيه يا ولية ؟؟ دول العرسان اللي بعتتهم الخاطبة النهاردة!! سوسو: طب غير لي اسمه يا بابا!! الأب: ليه بلابيعو مش عاجبك؟؟ اسميهلك ريكس؟؟ الأم: ياختي بلابيعو بلا ميعو كله كويس ألف ليلة بيضا!! 

ما باحبش أتصور !! .. مش عارف ليه ؟؟ .. جايز علشان ما باعرفش أظبط نفسي في الوقت اللي المفروض أكون بابتسم فيه .. جايز علشان ما باطلعش حلو في الصور .. جايز علشان باتكسف .. بس السبب اللي أنا متأكد منه في كرهي للتصوير هو عم شوقي .. عم شوقي ده كان المصوراتي اللي عندنا في الشارع .. ما أعرفش قبل ما يبقى مصوراتي كان بيشغل إيه ؟؟ .. كان دايماً بيلبس بدلة صيفي زرقا وبيجيب شعره أو الشوية اللي فاضلين من شعره على جنب علشان يداري صلعته .. كان راجل ممل ورخم قوي وعمري ما شفته بيضحك !! والأهم ؛ أني عمري ما شفته مصور حد بيضحك !! .. بعد ما كان يقعدني ع الكرسي الخشب المدور اللي من غير مسند وينزل ستارة الخلفية الكالحة ؛ يقعد ساعة علشان يعدلني !! كان يمسكني من وشي جامد بإيديه الاتنين ويقول لي وطي راسك سنة صغيرة ؛ رجع كتافك لورا ؛ لأ ما تفردش ضهرك قوي ؛ أيوه كده تمام ؛ بص بقى للكاميرا وما تتحركش !! .. كنت باخاف أتحرك أحسن يزعق لي ؛ فبفضل قاعد متخشب !! بس من كتر التنشنة والتركيز في الكاميرا كنت غصب عني باتهز !! .. فكان يرجع لي تاني وهو بينفخ ويقول لي : يا ابني اتحركت ليه ؟؟ ويعيد نفس الفيلم تاني !! وفي الآخر ي...

من فترة ابتلاني الله -- الحمد لله على كل شيء -- بخراج قد حباية حمص الشام أسفل ذراعي الأيمن (تحت الباط) شفت الرخامة ؟؟ .. كان مجنني ومزهقني ع الآخر !! .. دورت في البيت لقيت مضاد حيوي إسبراي ، قلت مصلحة ، أرش منه ع الخراج علشان يغور !! .. بابص عليه تاني يوم لقيته باسم الله ما شاء الله ، كِبر وقلوظ وبقى قد الزيتونة !! تقولش رشيت له تقاوي يا جدع ؟؟ .. لما بقيت بجد مش قادر أقفل دراعي !! .. طبعاً من كُتر الوجع ما قدرتش أروح الشغل اليوم ده !! .. مش أحترم نفسي بقى وأروح للدكتور بالليل ؟؟ .. لأ .. رحت راشش من الزفت المضاد الحيوي ده تاني ، قلت يمكن مفعوله بيتأخر شوية ، مش معقول برضه هايجيب نتيجة من أول مرة !! .. رشيت رشة تانية أكبر من الرشة الأولانية ، لدرجة إن دراعي كله اتملا مسحوق أبيض عامل زي اللي بيبقى طالع من طفايات الحريق !! .. وآجي أنام يا معلم ، أحس لك بألم فظييييييع مش مخليني قادر أفرد دراعي ولا أقفله ولا أتنيه ولا أرفعه !! .. بعد شوية حسيت بتنميل رهيييييب ، ما رضيتش أوهم نفسي وأقول دي أعراض شلل لا قدر الله ، قلت في سري : ده أكيد المضاد الحيوي بدأ يشتغل وزمانه دلوقتي بينتشر وبيتوغل وبيق...

اعتادت الناس أن ترفع أعينها إلى شرفة صغيرة بالطابق الأول ؛ أثناء عبورهم للشارع. بالشرفة قفص عصافير. بداخل القفص عصفور صغير جميل ؛ يغرد. لا أحد يهتم بما يقوله العصفور. كما أن أحداً لن يتذكره بعد أن يعبر الشارع. لا أحد يعرف أن العصفور الصغير الجميل الذي يغرد داخل قفص في شرفة صغيرة بالطابق الأول مات صاحبه العجوز وحيداً على فراشه منذ يومين.