ديكي
يا ديكي يا صديقي اوعى تخرج بالفانلة
النيللا نيللا نيللا
أحسن تستهوى يا روحي وتفضل تعطس تِعدي الشلة
الشلة شلة شلة
والشلة حداجة بداجة
آآجة
متسلطنة مش محتاجة
آآجة
غير ربع وقية مزاجا على دستة ونص ستيللا
يا ديكي يا صديقي اوعى تخرج بالفانلة
أحسن تستهوى يا روحي وتفضل تعطس تِعدي الشلة
يرضيك ييجي بكره يا ديك
يا ديك
أسخم م الليلة يا ديك
يا ديك
والفرح بسب الديك
يجيك
والهم مكلبش فينا تقولش ماسك علينا ذِلة
يا ديكي يا صديقي اوعى تخرج بالفانلة
أحسن تستهوى يا روحي وتفضل تعطس تِعدي الشلة
يا دجاجة جاجة جاجة البسي شفاتيشي
آتيشي تيشي تيشي
يا ولية دي ما فيهاش حاجة تحطي كولونيا تحت الريش ِ
ريشي ريشي ريشي
واعملي كدهوه ف حواجبك
كدهوه
لاعبيه بالبيضة يحبك
أيون
الحب ده أصله مِلعبك أوي وما لوش ولا دين ولا ملة
يا ديكي يا صديقي اوعي تخرج بالفانلة
أحسن تستهوى يا روحي وتفضل تعطس تِعدي الشلة
آآهوي آآهوي آآهويا هويا هوءة
آآهوي آآهوي آآهويا هويا هوءة
ليلتك بيضة ومعاها دُقة
وأنا وحداني وقلبي رغيف
خالي (وفاضي) بشكل نضيف
لو سبتها .. البيضة هاتفقس
كتكوت صايع زيي مفلس
يكبر يكبر أوي ويغلس
ويقول لك : أنا ديك يا حدوءة
آآهوي آآهوي آآهويا هويا هوءة
آآهوي آآهوي آآهويا هويا هوءة
وتقعد في الآخر ويانا
احنا الناس بالقوي تعبانة
نسخر سوا م اللي خللانا
نشرب كاس المر فِ قلة
.. ونغني :
يا ديكي يا صديقي اوعي تخرج بالفانلة
أحسن تستهوى يا روحي وتفضل تعطس تِعدي الشلة
ههههههههههههههههههههههه
ردحذفوربنا مسخرة السنين
هههههههههههه
إيه ده ؟؟
و إيه الديك اللي شايف نفسه ده ؟ ههههههههههه
النبي على قلبك ياخويا تبقى تجيبهولنا ندبحه البغبغان ده .
أنا البوست قالب بضحك معايا بجد ومش قادرة
لأ بجد إنت مبدع ياشريف .. مجرم
تسلملي دماغك وكتاباتك وإبداعاتك يارب يازوجنا المتألق .
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ايه دااااااااااااااااااااا يخرررررررربيت الدماااااااااااااااااغ ههههههههههههههههههههههههههههه العوئا النوئه الزلامؤه هههههههههههههههههههههههههههههه والله فكرتنى بهات الازازة واقعد لاعبنى والله عايز الحق باااااااااااشا صدق مين سماعك والله يعينك عليه يا بنتى ههههههههههههههههههههه هامممممموت
ردحذفانت رهيب
ردحذفأنا اضجكت فعلاً ..
ردحذفبس ما فهمت شي .. ههههه
دمت طيباً أخي شريف
هو انا قريت صح ولا كان وهم
ردحذففيه ايه النهرده هنا
هههههههههههه
حلو التغيير ده :)
دمت بخير
مساء الغاردينيا
ردحذفههههههههههه
بجدضحكت ايه الديك الصايع ده
هههه
"
؛؛
؛
لروحك عبق الغاردينيا
كانت هنا
Reemaas
ههههههههههههههههه ويقولوا عليا انا اللى عمله دماغ هههههههههههه يجوا يشوفوا
ردحذف:))))))))))))))))) لا جامدة بجد تسلم ايدك
ردحذفهههههههههههه
ردحذفاية المسخرة دي
ده انا كنت بحسب الديوك عشان بتدن يا باشا بتبقي محترمة
اتاري في ديوك برضة مسخرة
هههههههههه
بجد حلوة كتير
تحياتي لك انت ووبنت باشا
لا إلة إلا الله
ردحذفو أنا اللي كنت بقول أن الشعر هو الكلام الملتوي الملفوف للوصول إلى المعنى
أتاري المعنى هو اللي لف و صاع أما قال يا بس يا راجل.
بس حلوة و تضحك و فيها شوية أبيات و شقق و غرف(آيلة للسقوط) مسخرة السنين
أنا وحداني و قلبي رغيف، فاضي و خالي بشكل نضيف !!!!!
و أنا بقراها فكرت في طعمية سخنة يا مجوعنا
كتكوت صايع و مفلس و هيكبر قوي و يغلس!
