المشاركات

عرض المشاركات من يونيو, 2014

في المصيف

قرر صابر (بعد زن شهرين من مراته) أنه ياخد الفاموليا ويروحوا يصيفوا .. آهو منه تغيير جو .. ومنه يشوف البحر اللي ما شافوش من عشرين سنة .
اتصل بعدد من شركات السياحة فاكتشف أن المبلغ اللي عامل حسابه يقضي بيه عشر أيام ما يكفيهوش يبات ليلة لوحدة على السلم في فندق رُبع نجمة .. فقرر أنه يستعين بصديق اسكندراني علشان يشوف له شقة محندقة يقعد فيها أسبوع .. وبعد ما صديقه بشره أنه لقى له شقة لقطة أول نمرة ع البحر على طول ، وبخمسميت جنيه بس في اليوم ، أجر عربية بيجو سبعة راكب علشان توصلهم وطلع البيت علشان ياخد الفاموليا.

صابر : إيه يا وليه الحلل دي كلها ؟؟ هو احنا رايحين صحرا ؟؟
مراته : ده يا أخويا الأكل اللي هناكله في السكة .
صابر : كل ده ؟؟ ليه هو احنا هانركب جمل ؟؟
مراته : ده يا دوب حلة محشي وحلة مكرونة وصينية رقاق وصينية فراخ وصينية كفتة.
صابر : وإيه الإزازة الملفوفة في جرنان دي ؟؟
مراته : دي إزازة ملوخية علشان موءه بيحبها .
صابر : يا وليه ده احنا عقبال ما نوصل هايكون الأكل ده كله باظ !! وإيه التبة اللي هناك دي كمان ؟؟
مراته : ما فيش !! دول يا دوب تلات كوفرتات وست ملايات وست أكياس مخدات والمكواة والكولما…

تأنيب ضمير

+18

- الموضوع ده حضرتـِك بيحصل لي لما حد بيضغط جامد على أعصابي ويفضل يخنقني ويكبت فيا ويبتزني نفسياً علشان أعمل حاجة أنا مش عاوزها أو مش مقتنع بيها !! .. باحس إني مقهور ومتلجم ومش عارف أرد عليه في ساعتها !! .. باحس إني إنسان خايب وجبان !! .. فباتخنق مني وبافقد الثقة في نفسي وفي كل اللي حواليا وبانعزل عنهم !! .. ولما باخرج بعد كده باكتشف إن عقلي الباطن ما نسيش اللي حصل !! فبانتقم من أول حد غلبان يقابلني ؛ من غير ما يعمل لي حاجة !! .. بالاقي نفسي لا إرادياً كده باضغط على أعصابه وباقهره !! .. وأول ما أهدى ؛ أحس بذنب رهيب وتأنيب ضمير بيموتني !! .. أنا عايش في جحيم مستمر يا دكتورة ما بين عذاب الأخرين ليا وعذابي للأخرين !! 

- والموضوع ده حصل معاك إمتى آخر مرة ؟؟

- من تلات ساعات تقريباً !! .. بس اعفيني مش هاقدر احكيلك اللي حصل .

- ليه ؟؟

- معلش مش هاقدر .

- أنت مش عاوز تتعالج ولا إيه ؟؟

- لأ مش الفكرة ؛ بس أصله موضوع صعب وتعبني نفسياً واستنفذني جسمانياً .

- ما هو علشان تحل مشكلتك لازم تواجه كل مخاوفك وتتعامل معاها وتتحداها وتثبت لنفسك أنك إنسان قوي وشجاع وجريء يقدر يتعامل مع أي ضغط يواجهه في الحي…

عقل عصافيري

من كام يوم ؛ بعد ما رجعت من بره ؛ قلعت جاكت البدلة وقلت أقف في الشباك أشرب سيجارة .. بابص قدامي ؛ لقيت عصفورين واقفين على منشر الشباك اللي قدامي ؛ والعصفور الذكر بيهزر مع العصفورة الأنثى وبيناغشها كتمهيد علشان يعملوا قلة أدب مع بعض D:



في الأول حك منقارة في منقارها زي ما يكون بيبوسها وبعدين اتنطط فوق ضهرها شوية وفضل يمسح ريشها بمنقاره زي ما يكون بيدلكها وبعدين نقرها بمنقاره كام نقرة خفيفة كده ونزل وقف جنبها وهاتك يا صو صو صو وزقزقات رقيعة ؛ وهي راحت موطية رقبتها كده ودورت راسها قال يعني مكسوفة !! .. كل ده وأنا واقف بابص عليهم من الشباك وبابتسم . 


فجأة العصفورة لمحتني !! .. فسكتت واتجمدت مكانها ؛ وشاورت لجوزها برقبتها ناحيتي ؛ اللي هو فيما معناه : يا فضيحتي ده فيه حد بيتفرج علينا !! .. هز رأسه هزتين كده بسرعة وهو بيبص لي زي ما يكون بيقول لها : طب استري نفسك أنتي واستنيني لحد ما أشوف إيه حكايته !! .. سابها واقفة على الحامل بتاع المنشر ؛ وراح ناطط على أول حبل ناحية الشباك وهو لسه بيبص لي جامد قوي .. ثانيتين وراح ناطط على الحبل التاني ؛ زي ما يكون بيقول لي : يعني مش همك ؟؟ طيب أنا هاوريك !! …