بنــــوته





وكأن الدنيا دي ما فيهاش حد !!
يستاهل يحضن قلبي بجد
يستاهل أعيش العمر عشانه
بحنانه اتغطى ف عز البرد !!

من حق مشاعري ف لحظة تبان
من حقي أتحب وأحب كمان
من حقي إحس إن أنا إنسان
بكيان موجود مش ضل لحد !!

لو بس أطلع للنور والشمس
وأغني بصوتي بدل الهمس
وأغلط ف قرار .. أترد بلمس
هو الغرقان محتاج غير يد

وأطلع من توب البنوته
العاميه .. الساكته .. المكبوته
محبوسه جوه الحدوته
بدموع ع الخد

الصبر بعيد وعنيد والعمر يمر
والوحدة سجن حديد .. تسقيني الـمُر
ويا بكره .. يا حلم .. يا وهم .. يا حر
هات لي وياك .. حرية بجد

***
يناير 2008

تعليقات