ينفع اطبعها على تي شيرت هدية لننوس عين أمه ابن أختي المراهق في عيد ميلاده الجاي؟
هوده بأه إللي بيقولوا عليه الشعر الحلامنتيشي نيشي كواننيشي ):
ردحذفدامت روحك باعثة علي المرح والتفاؤل
تحياتي
βent Pasha
ردحذف:))
فاكرة دي ؟؟
ــــــــــــــ
بخرتك م العسل
لينق عليك
رشيتك عين جمل
يا أبو قلب الكيك
ورقيتك م الشيكولاته
حصنتك م الشربات
أشتاتا تاتا تاتا
من عين الحلويات
والهن الهن الهن الهن
من شر الكونو لأنه سهن
وزبيب بيب بيب بيب
دوبنا السكر بالتقليب
والدور الدور الدور الدور
هربنا الكحك ف البيتي فور
قولوا للكنافة النافة نافة لأه
ده أنا واد قطايف عندي برضه شقة
نوجا نوجا نوجا نوجا
خللي البسبوسة
نوجا
تفضل مفروسة
نوجا
وبلح الشام
نوجا
يضرب ف سلام
نوجا
أما الجلاش
نوجا
على طول بكاش
نوجا
نداغة عسلية
نوجا
شبه السحلية
نوجا
تتعلق ف العليقة
تتزحلق ع الزحليقة
ياللي تحسد حبيبي
قولوا إن شالله
ودانك ودن قدرة
تقعد على سن إبرة
ياللي تحسد حبيبي
قولوا إن شاء الله
* * * * *
:))))))))
richardCatheart
ردحذف:))
ههههههههههههههههههه
إيه رأيك في الدماغ ؟؟ D:
بذمتك فيه ألسع من كده ؟؟
هههههههههههههههههههه
العوئا النوئه الزلامؤه ؟؟ انتي عارفه إني ما بافهمش في السياسة يا مارو :))
ألف حمداً لله على السلامة ، نورتنيا جداً والله ، ربنا يكرمك يا رب ويسعدك ويجازيكي كل خير إن شاء الله
وسلام كبير أوي أوي أوي للحاج / ريتشارد عميد العائلة وسمو الأدميرال / ميرو والآنسة المبجلة ابنتكم وكل أهل إسكندرية أجدع ناس
لورنس العرب
ردحذف:))
حبيبي الغالي واحشني والله يا كبير ، تسلم يا أستاذنا يا رب من كل شر
ظلالي البيضاء
ردحذف:))
يا ألف أهلاً وسهلاً بأخي المبدع الجميل :))
منورني وربنا ، بالنسبة للترجمة يا معلم غالي والطلب رخيص :
شلة حشاشين وسكارى قاعدين في قعدة كيف (مخدرات) بيهددوا الديك علشان ما يطلعش يأذن للفجر علشان السهرة ما تخلصش ، لأنهم مش مهتمين غير بالنهاردة وبس ومش ضامنين بكرة ييجي شكله إيه ، وبيحاولوا يقنعوا زوجته (الدجاجة) إنها تغويه علشان ما يطلعش يأذن ، وحتى الراجل اللي قاعد في حاله مش مندمج معاهم بيقولوا له فيما معناه عيش اللحظة لأنك في الآخر برضة هاتيجي تقعد تحشش وتسكر معانا :))
نورتنا يا غالي والله
رؤى عليوة
ردحذف:))
لالالا قريتي صح :))
نورتينا
ريـــمـــاس
ردحذف:))
هههههههههههههههههه
مساء الورد يا أستاذة .. شفتي الديك بتاعنا ؟؟ .. هو ده اللي بيقولوا عليه الديك السحلاوي هههههههههههه
نوريتنا
reemaas
ردحذف:))
ههههههههههههههه
دي تفاريح يا دكتورة :))
وبعدين خللي اللي بيقولوا كده ييجوا يقعدوا معانا ، بس والنبي يقفلوا الباب وراهم حتى لا يطير الدخان :))
نورتينا
Carmen
ردحذف:))
تسلمي يا أستاذة ، ربنا يكرمك يا رب ويجازيكي كل خير إن شاء الله
نورتينا
re7ab.sale7
ردحذف:))
ههههههههههههههههههههه
ما هو أصل الديك ده مش بيدن عادي لأ !
ده بيقول : كوكوواوا D:
تسلمي يا أستاذتنا يا رب وشكراً على سؤالك وتحيتك الطيبة ، بنت باشا إذ تهديكي أحر السلام وتنتظر تشريفكم لها في مدونتها :))
نورتينا
سنكوح شنن لملوم سامي
ردحذف:))
لا إله إلا الله محمد رسول الله
ههههههههههههههههههه
الكلام الملتوي "الملفوف" .. فعلاً .. ما هو الكلام ده لو مش ملفوف كانوا شربوه إزاي ؟؟
D:
بالنسبة للجملة اللي عجبت حضرتك ، تحت أمرك يا فندم اطبعيها على التي شيرت بس ابقي هاتي لنا نسخة :))
نورتينا يا باشمهندسة
ديدي
ردحذف:))
هههههههههههههههههههه
"الشعر الحلامنتيشي نيشي كواننيشي"
جامدة بصراحة وعجبتني ، بس أنا باقول نبعد "النيشي" عن الموضوع عشان الصيني اللي فيه ما يتكسرش ، ودول جماعة مساطيل مش شايفين قدامهم :))
تسلمي يا رب ويسلم مرورك الجميل
نورتينا